စေတီတော် ရင်ပြင်တိုးချဲ့ရန် မြေတူးရာမှ တနင်္သာရီ ရှေးဟောင်း ဆင်းတုတော်များ တွေ့ရှိ

|Dawei Watch| မြိတ်၊ ဒီဇင်ဘာ ၇

တနင်္သာရီတိုင်းဒေသကြီး မြိတ်ခရိုင် တနင်္သာရီမြို့နယ် လေသာစေတီတော်မြတ်ရင်ပြင်ပေါ်ရှိ ရွှေဘုန်းပွင့်စေတီတော် ရင်ပြင် တိုးချဲ့ရန် ဒီဇင်ဘာ ၅ ရက်နေ့ မွန်းလွဲ ၃ နာရီခွဲအချိန်ခန့်က မြေတူးရာမှ ရှေးဟောင်း ဘုရားဆင်းတုတော်များကို တွေ့ရှိခဲ့သည်ဟု တနင်္သာရီမြို့၏ ရှေးဟောင်း ပစ္စည်းများနှင့် ပတ်သက်ပြီး ၀ါသနာအရ စာတမ်းပြုစုလေ့လာနေသူ ဦးသန်းစိုးဝင်းထံမှ သိရသည်။

ဥာဏ်တော်အမြင့် ၅ လက်မခန့်ရှိ ရွှေဆင်းတုတော် ၃ ဆူ၊ ၅ လက်မမှ ၈ လက်မကြားရှိသော ငွေဆင်းထု ၁၆ ဆုနှင့် ကြေမွနေသည့် ငွေဆင်းထုတော်က တစ်ဆူ စုစုပေါင်း ၂၀ ဆူကို တွေ့ရှိခဲ့ကြောင်း သိရသည်။

ဆင်းတုတော်များကို ရုတ်တရက် ကြည့်သည့်အခါ ထိုင်းလက်ရာဟု ထင်ရသော်လည်း နားရွက်တော် “ကား” စွာရှိနေခြင်း၊ လက်တော်မသွယ်ခြင်း၊ ရင်သားတော် မဆူခြင်း၊ သင်္ကန်းတော် ရှည်နေခြင်း၊ ထိုင်တော်မူနေပုံမှာ တောင့်တောင့်တင်းတင်းတို့ ရှိခြင်းကြောင့် ရှေးတနင်္သာရီသားတို့၏ လက်ရာဖြစ်နိုင်သည်ဟု ဦးသန်းစိုးဝင်းက သုံးသပ်သည်။

ဆင်းတုတော်များ တွေ့ရှိသည့်နေရာသည် အုတ်ကုန်းနေရာဖြစ်ပြီး အထဲဘက်တွင် အခန်းဖွဲ့စည်းပုံတစ်ချို့နှင့် အမိုးအုတ်ကြွတ်များ တွေ့ရှိရသဖြင့် သာသနာ အဆောက်အဦးတစ်ခုခု ဖြစ်နိုင်သည်ဟု ဦးသန်းစိုးဝင်းက ခန့်မှန်းသည်။

လက်ရှိတွင် ဆင်းတုတော်များကို စေတီတော်တွင် အပူဇော်ခံထားရှိထားပြီး တနင်္သာရီမြို့ရှိ သြဝါဒဆရာတော်ကြီးများ၏ လမ်းညွှန်မှုအတိုင်း ဆက်လက်လုပ်ဆောင်ရန် စီစဉ်ထားသည်ဟု သိရသည်။

တနင်္သာရီမြို့နယ်တွင် ရှေးဟောင်းယဉ်ကျေးမှုအမွေအနှစ် သာသနာဆက်စပ် ပစ္စည်းများ၊ လူအသုံးအဆောင်ပစ္စည်းများကို ဒေသခံတုိ့မှ မကြာမကြာဆိုသလို တွေ့ရှိခဲ့ဖူးသည်ဟု ယင်းမြို့ခံတစ်ချို့က ဆိုသည်။

Dawei Watch