KIA စခန်းသို့ ရောက်ရှိနေသော တပ်မတော်သား အယောက် ၃၀ ကို ပြန်လည်ခေါ်ယူနိုင်ရေး ၈၈ မျိုးဆက် ကျောင်းသားများ မြန်မာငြိမ်းချမ်းရေးစင်တာနှင့် ချိတ်ဆက်ဆောင်ရွက်နေ

ကချင်လွတ်မြောက်ရေး တပ်မတော်(KIA) စခန်းသို့ ရောက်ရှိနေသော တပ်မတော်သား အယောက်  ၃၀ ကို ပြန်လည်ခေါ်ယူနိုင်ရေး ၈၈ မျိုးဆက် ကျောင်းသားများအဖွဲ့မှ မြန်မာငြိမ်းချမ်းရေးစင်တာ (MPC)နှင့် ချိတ်ဆက် ဆောင်ရွက်လျက်ရှိကြောင်း သိရသည်။
ကချင်ပြည်နယ်၊ လိုင်ဇာမြို့ရောက် ကိုမြအေး ဦးဆောင်သည့် ၈၈ မျိုးဆက် ကျောင်းသားများအဖွဲ့သည် ဇန်န၀ါရီ ၃ ရက်နှင့် ၄ ရက်နေ့များတွင် KIA ဒုတိယ စစ်ဦးစီးချုပ် ဗိုလ်ချုပ်ဂွမ်မော်နှင့် တွေ့ဆုံဆွေးနွေးအပြီး အဆိုပါတပ်မတော်သား အယောက် ၃၀ ကို ပြန်လည် ခေါ်ယူသွားရန် ယခုလို သဘောတူညီမှု ရရှိခဲ့ခြင်း ဖြစ်ကြောင်း သိရသည်။
ယင်းကိစ္စနှင့် ပတ်သက်၍ှ KIA ပြောခွင့်ရပုဂ္ဂိုလ် ဦးလနန်ကို Eleven Media Group မှ ဆက်သွယ်မေးမြန်းရာ'' ကျွန်တော်တို့ KIA ကို ရောက်နေတဲ့ တပ်မတော်သား ၃၀ ကို အရင်ကတည်းက ပြန်ပို့ဖို့ ဦးအောင်မင်းနဲ့ ပြောပြီးသားဖြစ်တယ်။ဒါပေမဲ့ ဦးအောင်မင်းက အကြောင်းမပြန်ဘူး။ ကိုမြအေးတို့ ရောက်လာတော့ သူတို့နဲ့ တိုင်ပင်တယ်။ သူတို့က ခေါ်သွားဖို့ လက်ခံတယ်။ အဲဒီမှာ သူတို့က မြန်မာ ငြိမ်းချမ်းရေးစင်တာကို ဆက်သွယ်တော့ အဆင်သင့် မဖြစ်သေးတဲ့အတွက် လက်မခံနိုင်ဘူးလို့ အကြောင်းပြန်တယ်လို့ သိရတယ်။ ကိုမြအေးတို့က တတ်နိုင်သလောက် ကြိုးစားနေပေမဲ့ ဒီပုံအတိုင်းဆို လိုက်ပါသွားလို့ မဖြစ်နိုင်ဘူး။ ဘာဖြစ်လို့လဲဆိုတော့ စစ်ဥပဒေတွေအရ စစ်ခုံရုံး တက်ရဖို့ ရှိတဲ့အတွက် အစိုးရနဲ့ သဘောတူညီမှု မရဘူးဆိုရင် ခေါ်သွားဖို့ မဖြစ်နိုင်ပါဘူး'' ဟု ပြန်လည် ဖြေကြားသည်။
၎င်းအခြေအနေအပေါ်  MPC တာဝန်ရှိသူတစ်ဦးဖြစ်ပြီး သမ္မတ အကြံပေးလည်းဖြစ်သူကို ဆက်သွယ်မေးမြန်းရာ ၎င်းမှ KIA က တရားဝင်ဆက်သွယ်ခြင်း မရှိကြောင်း၊ ကိုမြအေးနှင့် ဦးကိုကိုကြီးတို့ကမူ ဆက်သွယ်ကာ ညှိနှိုင်းဆောင်ရွက်နေသည်ဟု ကြားကြောင်း၊ သို့သော် ၎င်းတို့ဘက်မှ အဆင်သင့်မဖြစ်သေးဟု ပြောသည်မှာ မဖြစ်နိုင်ကြောင်း၊ တစ်ဖက်နှင့်တစ်ဖက် ယုံကြည်မှု တည်ဆောက်နေချိန်တွင် ယခုကဲ့သို့ ပြောခြင်းမှာ လုံးဝမဟုတ်ကြောင်း