မိုဘိုင်းဖုန်းများ၏ အင်တာနက်အသုံးပြုခအား Volume စနစ်ဖြင့် ပြောင်းလဲကောက်ခံမည့် အစီအစဉ်အား ရွှေ့ဆိုင်း

Written By လွင့်မောင်မောင် on Saturday, December 1, 2012 | 8:29 AM

မိုဘိုင်းဖုန်းများ၏ အင်တာနက်အသုံးပြုခအား Volume Based Charging စနစ်ဖြင့် ပြောင်းလဲကောက်ခံမည့် အစီအစဉ်အား ရွှေ့ဆိုင်းလိုက်ပြီး
ယခုနှစ်ကုန်အထိ တစ်မိနစ်လျှင် ၂ ကျပ်၊ ၄ ကျပ်နှုန်းဖြင့်သာ ဆက်လက်ကောက်ခံသွားမည်ဟု မြန်မာ့ဆက်သွယ်ရေးလုပ်ငန်းမှ တာဝန်ရှိသူက
နိုဝင်ဘာလ ၃၀ ရက် ည ၇ နာရီခန့်တွင် ပြောကြားခဲ့သည်။

'
'စာနယ်ဇင်းတွေနဲ့ တွေ့ဆုံဆွေးနွေးပြီးတဲ့အခါမှာ သက်ဆိုင်ရာ လူကြီးတွေကို report လုပ်ပါတယ်။ report လုပ်ပြီးဆွေးနွေးချက်အရ
လူကြီးတွေက ပြန်ပြီးကောက်ခံမယ့် နှုန်းထားတွေကို ပြန်လည်တွက်ချက်ပြီးမှ ပြန်လည်ကောက်ခံဖို့ နောက်တစ်လကို ထပ်ရွေ့လိုက်ပါတယ်။
အခုသတ်မှတ်လိုက်တဲ့ နှုန်းထားတွေကို ထပ်လျော့မယ့် သဘောရှိပါတယ်။ လက်ရှိ ထုတ်ပြန်ထားတာတွေက cancel ဖြစ်သွားပါပြီ'' ဟု
မြန်မာ့ဆက်သွယ်ရေးလုပ်ငန်းမှ အင်ဂျင်နီယာချုပ် ဦးဌေးဝင်းက ပြောကြားခဲ့သည်။

ဒီဇင်ဘာလ ၁ ရက်နေ့မှ စတင်ကာ မိုဘိုင်းဖုန်းများ၏ အင်တာနက်အသုံးပြုခအား Time Based Charging စနစ်မှ Volume Based Charging စနစ်ဖြင့်
ပြောင်းလဲကောက်ခံမည့် အစီအစဉ်နှင့် ပတ်သက်၍ မြန်မာ့ဆက်သွယ်ရေးလုပ်ငန်းမှ စာနယ်ဇင်းရှင်းလင်းပွဲအား နိုဝင်ဘာလ ၃၀ ရက်နေ့တွင်
ရန်ကုန်မြို့ အောက်ပုဇွန်တောင်လမ်းမပေါ်ရှိ ကြေးနန်းဆက်သွယ်ရေးနှင့် စာတိုက်သင်တန်းကျောင်းတွင် ကျင်းပပြုလုပ်ခဲ့ပြီးနောက်
ယင်းနေ့ ညပိုင်း၌ပင်ထိုအစီအစဉ်အား ရွှေ့ဆိုင်းလိုက်ကြောင်း ပြန်လည်ထုတ်ပြန်ခဲ့သည်။
Eleven Media Group

Share this article :