သဘက်ခါ ၂၉ ရက်နေ့ဆိုရင် ဒေါ်အောင်ဆန်းစုကြည် လက်ပတောင်း တောင် ကြေးနီစီမံကိန်းအနီးက သပိတ်စခန်းဆီကိုသွားပြီး သပိတ်တိုက်ပွဲဝင်နေတဲ့ ပြည်သူတွေနဲ့ သွားတွေ့မယ်..
အဲဒီမတိုင်ခင် နိုဝင်ဘာ ၂၄ နဲ့ ၂၅ ရက်နေ့တွေမှာ နေပြည်တော်က မြေယာပိုင်ဆိုင် လုပ်ကိုင်ခွင့် အသုံးပြုခွင့် ဆိုင်ရာ အမျိုးသားအဆင့် အလုပ်ရုံဆွေးနွေးပွဲ ဆိုတာ လုပ်တယ်.. အဲဒီဆွေးနွေးပွဲမှာ ရင်းနှီးမြှုပ်နှံမှု ကော်မရှင် ဥက္ကဌ ဦးစိုးသိန်းက စကားတစ်ခွန်း ဆိုခဲ့ပြန်ပါတယ်.. အဲဒီအချိန်က ဒီကြေးနီစီမံကိန်းကို ခွင့်ပြုခဲ့တာ မှားပါ သတဲ့... ဒီလောက် မြေဧက ၇၀ဝ၀ ကျော်သိမ်းမယ် ဆိုတာရယ် သမိုင်းဝင် သာသနိက အဆောက်အဦတွေ ရှိနေတာကို မသိလို့ မှားယွင်းခွင့်ပြုခဲ့တာပါတဲ့... ဆိုတော့ကာ... လတ်တလော တင်းမာမှုတွေ မြင့်တက်လာနေ တဲ့ လက်ပတောင်းစီမံကိန်းပြဿနာမှာ ရင်းနှီးမြှုပ်နှံမှု ကော်မရှင်ဟာလည်း တရားခံဖြစ်ပါတယ်လို့ လက်ဝင်လျှိုတဲ့ သဘောလားတော့မသိဘူး..
ဒီစီမံကိန်းကို မူလစတင်ဖို့ ရည်ရွယ်ခဲ့တာကတော့ မြန်မာအိုင်ဗင်ဟိုး ကုမ္ပဏီဖြစ်ပါတယ်.. အိုင်ဗင်ဟိုးဟာ စစ်အစိုးရလက်ထက် အချိန်ကာလ အတော်ကြာအောင် ကြေးစင်တောင်နဲ့ စပယ်တောင်မှာ ရှိတဲ့ ကြေးနီစီမံကိန်းကို ဆောင်ရွက်ခဲ့တာဖြစ်ပါတယ်... ကနေဒါအခြေစိုက် ကုမ္ပဏီဖြစ်တဲ့ အိုင်ဗင်ဟိုးဟာ မြန်မာစစ်အစိုးရနဲ့ အလုပ်တွဲလုပ်တဲ့အတွက် အတော်လေးကို ပြစ်တင်ဝေဖန်ခြင်းခံခဲ့ရပေမယ့် မြန်မာနိုင်ငံမှာ နှစ်ပေါင်း နှစ်ဆယ်နီးပါး စီးပွားရှာသွားခဲ့တာပါ.. အိုင်ဗင်ဟိုးရဲ့ ရန်ကုန်ရုံးချုပ်ဟာ ခြောက်မိုင်ခွဲ ဗိုလ်ချိန်လမ်းထိပ်က ဗိုလ်ချုပ်မှူးကြီးသန်းရွှေပိုင် စံအိမ်ကြီးကို လစဉ် ဒေါ်လာ အတော်များများပေးပြီး ငှားရမ်းအသုံးပြုခဲ့တာဖြစ်ပါတယ်.. ဒါကိုကြည့်ခြင်းအားဖြင့် အိုင်ဗင်ဟိုးဟာ စစ်အာဏာရှင် အစိုးရတွေနဲ့ ပေါင်းပြီး လုပ်စားကိုင်စားတတ်တယ် ဆိုတာ ထင်ရှားပါတယ်.. ဒါပေမယ့် ကနေဒါပြည်သူတွေရဲ့ ဖိအားကြောင့်လား တခြားအကြောင်းကြောင့်လားတော့မသိ.. အိုင်ဗင်ဟိုးဟာ အကျိုးအမြတ်မှန်မှန်ရနေခဲ့တဲ့ ကြေးစင်တောင်စီမံကိန်းရဲ့ လုပ်ငန်းကို အပြီးအပြတ်ရောင်းဖို့ ဝယ်လက်ရှာနေခဲ့ပါတယ်..
