လက်ပံတောင်းတောင် ကြေးနီစီမံကိန်းရှိ သပိတ်စခန်းများအား အစိုးရအဖွဲ့၏ အင်အားသုံးဖြိုခွင်းခဲ့မှုအပေါ် တောင်းဆိုချက် သုံးချက်ပါဝင်သည့် သဘောထားကြေငြာချက်ကို ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်မှ ထုတ်ပြန်

   လက်ပံတောင်းတောင်  ကြေးနီစီမံကိန်းရှိ သပိတ်စခန်းများအား အစိုးရအဖွဲ့၏ အင်အားသုံးဖြိုခွင်းခဲ့မှုအပေါ် တောင်းဆိုချက် သုံးချက်ပါဝင်သည့် သဘောထားကြေငြာချက်ကို ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်မှ ဒီဇင်ဘာလ ၁ရက်နေ့ နံနက်ပိုင်းက ထုတ်ပြန်ကြောင်း ဗကသများအဖွဲ့မှ ဒုဥက္ကဋ္ဌ ကိုလင်းထက်နိုင်၏ ပြောကြားချက်အရ သိရသည်။                       
ကိုလင်းထက်နိုင်က ''ဒီကြေငြာချက်ကို ကျွန်တော်တို့ အဖွဲ့ဝင် တွေအားလုံး တိုင်ပင်ပြီးတော့ ထုတ်ပြန်ခဲ့တာပါ။နိုဝင်ဘာလ ၂၈ရက်နေ့က ကြေးနီစီမံကိန်းမှာရှိတဲ့ သပိတ်စခန်းတွေကို အကြမ်းဖက်နှိမ်နင်းခြင်း မပြုဖို့အတွက် ကျွန်တော်တို့ သဘောထားကြေငြာချက်တစ်ခု ထုတ်ပြန်ခဲ့ပေမယ့် အစိုးရအဖွဲ့အနေနဲ့ သပိတ်စခန်းတွေကို  အကြမ်းဖက်နှိမ်နင်းမှုတွေ ပြုလုပ်ခဲ့ပါတယ်။ဒီအကြမ်းဖက်နှိမ်နင်းမှု လုပ်ရပ်တွေမှာ တကယ်တမ်းတာဝန်ရှိတာ ဦးသိန်းစိန်ဦးဆောင်တဲ့ အစိုးရအဖွဲ့မှာပဲ တာဝန်ရှိတယ်လို့ ကျွန်တော်တို့က ယုံကြည်ထားပါတယ်။ ဒီအတွက်ကြောင့် ဒီသဘောထား ကြေငြာချက်ကို ထုတ်ပြန်ရခြင်းဖြစ်ပါတယ်''ဟု ပြောပြခဲ့ပါသည်။                     
တောင်းဆိုမှုများတွင်  သပိတ်စခန်းများအား အကြမ်းဖက်ဖြိုခွင်းမှုနှင့် ပတ်သက်၍ အစိုးရအဖွဲ့အနေဖြင့် ထင်သာမြင်သာရှိစွာ တာဝန် ယူရမည်ဖြစ်ပြီး လွတ်လပ်သော စုံစမ်းရေးကော်မရှင်တစ်ရပ် အမြန်ဆုံးဖွဲ့စည်း စုံစမ်းစစ်ဆေးရန်၊လက်ပံတောင်းတောင်ကြေးနီစီမံကိန်း ရပ်ဆိုင်းရေးအတွက် ဆန္ဒထုတ်ဖော်မှုနှင့် ပတ်သက်ပြီး မည်သူ့ကိုမှ ထပ်မံဖမ်းဆီးခြင်းမပြုရန်၊ ဖမ်းဆီးထားသည့် သံဃာတော်များနှင့် ပြည်သူများအား အမြန်ဆုံးလွှတ်ပေးရန်နှင့် လက်ပံတောင်းတောင် ကြေးနီစီမံကိန်းအား ပြည်သူများလက်မခံသည့် ကာလပတ်လုံး ရပ်ဆိုင်းထားရန်  စသည်တို့ ပါဝင်ပါသည်။                  
ထို့ပြင် ကြေးနီစီမံကိန်း သပိတ်စခန်းများအား အစိုးရလုံခြံရေးတပ်ဖွဲ့ဝင်များက အကြမ်းဖက်နှိမ်နင်းခဲ့သည်ကို ပြင်းပြင်းထန်ထန် ကန့်ကွက်ရှုံ့ချပါကြောင်း၊ဒဏ်ရာရရှိခဲ့သည့် သံဃာတော်များ၊ပြည်သူများနှင့် ထပ်တူ ၀မ်းနည်းကြေကွဲရပါကြောင်း၊ စီမံကိန်းရပ်ဆိုင်းရေး လှုပ်ရှားမှုလုပ်ငန်းစဉ်များတွင် ဗကသများအဖွဲ့ချုပ်မှ ကျောင်းသားများသည်လည်း ငြိမ်းချမ်းစွာ ပူးပေါင်းလက်တွဲ ပါဝင်ဆောင်ရွက်သွားမည်ဟုလည်း ထုတ်ပြန်ချက်တွင် ပါဝင်ပါသည်။