လေကြောင်းလိုင်းကတော့ အဲအးရှ ( Air Asia ) လေကြောင်းဖြစ်ပါတယ်။
ဓာတ်ပုံ- traveldailynews.asia
အဲအေးရှအနေနဲ့ ဘန်ကောက်-နေပြည်တော် ခရီးစဉ်တိုးချဲ့ပြေးဆွဲမှုကို အောက်တိုဘာလားမှ စတင်မှာ ဖြစ်တယ်လို့ အဲအေးရှားက ထုတ်ပြန်ကြေညာပါတယ်။
ဗန်ကောက်- နေပြည်တော် ခရီးစဉ်ကို အောက်တိုဘာလ ၂၈ ရက်က စတင်ပြေးဆွဲ မှာ ဖြစ်ပြီး လေယာဉ် ကွင်း အခွန်နဲ့ အခြား အခွန်အခ တွေအပါအ၀င် လေယာဉ်လက်မှတ်ခက ခရီးစဉ်တကြောင်းစာအတွက် အမေရိကန် ဒေါ်လာ ၅၀ အထူးဈေးနှုန်း သတ်မှတ်ထားပါတယ်တဲ့။
အဲဒီ နှုန်းနဲ့ ခရီးစဉ်ကို နိုဝင်ဘာလ ၁၅ ရက်နေ့ထိ တပတ်ကို ၃ ကြိမ် ပြေးဆွဲသွားမှာဖြစ်တယ်လို့ သိရပါ တယ်။ ဒီလိုပြေးဆွဲမှုက မြန်မာနိုင်ငံက အိမ်ရှင်အဖြစ် ကျင်းပမယ့် ၂၇ ကြိမ်မြောက် Seagames အတွက် အထူး အစီအစဉ်ဖြစ်တယ်လို့လည်း သိရပါတယ်။
အဲအေးရှား လေကြောင်းလိုင်းအနေနဲ့ လက်ရှိမှာတော့ ဘန်ကောက်- ရန်ကုန် တနေ့ ၃ ကြိမ်ပြေးဆွဲနေပြီး ဘန်ကောက်-မန္တလေး ကို တနေ့ တကြိမ်ပြေးဆွဲနေတာပါ။
တန်ဘိုးနည်း လေကြောင်းလိုင်း အဲအေးရှားဟာ ရန်ကုန်ကနေ ကွာလာ လမ်ပူကိုလည်း တနေ့ တကြိမ် ပြေးဆွဲပေးနေပါသေးတယ်။
အိမ့်သံစဉ် ~ ဧရာဝတီ