ဒီအချိန်မှာဘဲ ၂၀၁၀ ခုနှစ် ဇွန်လဆန်း တရုတ်ဝန်ကြီးချုပ် ဝမ်ကျားပေါင် မြန်မာနိုင်ငံရောက်ရှိနေစဉ် အတောအတွင်းမှာ တရုတ်ကုမ္ပဏီတစ်ခုဖြစ်တဲ့ နိုရင်ကို ခေါ် China Industries Corporation နဲ့ မြန်မာဖက်က တာဝန်ရှိတဲ့ ဝန်ကြီးဌာနတွေ သဘောတူလက်မှတ်ရေးထိုးနိုင်ခဲ့ပါတယ်တဲ့.. ဒါပေမယ့် အဲဒီနောက်ပိုင်း ရွေးကောက်ပွဲတွေကျင်းပပြီး စပ်ကူးမတ်ကူး ကာလမှာ ကြေးစင်တောင်စီမံကိန်းရဲ့ မြန်မာအိုင်ဗင်ဟိုးပိုင် ရှယ်ယာတွေ အလွှဲအပြောင်းဖြစ်ပါတယ်.. ဝယ်သူက မြန်မာ့စီးပွားရေးဦးပိုင် လီမိတက် ဖြစ်ပေမယ့် တကယ်တမ်း ငွေချေခဲ့တာကတော့ အခု လက်ပတောင်းတောင် စီမံကိန်းမှာ အဓိက တာဝန်ယူ တဲ့ ဝမ်ဘိုကုမ္ပဏီဖြစ်နေတယ်... အဲဒီမှာကတည်းက
ဇာတ်လမ်းက သပွတ်အူ လိုက်နေခဲ့တာဖြစ်ပါတယ်..
ကြေးစင်တောင် စီမံကိန်းရဲ့ ရှယ်ယာလွှဲပြောင်းတဲ့နေရာမှာ မရိုးမသားမှုတွေ ရှိနေခဲ့တယ်ဆိုတာ သေချာသလောက်ဖြစ်တဲ့ ငွေကြေးလွှဲပြောင်းမှုနဲ့ ပတ်သက်လို့ ဖြစ်နိုင်ခြေရှိတာက... ဦးပိုင်ဟာ နာမည်ဘဲခံခဲ့တာဖြစ်ပြီး အဲဒီလို နာမည်ခံတဲ့အတွက် ရှယ်ယာ ဒါမှမဟုတ် အကျိုးအမြတ် မြိုးမြိုးမျက်မျက် ရခဲ့ဟန်တူပါတယ်.. အဲဒီရှယ်ယာလွှဲပြောင်းမှုနဲ့ ပတ်သက်ပြီး မူမမှန်တဲ့ ငွေကြေးပေးသွင်းမှုကို စာရင်းစစ်ချုပ်ရုံးကစစ်ဆေးတွေ့ရှိခဲ့ပြီး ယခင်စာရင်းစစ်ချုပ် ဦးလွန်းမောင်က စစ်ဆေးတွေ့ရှိချက်တွေကို လွှတ်တော်ကို တိုက်ရိုက်တင်ပြခဲ့ပါတယ်.. အဲဒီတင်ပြချက်မှာ ဝန်ကြီးဌာနပေါင်းစုံရဲ့ ကျပ်သိန်းထောင်ချီတဲ့ ငွေကြေးအလွဲသုံးစားမှုတွေလည်း ပါဝင်ခဲ့ပါတယ်.. တကယ်တမ်းတော့ စာရင်းစစ်ချုပ်ဟာ သမ္မတကို အရင်တင်ပြပြီးမှ သမ္မတကတစ်ဆင့် လွှတ်တော်ကို တင်ပြရမှာဖြစ်ပေမယ့် အခုလို ပြည်သူ့လွှတ်တော် ငွေစာရင်းကော်မတီကို တိုက်ရိုက်တင်ပြခဲ့တဲ့အတွက် စာရင်းစစ်ချုပ်လည်း တာဝန်ကနေ ဖယ်ရှားခံခဲ့ရ ပါတော့တယ်.. ဒါ့အပြင် ဒီအစီရင်ခံစာနဲ့ပတ်သက်တဲ့ သတင်းကို ဖော်ပြခဲ့တဲ့ သတင်းဂျာနယ်ကိုလည်း သတ္တုတွင်းဝန်ကြီးဌာနက တရားစွဲခဲ့ပါတယ်...