စသည်ဖြင့် ပြန်လည် တုံ့ပြန်သည်။ယင်းကဲ့သို့ တပ်မတော်သားများ ပြန်လည်လွှဲပြောင်းပေးခြင်းကို ၈၈ မျိုးဆက် ကျောင်းသားများအဖွဲ့မှ ကြိုဆိုကြောင်း၊ တပ်မတော်ဘက်ကလည်း ၀မ်းမြောက်ဝမ်းသာ ကြိုဆိုမည်ဟု ထင်ကြောင်း၊ စနစ်တကျ လွှဲပြောင်းနိုင်ရန် MPC နှင့်သာမက သက်ဆိုင်ရာ တာဝန်ရှိသူများနှင့်ပါ ညှိနှိုင်းဆောင်ရွက်နေကြောင်း၊ လူသားချင်းစာနာမှုအရ သာမက မိမိ၏ ရဲဘော်များ ဒုက္ခရောက်နေသည်ကို မည်သူကမှ လိုလားမည် မဟုတ်သဖြင့် MPC ဘက်က လက်ခံရန် ငြင်းဆန်မည်ဟု မထင်ကြောင်း ၈၈ မျိုးဆက် ကျောင်းသားခေါင်းဆောင် ဦးကိုကိုကြီးက ပြောသည်။
'' ကျွန်တော်တို့အနေနဲ့ အနိမ့်ဆုံးအဆင့် စစ်ရှိန်လျော့ချဖို့နဲ့ ငြိမ်းချမ်းရေးစကားဝိုင်းတွေ ပြန်ဖြစ်ဖို့ တတ်နိုင်သလောက် ကြိုးစားနေတာပါ။ ဒီဟာပေါ်မှာ မူတည်ပြီးတော့ နှစ်ဖက်နားလည်မှုတွေ ပိုပြီး တိုးလာစေချင်တာပါ။ ဒီဟာပေါ်မှာ မူတည်ပြီးတော့ အလားအလာ ကောင်းတွေဖြစ်ဖို့ ကြိုးစားနေတဲ့ အချိန်မှာ တစ်ယောက်နဲ့ တစ်ယောက် နိုင်ငံရေးအရ နားလည်မှုလွဲတဲ့ ပုံစံမျိုးတွေတော့ မဖြစ်စေချင်ဘူး'' ဟု ဦးကိုကိုကြီးက ဆက်လက် ပြောကြားသည်။
မြန်မာ့တပ်မတော်နှင့် KIA ကြား ၁၉၉၄ ခုနှစ်မှစ၍ ၁၇ နှစ် ကြာ အပစ်အခတ်ရပ်စဲထားခဲ့ပြီး ၂၀၁၁ ခုနှစ် ဇွန်လမှစ၍ တိုက်ပွဲများ ပြန်လည် ဖြစ်ပွားလာခဲ့ကာ ၂၀၁၂ ခုနှစ် ဒီဇင်ဘာလအထိ တိုက်ပွဲပေါင်း အကြိမ် နှစ်ထောင့်လေးရာခန့် ဖြစ်ပွားခဲ့သည်။ ထိုသို့ ဒီဇင်ဘာလအတွင်းက ဖြစ်ပွားခဲ့သော တိုက်ပွဲများအတွင်း တပ်မတော်သား ၃၀ ဦးကို KIA ဘက်မှ ယခုလို ဖမ်းဆီးထားခဲ့ခြင်းလည်း ဖြစ်သည်။
ပြန်ကြားရေးဝန်ကြီးဌာန၊ ဒုတိယ၀န်ကြီး၏ ဇန်န၀ါရီ ၅ ရက် ဖေ့စ်ဘုတ်စာမျက်နှာတွင်မူ 'ကေ အိုင်အို/ကေအိုင်အေအဖွဲ့အစည်းတွင် ထိန်းသိမ်းထားသော တပ်မတော်/မြန်မာနိုင်ငံရဲတပ်ဖွဲ့မှ တပ်ဖွဲ့ဝင် ၃၀ ဦးအား ၎င်းတို့ထံမှ တစ်ဆင့်လွှဲပြောင်းပေးအပ် လိုပါကြောင်း ၈၈ မျိုးဆက် ကျောင်းသားများအဖွဲ့မှ သက်ဆိုင်ရာသို့ ဆက်သွယ် အကြောင်းကြားလာခဲ့ပါကြောင်းနှင့် ယင်းနှင့်ပတ်သက်၍ သက်ဆိုင်ရာအဖွဲ့အစည်းများမှ ဆက်လက် ညှိနှိုင်းဆောင်ရွက်လျက် ရှိကြောင်း ပြည်ထောင်စုမြန်မာနိုင်ငံတော် သတင်းထုတ်ပြန်ရေးအဖွဲ့ထံမှ သတင်းရရှိပါသည်' ဟု ရေးသားထားသည်။
Eleven Media Group