ရန်ကုန်မြို့အတွင်း Day Club များနှင့် Sexy Danceပါတီများ ကျင်းပပြုလုပ်ခဲ့သည့် ဟိုတယ်နှင့် ဘားများမှ တာဝန်ရှိသူများကို နောက်မပြုလုပ်ရန် ရဲတပ်ဖွဲ့ တာဝန်ရှိသူများက ဒီဇင်ဘာ ၆ ရက် နံနက်ပိုင်းက ခေါ်ယူသတိ ပေးခဲ့ကြောင်းသိရသည်။
ရန်ကုန်တိုင်းဒေသကြီး ရဲတပ်ဖွဲ့မှူးရုံးမှ Day Clubများနှင့် Sexy Dance ပါတီများ ကျင်းပပြုလုပ်ခဲ့သည့်GTR 2 Inyalate Hotel, Brave Bar, Royal Rose, Sky Way, Utopia Tower Utopia KTVတို့မှ မန်နေဂျာနှင့် ပိုင်ရှင်များအား ဒီဇင်ဘာ ၆ ရက်နံနက်ပိုင်းက ခေါ်ယူသတိပေးခဲ့ခြင်းဖြစ်သည်။
“အခုလိုခေါ်ယူ သတိပေးတာက အဲဒီလိုDay Club များနှင့်Sexy Dance ပါတီတွေဆိုတာက မြန်မာ့ယဉ်ကျေးမှုနဲ့လည်း မကိုက်ညီဘူး။ နောက်ပြီး အဲဒီလိုလုပ်နေတာတွေနဲ့ ပတ်သက်ပြီး တိုင်တန်းတာတွေလည်း အများကြီးရှိတယ်။ အဓိကကတော့ လူငယ်တွေ အများစုက ကလပ်တွေ ပါတီတွေ ရောက်တယ်။ နောက်ပြီး ပျက်စီးလာကြတာတွေ အများအပြား ရှိလာတယ်။ မိန်းကလေးတွေ ဆိုရင်လည်း တိုတိုပြတ်ပြတ်လေးတွေ ဝတ် ကြတယ်။Sexy Danceဆိုပြီးတော့ ကကြတယ်။ ခုန်ကြတယ်။ အဲဒါတွေက အမှန်တကယ်တော့ မဖြစ်သင့်ပါဘူး။ နောက်ပြီး အဲလိုနေရာတွေမှာက မူးယစ်ဆေးဝါးတွေ အလွယ်တကူရရှိပြီး ရောင်းဝယ်နေတာတွေကိုလည်း တွေ့ရတယ်။ အဲလိုရောင်းဝယ်နေတော့ လူငယ်တွေအတွက် မူးယစ်ဆေးဝါး အန္တရာယ်ကလည်း နီးကပ်လာတယ်။ မူးယစ် ဆေးစွဲလာကြတယ်။ ဒါတွေကလည်း မဖြစ် သင့်တဲ့ ကိစ္စတွေပဲ။ နောက်ပြီး မြန်မာနိုင်ငံ မှာက ဒီလို Day Clubတွေ Night Clubတွေ၊Sexy Dance ပါတီတွေကို ပြုလုပ်ဖို့ခွင့် မပြုထားပါဘူး။ ခုခေါ်တွေ့ရတာက အဲလိုပါတီ တွေ ပွဲမျိုးတွေကို မလုပ်ဖို့ပါ ခေါ်ယူသတိပေးတာပါ။ ခံဝန်ထိုးပြီးတော့ လုံးဝမလုပ်ဖို့လိုပါတယ်။ တကယ်လို့ ခိုးပြီးတော့ လုပ်မယ်၊ ဆက်လုပ်နေဦးမယ်ဆိုရင် ကျွန်တော်တို့ သတင်းရတာနဲ့ ဖမ်းဆီးအရေးယူ ဆောင်ရွက်မှာပါ။ ဆောင်ရွက်ရာမှာလည်း ဟိုတယ်တစ်ခုလုံး လုပ်ငန်းတစ်ခုလုံးကို ပိတ်သိမ်းပြီးတော့ကို အရေးယူလုပ်ဆောင်မှာပါ။ အခုကတော့ ခေါ် ပြီးသတိပေးတာပါ။ နောက်မလုပ်ဖို့ပါ”ဟု ရန်ကုန်တိုင်းဒေသကြီးရဲတပ်ဖွဲ့မှူး ရဲမှူးကြီး ဝင်းနိုင်က ပြောကြားသွားသည်။ သတိပေးရန် ခေါ်ယူခဲ့သည့် ဟိုတယ်များထဲတွင် Hotal Yangon ပါဝင်ခဲ့သော်လည်း ယင်းဟိုတယ်မှ တာဝန်ရှိသူများ လာရောက်ခဲ့ခြင်း မရှိပေ။
“မြို့နယ်၊ ရပ်ကွက်တွေမှာလည်း အဲဒီလိုပါတီတွေ၊ ကလပ်တွေမလုပ်ဖို့ ဒေသန္တရအမိန့်တွေ ထုတ်ထားပါတယ်။ အကယ်၍ ပါတီလုပ်တာတွေ ကလပ်ဖွင့်တာတွေ စုံစမ်းတွေ့ရှိရင် ပြစ်မှုပုဒ်မ ၁၈၈ နဲ့လည်း အရေးယူနိုင်တယ်။ တည်ဆဲဥပဒေပုဒ်မတွေနဲ့ ထိထိရောက်ရောက် အရေးယူဆောင်ရွက်သွားမှာ ပါ။ သိပ်မကြာခင်ကမှ လုပ်သွားတဲ့ အမျိုး သမီး သုံးယောက်ရဲ့ Sexy Dance ပါတီဆိုရင် လုံးဝမလုပ်သင့်တဲ့ ပါတီတစ်ခုပါ။ နောက်အဲလိုပါတီတွေ လုပ်တာတွေကို အရေးယူသွားမှာပါ။ ပါတီကျင်းပတဲ့ သူတွေရော လက်ခံကျင်းပတဲ့ ဟိုတယ်တွေ၊ ဘားတွေရောအကုန် ပိတ်သိမ်းတဲ့အထိ အရေးယူသွားမှာပါ။ အရေးယူမှာက ဒီနေ့ကစပြီးတော့ အရေးယူဆောင် ရွက်သွားမယ်” ဟု ရန်ကုန်တိုင်းဒေသကြီး ရဲတပ်ဖွဲ့မှူးရုံးမှ ဒုရဲမှူးပြည့်စုံက ဒီဇင်ဘာ ၆ ရက်တွင် ပြောကြားသည်။
ရန်ကုန်မြို့အတွင်း Day Clubများနှင့် Sexy Danceပါတီများ ကျင်းပလုပ်မှုများ ယခုနှစ်အတွင်း ပိုမိုများပြားလာခဲ့ပြီး အဆိုပါ နေရာများတွင် မူးယစ်ဆေးဝါးများ အလွယ်တတူ ရောင်းချမှုများလည်း ရှိနေသဖြင့် လူငယ်အများစုမှာ မူးယစ်ဆေးသုံးစွဲ ပျက်စီးမှုများ ရှိလာကြောင်းလည်း သိရသည်။
Eleven Media Group