ဒီလို တရားစွဲခဲ့ပေမယ့် သတ္တုတွင်းဝန်ကြီးဌာနရယ် ဦးပိုင်ရယ် ဝမ်ဘိုကုမ္ပဏီရယ်ကြားထဲက မူမမှန်တဲ့ ငွေကြေးလွှဲပြောင်းမှုဟာ ရှင်းလင်းတိကျတဲ့ အဖြေရှာမှု ရှင်းလင်းမှု မရှိဘဲ.. သတင်းဂျာနယ်ကို သတ္တုတွင်း ဝန်ကြီးဌာနက တရားစွဲတာတစ်ခုဘဲ အဖတ်တင်ပါတယ်... ဒီကြားထဲမှာ အဲဒီလို အစုရှယ်ယာ လွှဲပြောင်းလိုက်တဲ့ အတွက် ၂၀၁၀ ခုနှစ် ဒီဇင်ဘာလ ၃၁ ရက်နေ့ ညသန်းခေါင်ကနေ စပြီး ကြေးနီထုတ်လုပ်မှုလုပ်ငန်းတွေကို ရပ်ဆိုင်းဖို့ ညွှန်ကြားခဲ့ပေမယ့် အိုင်ဗင်ဟိုးကုမ္ပဏီက တာဝန်ရှိသူတစ်ချို့က စက်ရုံကို တရားမဝင် လည်ပတ်ခဲ့တာ စုစုပေါင်း ကြေးနီတန်ချိန် ၃၄၀ နီးပါးထွက်ရှိခဲ့ပါတယ်.. အဲဒီကြေးနီတွေရဲ့ တန်ဖိုးဟာ အမေရိကန်ဒေါ်လာ သုံးသန်းကျော်ကျော်ရှိတယ်လို့ ဆိုပါတယ်... အိုင်ဗင်ဟိုး ပိုင်ဆိုင်ခဲ့တယ်ဆိုတဲ့ အစုရှယ်ယာတန်ဖိုး ဒေါ်လာ သန်း ၁၀ဝ ကို ဝမ်ဘို ကုမ္ပဏီက အပြည့်အဝပေးချေတယ်.. တကယ်တမ်းတော့ အဲဒီ အိုင်ဗင်ဟိုးရဲ့ ရှယ်ယာတွေ တန်ဖိုးဘယ်လောက်ရှိလို့ ဦးပိုင်နဲ့ ဝမ်ဘိုကို ဘယ်အချိုးအစားအတိုင်း လွှဲပြောင်းရောင်းချတယ်.. အစရှိသဖြင့် ပြည်သူပိုင် နိုင်ငံပိုင် စီမံကိန်းတစ်ခုနဲ့ ပတ်သက်တဲ့ အချက်အလက်တွေကို ပြည်သူလူထု သိရှိခွင့်မရခဲ့ပါဘူး..
