ဗင်နီဇွဲလားနိုင်ငံမှာ ပြုလုပ်နေတဲ့ Miss Tourism 2014 ကို သွားပြိုင်နေသော မြန်မာ အလှမယ် ဂျူးစံသာ တယောက် သူစီးသွားတဲ့ လေကြောင်းလိုင်းရဲ့ လိုအပ်ချက်ကြောင့် အ၀တ်အစားနဲ့ အသုံးအဆောင်ပစ္စည်းတွေ ထည့်ထားတဲ့ ခရီးဆောင်အိတ်နှစ်လုံး ပျောက်နေတယ်လို့ သိရပါတယ်။
Miss Tourism Myanmar 2014 အလှမယ် ဂျူးစံသာ(ဓာတ်ပုံများ- Miss Golden land Myanmar Organization)
အဲ့ဒီအိတ်ထဲမှာ ပြိုင်ပွဲဝင်တလျှောက်နေ့စဉ် ၀တ်ဆင်ရမယ့် ၀တ်စုံတွေနဲ့ အသုံးအဆောင်တွေ၊ ဒေါက်ဖိနပ်တွေနဲ့ အမျိုးသားဝတ်စုံအဖြစ် ယှဉ်ပြိုင်မယ့် ပုဂံဝတ်စုံမှာ ထည့်သွင်းအလှပြကိုင်ဆောင်မယ့် အလှအိုးလေးပါ ပါသွားတယ်လို့ သူ့ရဲ့ organization က ဆိုပါတယ်။
“ဒီကနေ ထိုင်းကိုစီးရတယ်။ ထိုင်းကနေ ပြင်သစ် ၊ ပြင်သစ်ကနေမှ ဗင်နီဇွဲလားကို သွားရတယ်။ သူက ပြင်သစ်မှာ လေယာဉ်ပြောင်းရတော့ အဲ့မှာ Air French လေကြောင်းလိုင်းကနေ လေယာဉ်က မှားပြီး သယ်သွားတယ်ဆိုပြီး ကျနော်တို့ဆီကိုလည်း တောင်းပန်စာလည်းရောက်လာတယ်။ အကောင်းဆုံး ကြိုးစားပြီးတော့ ပြန်ရှာပေးပါ့မယ်ပေ့ါ။ သူတို့ အမှားဖြစ်တဲ့အတွက် ဂျုးစံသာတည်းတဲ့ ဟိုတယ်ရဲ့ လိပ်စာကိုပြောပါ။ သူတို့ Delivery နဲ့ ပို့ပေးပါမယ်ပြောပါတယ်။ ဒါပေမယ့် မနက်ဖြန် ၁၀ ရက်နေ့ပဲ ပြိုင်ပွဲဖြစ်နေပြီ။ ဒီအတောအတွင်းမှာ အခုထိရောက်မလာသေးဘူးခင်ဗျ။” လို့ ဂျူးစံသာကို စေလွှတ်ခဲ့တဲ့ Organizer ကိုဝေယံအောင်က ပြောပါတယ်။
အလှမယ် ဂျူးစံသာအတွက် လိုအပ်တဲ့ အ၀တ်အစားတွေနဲ့ အသုံးအဆောင်ပစ္စည်းတွေကိုတော့ ၎င်းတို့ အဖွဲ့အစည်းကနေ ဟိုဘက်မှာရှိတဲ့ Tourism Organization ကို အကြောင်းကြားပေးထားတဲ့အတွက် သူတို့အနေနဲ့ အဆင်ပြေအောင် ပြင်ဆင်ပေထားတယ်ဆိုပေမယ့် အခုလို ပျောက်သွားတဲ့အတွက် အခက်အခဲတော့ အနည်းငယ်ရှိသွားတယ်လို့ ၎င်းက ဆက်ပြောပါတယ်။
“ကံကောင်းတာက သူဖိုင်နယ်မှာ ၀တ်မယ့် Evening Gown တွေ Swim Suite တွေ နောက် ဖိုင်နယ်မှာ ၀တ်မယ့်အ၀တ်အစား မှန်သမျှက သူနဲ့တပါတည်း သီးသန့်ပါသွားတဲ့အတွက်ကြောင့်ပါ။ ဟိုမှာ ပါသွားတာတွေ က National Costume မှာ ပါရမယ့် အဆင်တန်ဆာတွေဖြစ်တဲ့ အိုးလေးပေ့ါ။ သူ့ဝတ်စုံက ပုဂံဝတ်စုံမှာ လက်ကနေ ကိုင်မယ့် အိုးလေးပါသွားတယ်။ သူ နေ့စဉ်ဝတ်မယ့် အ၀တ်အစားတွေပါသွားတယ်။ နောက် စီးမယ့် ဒေါက် ဖိနပ်တွေ ၆ ရံလောက်ရှိမယ် အဲ့ဒါတွေအကုန်လုံး ပါသွားတဲ့အတွက် အကုန် ဟိုမှာ အသစ်တွေ ပြန်ဝယ်ရတယ်။ ကံကောင်းတာက နေ့စဉ်ဝတ်မယ့် အ၀တ်အစားတွေ ပျောက်သွားပေမယ့် ဟိုမှာက ပြိုင်ပွဲဝင်တွေ အားလုံးက Miss Tourism ၀တ်စုံလေးတွေ ၀တ်ရတဲ့အတွက် နေ့စဉ်အ၀တ်အစားအတွက်တော့ အဆင်ပြန်ပြေသွားတယ်။ ဖိုင်နယ်အတွက်က စိတ်ပူစရာမရှိပါဘူး။ ဖိုင်နယ်မှာကတော့ သူနဲ့အတူတူ ပါသွားတဲ့ပစ္စည်းတွေအကုန်လုံးက ဖိုင်နယ်မှာ အသုံးဝင်ပါတယ်။” ကိုဝေယံအောင်က ရှင်းပြပါတယ်။
မြန်မာအလှမယ် ဂျူးစံသာ ၀င်ရောက် ယှဉ်ပြိုင်နေတဲ့ Miss Tourism 2014 ပြိုင်ပွဲဟာ ပြီးခဲ့တဲ့ နိုဝင်ဘာလ ၃၀ ရက်ကနေ ဒီဇင်ဘာလ ၁၀ ရက်နေ့အထိ ဗင်နီဇွဲလားနိုင်ငံမှာ ကျင်းပနေတာပါ။
ပြိုင်ပွဲဝင်နိုင်ငံတခုချင်းစီရဲ့ ခရီးသွားလာရေးနဲ့ ယဉ်ကျေးမှုကို မြှင့်တင်ဖို့နဲ့ အသိပညာ ဗဟုသုတ တွေ မျှဝေဖို့ရယ်ဆိုတဲ့ ရည်ရွယ်ချက်နဲ့ ကျင်းပနေတဲ့ ဒီပြိုင်ပွဲမှာ နိုင်ငံပေါင်း ၈၀ ကျော်က ကိုယ်စားပြုအလှမယ်တွေ လာရောက်ယှဉ်ပြိုင်နေကြတာပါ။
မနက်ဖြန် ဒီဇင်ဘာလ ၁၀ ရက်နေ့မှာ ဖိုင်နယ်ပွဲကြီးကို ကျင်းပမှာပါ။
ဧရာဝတီ Blog
