ကိုထွန်းကြည် အပါအ၀င် လူ (၁၀) ဦးအား ငြိမ်းချမ်းစွာ စီတန်းလှည့်လည်မူ ဆိုင်ရာ ပုဒ်မ ၁၈ ဖြင့် ယနေ့ နံနက်က ကျောက်ဖြူမြို့နယ် တရားရူံက ထောင် (၃) လစီ ချမှတ်လိုက်ပြီးနောက် ယခုလို ဆန္ဒပြပွဲများ ပေါ်ပေါက်လာကြောင်း ကျောက်ဖြူ လူမူ ကွန်ယက်မှ ကိုလှမြင့်ကျော်က ပြောသည်။
“ အခု ဆန္ဒပြနေကြတဲ့ သူတွေက မဒေးကျွန်း ရွာ (၄) ရွာက လူတွေ အပါအ၀င် ပိုက်လိုင်း ဖြတ်သန်းတဲ့ ရွာတွေက ဒေသခံတွေ ဖြစ်ကြပါတယ်။ စုစုပေါင်း ၄၀၀ ခန့်ရှိပါတယ်။ တရားရုံးရှေ့မှာဘဲ ဆန္ဒပြပြီး ထောင်ချတဲ့ သူတွေကို လွှတ်ပေးဖို့ တောင်းဆိုနေပါတယ်” ဟု ၎င်းက ဆိုသည်။
တရားရုံးရှေ့တွင် ရဲတပ်ဖွဲ့ဝင် ၁၀၀ ခန့်က ဒိုင်းကာများဖြင့် နေရာယူထားပြီး တရားရုံး ပတ်ပတ်လည်လည်တွင် လုံထိန်းများ၊ စစ်သားများ နေရာယူထားကာ မီးသတ်ကားများကိုလည်း အဆင်သင့် ရပ်နားထားသည်ဟု ဆိုသည်။
ဆန္ဒပြသူများ တောင်းဆိုနေသည်မှာ မဒေးကျွန်းမှ ထောင်ချခံရသူ (၁၀) ဦးအား လွှတ်ပေးရန်နှင့် မလွှတ်ပေးပါက ကျေးရွာသားများ အားလုံးကို ဖမ်းဆီးထောင်ချရန် တောင်းဆိုနေကြသည်ဟု လူမူကွန်ယက်မှ ကိုထွန်းလွှင်က ပြောသည်။
“ သူတို့တောင်းဆိုနေတာက အခု ထောင်ချခံရတဲ့ သူ (၁၀) ဦးကို ထောင်ချရင် သူတို့ရွာသားတွေပါ အကုန်လုံးထောင်ချပါ။ ဆန္ဒဖေါ်ထုတ်ပွဲကို လုပ်တာ သူတို့ (၁၀) မဟုတ်ဘူး။ တစ်ကျွန်းလုံးက လုပ်တာ ဖြစ်တယ်။ ဒါကြောင့် ကျွန်းပေါ်က လူတွေ အကုန်လုံးကို ထောင်ချပါဆိုပြီး တောင်းဆိုနေကြပါတယ်။ အခုထိ တောင်းဆိုနေကြပါတယ်” ဟု ၎င်းက ဆိုသည်။
မဒေးကျွန်းပေါ်မှ ရွာသား ၅၀၀ ခန့်သည် ယခုနှစ် ဧပြီလ ၁၈ ရက်နေ့က ရွှေသဘာဝ ဓါတ်ငွေ့ကြောင်း ဒေသခံများ နစ်နာနေသဖြင့် ကျွန်းပေါ်ရှိ တရုတ် ကုမ္ပဏီ CNPC ရုံးရှေ့သို့ ချီတက် ဆန္ဒပြခဲ့ကြသည်။
ယင်းနောက်ပိုင်း ကိုထွန်းကြည် အပါအ၀င် လူ (၁၀) ဦးကို ခွင့်ပြုချက်မရဘဲ ဆန္ဒပြသည်ဟု ဆိုကာ ကျောက်ဖြူ ရဲတပ်ဖွဲ့က တရားစွဲဆိုခဲ့ပြီး ယနေ့ (စက်တင်္ဘာလ ၂၆ ) ရက်နေ့တွင် ကျောက်ဖြူ တရားရုံးက ထောင် (၃)လ စီ ချမှတ်ခဲ့သည်။
ယခုကဲ့သို့ ထောင်ချသည့် အပေါ် မကျေနပ်သော ဒေသခံများက တရားရုံးရှေ့သို့ စုရုံး ရောက်ရှိလာပြီး ကြွေးကြော်သံများ ကြွေးကြော်ကာ ဆန္ဒပြနေကြခြင်း ဖြစ်သည်။
“ ဆန္ဒပြပွဲကတော့ လောလောဆယ် မပီးသေးဘူး။ ဒီထက် လူများလာစရာ ရှိတယ်။ အာဏာပိုင်တွေ ဘက်ကတော့ ဘာမှ တုန့်ပြန်တာ မရှိသေးဘူး။ တရားရုံးထဲကို ဆန္ဒပြသူတွေ မ၀င်နိုင်အောင် လုံခြုံရေး တင်းကျပ်ထားတာကိုဘဲ တွေ့ရပါတယ်” ဟု နေ့လည် ၁ နာရီခန့်တွင် တရားရုံးရှေ့သို့ ရောက်နေသူ ကိုလှမြင့်ကျော်က ပြောသည်။
(နိရဉ္စရာ- ၂၆ စက်တင်္ဘာ ၂၀၁၃) / မောင်အေး