ပြဿနာပေါင်းစုံ တက်လာမှ သိကြရတဲ့အခါ လေးရက်တာကာလအတွင်း တရားမဝင် စက်ကိုလည်ပတ်လို့ ထွက်ရှိလာတဲ့ ကြေးနီ တန် သုံးရာကျော်ရဲ့ တန်ဖိုး ဒေါ်လာ သုံးသန်းကျော်နဲ့ တွက်ချက်ကြည့်တဲ့အခါ ဦးပိုင်နဲ့ ဝမ်ဘိုက ဝယ်ယူခွင့်ရ ရှိခဲ့တဲ့ ရှယ်ယာရဲ့ တန်ဖိုး သန်း ၁၀ဝ ဟာ တန်ရာတန်ကြေး ဟုတ်ပါရဲ့လားဆိုတာ မေးခွန်းထုတ်စရာဖြစ်လာခဲ့ပါတယ်.... ဒီတန်ဖိုး သတ်မှတ်ချက်ဟာ ထွက်ရှိတဲ့ ကြေးနီရဲ့ တန်ဖိုးနဲ့ နှိုင်းယှဉ်တဲ့အခါ ပြည်သူ့ဘဏ္ဍာငွေကို တရားဝင်ပေးသွင်းတဲ့ တန်ဖိုးနဲ့ အမှန်တကယ် လည်ပတ်နေတဲ့ လုပ်ငန်းရဲ့ တန်ဖိုးတွေ ကွာဟနေသလိုဖြစ်နေတဲ့အတွက် ဒီကိစ္စဟာ လုံးဝ ရိုးသားမှုမရှိတဲ့ အစုရှယ်ယာလွှဲပြောင်းမှုလို့ သုံးသပ်နိုင်ပါတယ်..
အဲဒီနောက်တော့ လက်ပံတောင်းတောင် ကြေးနီစီမံကိန်းကိုလည်း ဝမ်ဘိုကုမ္ပဏီရယ် ဦးပိုင်ရယ် သတ္တုတွင်း ဝန်ကြီးဌာနရယ် ဖက်စပ်ထုတ်လုပ်ဖို့ စီစဉ်ပါတယ်... ဒီနေရာမှာ ရင်းနှီးမြှုပ်နှံမှု ကော်မရှင် ဥက္ကဌ ဦးစိုးသိန်းရဲ့ စကားအရ ဒီစီမံကိန်းမှာ မြေတွေကို ဒီလောက်အထိ သိမ်းဆည်းမယ်ဆိုတာ မသိခဲ့ပါဘူးလို့ ဆိုလာတဲ့အတွက် ဒီလို ဧရာမ စီမံကိန်းကြီးတစ်ခုရဲ့ အဆိုပြုလွှာကို ရင်းနှီးမြှုပ်နှံမှု ကော်မရှင်က ဘယ်လိုပုံစံနဲ့ လက်ခံပြီး ဘယ်လို ပုံစံနဲ့ လွယ်လင့်တကူ ခွင့်ပြုခဲ့သလဲဆိုတာ မေးခွန်းထုတ်စရာပါ...
ပြဿနာတွေ ဟိုတစ်စ ဒီတစ်စ ဖြစ်လာတဲ့အချိန်မှာ တရုတ်ဝမ်ဘိုကုမ္ပဏီဖက်က ပြောတာကတော့ ရှင်းပါတယ်.. သိမ်းမယ့်မြေတွေအတွက် လျော်ကြေးအလုံအလောက် ပေးထားပြီးသားပါ..တဲ့.. ကြားသိရသလောက် သတင်းတွေအရ.. မြေတစ်ဧကအတွက် လျော်ကြေးငွေ ကျပ်ငါးသိန်းဝန်းကျင်ဖြစ်ပြီးတော့ မြေသိမ်းဧရိယာအတွင်းက ထန်းပင်တွေအတွက်ကတော့ ထန်းပင်တစ်ပင်ကို ကျပ်ငါးထောင်နှုန်းနဲ့ လျော်ပေးတယ်လို့ ဆိုပါတယ်.. လျော်ကြေးငွေ ပေးစဉ်အခါကတည်းက ပြဿနာတစ်ချို့ ရှိခဲ့ပြီး လျော်ကြေးပေးတဲ့ လုပ်ငန်းကို ၂၀၁၁ ခုနှစ် ဧပြီလမှာ ရပ်ဆိုင်းထားခဲ့ရပြီးတော့ အဲဒီနှစ် ဇူလိုင်လဝန်းကျင်မှာမှ ပြန်လည်ပေးလျော်ခဲ့တာဖြစ်ပါတယ်... သိမ်းယူတဲ့ မြေဧရိယာဟာ များပြားလွန်းတာမို့ အနီးကပ်ဆုံးရွာလေးရွာ ဖြစ်တဲ့ ဝက်မှေး၊ ဆည်တဲ၊ ဇီးတော နဲ့ ကံတော တို့က လုပ်ကိုင်စားသောက်နေတဲ့ မြေယာတွေအပြင် အနီးအနားက ရွာတွေဖြစ်တဲ့ ရွှေလှေ၊ ပလောင်၊ ထန်းတောနဲ့ ကျော်ရွာတွေက တောင်သူတွေ လုပ်ကိုင်စားသောက်နေတဲ့ မြေယာတွေလည်း ပါဝင်ပါတယ်.. ဒါပေမယ့် ဒီနေရာမှာ တစ်ခု မေးခွန်းထုတ်စရာ ရှိလာတာက မြေယာတွေနဲ့ ပတ်သက်လို့ လျော်ကြေးပေးတဲ့နေရာမှာ မြေသိမ်းခံတောင်သူတွေကို ဘယ်လို ရှင်းပြပြီး ဘယ်လို စံနှုန်းသတ်မှတ်ချက်တွေနဲ့ လျော်ကြေးပေးသလဲ.. နောက်တစ်ခါ တရုတ်ဝမ်ဘိုကုမ္ပဏီက လျော်ကြေှးေုငွထုတ်ပေးတယ်ဆိုတော့ ကျန်တဲ့ အစုရှယ်ယာရှင်တွေဖြစ်တဲ့ ဦးပိုင်နဲ့ သတ္တုတွင်းဝန်ကြီးဌာနတို့ဟာ လျော်ကြေးပေးတဲ့ ကိစ္စမှာ လုံးဝ မပတ်သက်ခဲ့ဘူးလား.. ဒါမှမဟုတ် တရုတ်ဝမ်ဘိုကုမ္ပဏီက ထုတ်ပေးတဲ့ နိုင်ငံခြားငွေကို ဘယ်လိုနှုန်းထားနဲ့ ဖလှယ်ပြီး တောင်သူတွေကို လျော်ကြေးပေးသလဲ ဆိုတာတွေက မေးခွန်းထုတ်စရာတွေဖြစ်လာပါတယ်..
ကြေးစင်တောင် စီမံကိန်းကို နှစ်ပေါင်းများစွာ ယူဂိုဆလပ် ကနေဒါတို့နဲ့ ဖက်စပ်လုပ်လာခဲ့တာ ဘာပြဿနာမှ ကြီးကြီးမားမား မရှိခဲ့ပေမယ့် တရုတ်ကုမ္ပဏီဝင်လာတဲ့ ၂၀၁၁ နှစ်ဦးပိုင်းကတည်းက ကြေးစင်တောင် စီမံကိန်းမှာလည်း ပြဿနာပေါင်းစုံကြားလာခဲ့ရပါတယ်.. ဝမ်ဘိုကုမ္ပဏီရဲ့ စွန့်ပစ်မြေစာတွေကို အနီးအနားက ကျေးရွာနေပြည်သူတွေ ပိုင်ဆိုင်တဲ့ စိုက်ပျိုးမြေတွေမှာ စည်းမဲ့ကမ်းမဲ့ စွန့်ပစ်ရာကနေ ပြဿနာ စတင်ခဲ့ တာဖြစ်ပြီး အဲဒီပြဿနာကို ဖြေရှင်းရာမှာ ဒေသခံ အာဏာပိုင်တွေနဲ့ စက်ရုံတာဝန်ရှိသူများ.. တရုတ်ကုမ္ပဏီမှ တာဝန်ရှိသူများဟာ မြန်မာ့စီးပွားရေးဦးပိုင်လီမိတက်ရဲ့ အရှိန်အဝါကို အသုံးချပြီး မချေမငံ ဆက်ဆံခြင်းတွေ.. ရိုင်းပျတဲ့ ဆက်ဆံမှုတွေ ပြုလုပ်ခဲ့တဲ့အပြင် ဒေသခံပြည်သူတွေကို ဖုတ်လေတဲ့ငပိ ရှိလေဟန် မပြုသလို အဖက်မတန်သလို ဆက်ဆံတာတွေလည်းရှိခဲ့ပါတယ်..
