အမျိုးသမီးများ၏ ကိုယ်ပိုင်ဆုံးဖြတ်ခွင့်ကို မချုပ်ကိုင်ရန် နိုင်ငံတော်သမ္မတ တိုက်တွန်း

နေပြည်တော်၊ ဒီဇင်ဘာ ၅

မြန်မာအမျိုးသမီးများ၏ ကိုယ်ပိုင်ဆုံးဖြတ်ခွင့်ကို မည်သည့်အကြောင်းရင်းနှင့်မျှ လွှမ်းမိုးချုပ်ကိုင်မှု မပြုလုပ်ရန်နှင့် အမျိုးသမီး အခွင့်အရေး မဆုံးရှုံးရန် ကာကွယ်ရမည် ဖြစ်ကြောင်း ဒီဇင်ဘာလ ၅ ရက်နေ့က ကျင်းပသော မြန်မာ-အာဆီယံ အမျိုးသမီးဖိုရမ် ဖွင့်ပွဲတွင် နိုင်ငံတော်သမ္မတ ဦးသိန်းစိန်က တိုက်တွန်း ပြောကြားသွားသည်။

အဆိုပါ အမျိုးသမီးဖိုရမ်ကို ဒီဇင်ဘာလ ၅ ရက်နေ့မှ ၆ ရက်နေ့အထိ နေပြည်တော်နှင့် ရန်ကုန်မြို့တွင် ကျင်းပသွားမည် ဖြစ်ပြီး ပြင်သစ်နိုင်ငံ အပါအဝင် နိုင်ငံတကာမှ အမျိုးသမီး ခေါင်းဆောင်များ တက်ရောက်ခဲ့ကြသည်။

ဖွဲ့စည်းပုံ အခြေခံဥပဒေအရ နိုင်ငံသားတိုင်း အခွင့်အရေးကို တန်းတူညီမျှ ဖြစ်စေရန် ပြဋ္ဌာန်းသည့်အတိုင်း အမျိုးသမီး အခွင့်အရေးကိုလည်း တန်းတူညီမျှ ဆက်ဆံကြရမည် ဖြစ်ကြောင်း၊ အမျိုးသမီးများကို နိုင်ငံတည်ဆောက်ရေးတွင် တန်းတူညီမျှ ပါဝင်ရန် စီစဉ်ဆောင်ရွက်နေကြောင်း ၎င်းက ဆက်လက်ပြောဆိုသည်။

လက်ရှိတွင် မြန်မာနိုင်ငံတွင် ကျား၊ မ ခွဲခြားဆက်ဆံမှုများ ရှိနေသေးပြီး နိုင်ငံ အသွင်ကူးပြောင်းရေး ကာလတွင် အမျိုးသား၊ အမျိုးသမီး မခွဲခြားဘဲ ဝိုင်းဝန်းပူးပေါင်းမှသာ တိုးတက်မည်ဖြစ်ကာ အမျိုးသမီးများကလည်း တတ်စွမ်းသမျှ အားစိုက်ထုတ်ရမည် ဖြစ်ကြောင်း ယင်းဖိုရမ် ဖွင့်ပွဲတွင် နိုဘယ်လ် ငြိမ်းချမ်းရေးဆုရှင် ဒေါ်အောင်ဆန်းစုကြည်က တိုက်တွန်းသွားသည်။

ဥပဒေပြု လွှတ်တော်အတွင်း အမျိုးသမီး ကိုယ်စားလှယ် ၅ ရာခိုင်နှုန်းသာ ရှိနေခြင်းသည် ရှိသင့်သည့် ပမာဏထက် နည်းနေသေးကြောင်း ၎င်းက ဆက်လက်ပြောဆိုသည်။

“အမျိုးသမီးတွေရဲ့ အခန်းကဏ္ဍက တော်တော်လေးကို တိုးတက်လာတာ တွေ့ရတယ်။ အခုခေတ်မှာ မြန်မာနိုင်ငံမှာ ပထမဆုံး အမျိုးသမီး သံအမတ်ကိုတောင် ခန့်ထားတာ တွေ့တယ်” ဟု အမျိုးသား လူ့အခွင့်အရေးကော်မရှင် ဥက္ကဋ္ဌ ဦးဝင်းမြက The Voice သို့ ပြောကြားသည်။

မြန်မာနိုင်ငံတွင် အမျိုးသမီး အခွင့်အရေးနှင့် အကြမ်းဖက်မှု တိုင်ကြားချက်များကို မြန်မာနိုင်ငံ အမျိုးသမီးရေးရာ အဖွဲ့ချုပ်က စီမံခန့်ခွဲလျက် ရှိပြီး အမျိုးသား လူ့အခွင့်အရေး ကော်မရှင်ထံ တိုင်ကြားလာသော အမျိုးသမီး အကြမ်းဖက်မှု တိုင်ကြားချက်များကိုလည်း ယင်းအဖွဲ့ချုပ်ထံ လွှဲပေးကြောင်း ၎င်းက ဆက်လက်ပြောဆိုသည်။

မြန်မာနိုင်ငံသည် ကုလသမဂ္ဂ အမျိုးသမီးများ ခွဲခြားဆက်ဆံမှု ပပျောက်ရေး သဘောတူစာချုပ် (CEDAW) ကို ၁၉၉၇ ခုနှစ်တွင် ရေးထိုးထားခဲ့သော်လည်း ယခုအချိန်ထိ အမျိုးသမီးများ အကြမ်းဖက်ခံရမှု ကာကွယ်ရေး ဥပဒေကြမ်းကို ရေးဆွဲနေဆဲသာ ရှိသည်။
The Voice