့နိုင်ငံတော်အဆင့် စီမံကိန်းကြီးတစ်ခုကို ဆောင်ရွက်ရာမှာ သတ္တုတူးဖော်တဲ့ လုပ်ငန်းဖြစ်တဲ့အတွက် ပတ်ဝန်းကျင် ညစ်ညမ်းမှုနဲ့ မြေဧရိယာအသုံးချမှု များပြားတဲ့အတွက် ဒေသခံပြည်သူတွေအတွက် ထိခိုက်မှု အနည်းနဲ့အများ ရှိမှာဖြစ်ပါတယ်.. ဒီလို အခြေအနေမှာ ဒေသခံပြည်သူတွေရဲ့ စားဝတ်နေရေးနဲ့ ဘဝအာမခံချက်ကို အကြီး အကျယ် ချိုးဖောက်သလို ပြုမူပြောဆိုလုပ်ကိုင်လာတဲ့အခါဒီလိုအသေးအဖွဲတွေဟာ အသေးအဖွဲဆိုပေမယ့် ပြဿနာက တဖြည်းဖြည်း ကြီးထွားလာတာဖြစ်ပါတယ်....
မြေသိမ်းခံဒေသဖြစ်တဲ့ ဆားလင်းကြီးမြို့နယ်က အဲဒီပတ်ဝန်းကျင်ရွာတွေဟာ အတော်ဆင်းရဲပါတယ်... မိုးခေါင်ရေရှား ဒေသ အပူပိုင်းဝန်းကျင်ဖြစ်တဲ့အပြင် စိုက်ပျိုးစရာ သီးနှံလည်း ခက်ခဲတဲ့ဒေသမို့ ဒေသခံတောင်သူတွေဟာ ရှိတဲ့ လယ်ယာမြေလေးကို ဖက်တွယ်ပြီး ရာသီဥတုကောင်းရင် ပြေလည်လိုက် ရာသီဥတုညံ့တဲ့အချိန်မှာ ခက်ခဲလိုက်နဲ့ ပင်ပန်းကြီးစွာ အသက်မွေးကြရတဲ့ ဒေသဖြစ်ပါတယ်.. အဲဒီလို မိရိုးဖလာ အသက်မွေးလာရတဲ့ဒေသကို စွန့်ခွာပြီး လယ်ပျောက်ယာပျောက် ရွာပျောက် ဖြစ်ရမယ့် တောသူတောင်သား ပြည်သူတွေကို စာနာ နားလည်စိတ်နဲ့ ဆက်ဆံရမယ့်အစား အာဏာပြ ပါဝါပြပြီး မောက်မာရိုင်းစိုင်းစွာ ဆက်ဆံတဲ့ တာဝန်ရှိသူ တွေရဲ့ စနက်ဟာ ဒီစီမံကိန်းကို ဆန့်ကျင်စေတဲ့ အဓိက အချက်တစ်ခုဖြစ်ပါလိမ့်မယ်....
တိုင်းပြည်ရဲ့ သယံဇာတဆိုတာ ထိုင်ပြီးချစ်နေဖို့ မဟုတ်ပေမယ့် ဒီသယံဇာတကို ထုတ်လုပ် အသုံးပြုတဲ့နေရာမှာ တော့ ဒေသတွင်းက ဒေသခံပြည်သူတွေရဲ့ ဘဝရပ်တည်နေထိုင်မှုကို အာမခံချက်ပေးဖို့ လိုအပ်ပါမယ်.. အခုလို မြေဧက ၇၈၀ဝ ခန့်သိမ်းယူပြီး လုပ်ကိုင်တဲ့ လုပ်ငန်းမျိုးမှာ ဒေသခံပြည်သူတွေကို လူမဆန်စွာ ဆက်ဆံခဲ့တဲ့ အတွက် ပြဿနာတဖြည်းဖြည်းကြီးလာရတာဖြစ်ပါတယ်.. ဒါ့အပြင် အသွင်ကူးပြောင်းရေးကာလ ကို အခွင့်ကောင်းယူပြီး နိုင်ငံတစ်ခုလုံး တိုင်းသူပြည်သားအားလုံးနဲ့ သက်ဆိုင်တဲ့ အကျိုးစီးပွားကို ကိုယ်ကျိုးစီးပွား ရှေ့တန်းတင်တဲ့ လူတစ်စု လူတစ်သိုက်က ထင်ရာစိုင်းခဲ့တဲ့ လုပ်ရပ်ရဲ့ ဘေးထွက်ဆိုးကျိုးဖြစ်ပါတယ်..
ဒီစီမံကိန်းနဲ့ ပတ်သက်လို့ ဦးအောင်မင်းပြောခဲ့တဲ့ စကားတစ်ခွန်းကို လူတိုင်းက ဝိုင်းပြီး ကောင်းချီးဩဘာ ပေးကြပါတယ်..ဒါပေမယ့် ဒီလိုအဓိပ္ပါယ် သက်ရောက်တဲ့ စကားမျိုးကို နိုင်ငံတော် သမ္မတကိုယ်တိုင် သိပ်မကြာသေးခင်က ပြောခဲဖူးတာကို မမေ့ကြစေလိုပါ... တရုတ်ပြည်ရဲ့ ကျေးဇူးတော်ကို သိတတ်ရမယ်ဆိုတာ တိုင်းပြည်ဥသျှောင် သမ္မတကိုယ်တိုင်က ပြောခဲ့ဖူးပါတယ်.. ဒါ့အပြင် သမ္မတရဲ့ သမိုင်းဝင် အမေရိကန်ပြည်ထောင်စု ခရီးစဉ်မှာလည်း သတင်းထောက်တွေကို ဒီစီမံကိန်းကို မြစ်ဆုံစီမံကိန်းလို ရပ် မှာမဟုတ်ပါဘူးလို့ ပြောခဲ့ဖူးတာကို သတိပြုမိကြမယ်ထင်ပါတယ်... ဒီတော့... လက်ပတောင်းတောင် ကြေးနီ စီမံကိန်းဟာ စစ်တပ်ရဲ့ အဖေလို့ ပြောလို့ရနိုင်တဲ့ ဦးပိုင်ရယ် နိုင်ငံတော် သမ္မတနဲ့ အစိုးရအဖွဲ့ ဦးထိပ်ထား ကိုးကွယ်ဆည်းကပ်ရာ ကျေးဇူးရှင် တရုတ်နိုင်ငံ ပါဝင်ပတ်သက်နေတာရယ်ကြောင့် ဖြေရှုင်းရ တော်တော်ခက်ဦး မှာဖြစ်ပါတယ်...
ဘာဘဲဖြစ်ဖြစ် လူတစ်စု အကျိုးစီးပွားအတွက် အကောင်အထည်ဖော်ခဲ့တဲ့ အစပြုခဲ့တဲ့ စီမံကိန်းတစ်ခုအတွက် လက်ရှိ အစိုးရအဖွဲ့နဲ့ ပြည်သူတွေအားလုံးက ခါးစည်းခံပြီး ခက်ခက်ခဲခဲ ရင်ဆိုင်ဖြေရှင်းကြရဦးမှာဖြစ်ပါတယ်..
ရှဥ့်လည်းလျှောက်သာ ပျားလည်းစွဲသာ ဆိုတဲ့ အဖြေတစ်ခုကိုတောင်မှ ခက်ခက်ခဲခဲ စဉ်းစားရပါဦးမယ်.. ဘာဘဲဖြစ်ဖြစ် ပြည်ထောင်စုအစိုးရဟာ ဒီပြ ဿနာကိုလည်း သိက္ခာရှိရှိနဲ့ ဖြေရှင်းနိုင်ပါစေလို့ မျှော်လင့်ရတာပါဘဲ... လောလောဆယ်တော့ ရေချိန်တက်လာနေတဲ့ လက်ပံတောင်းတောင်ရဲ့ တင်းမာမှု အခြေအနေကို ပြည်သူ့အချစ်တော် မြန်မာ့ဆက်သွယ်ရေးလုပ်ငန်းက လျှော့ချပေးနိုင်တာကို သတိပြုမိပါတယ်..
အားလုံးရဲ့ မေတ္တာကို ခံယူဖို့ အင်တာနက် နှုန်းထားသစ်တွေကို အဆင်အခြင်မဲ့စွာ ထုတ်ပြန်လိုက်ခြင်းဟာ မြန်မာ့ဆက်သွယ်ရေးလုပ်ငန်းရဲ့ လောဘကြီးပြီး ဆင်ခြင်ဉာဏ် နည်းပါးမှုလား.. လတ်တလော ရင်ဆိုင်ရတဲ့ လက်ပတောင်း ပြဿနာရဲ့ ဦးတည်ချက်ကို ဝေ၀ါးစေတာလားဆိုတာကိုတော့ တွေးနေမိပါတယ်။
ကိုရွှေမောင်း (မြန်မာကျူးပစ်ဖိုရမ်)
