ကိုရီးယားကျွန်းဆွယ်ပေါ်မှာ ရှိတဲ့ လွန်ခဲ့တဲ့ ဆယ်စုနှစ် ၆ ခုလောက်က တခုစီဖြစ်သွားကြ တဲ့
တောင်- မြောက် ကိုရီး ယား ၂ နိုင်ငံမှာနေထိုင်ကြတဲ့ ဆွေမျိုး မိသားစု တွေ့ဆုံပွဲမြင်ကွင်းတွေဟာ ကမ္ဘာ့မီဒီယာထက်မှာအတော်နေရာယူ ထားတာ သတိထားမိပါတယ်။
ပြီးခဲ့တဲ့ ဖေဖော်ဝါရီလ ၂၀ ရက်နေ့က စတင် ပြီး ၃ နှစ်ကျော်ကာလအတွင်းမှာ ပထမဆုံး တောင်- မြောက် ကိုရီးယား မိသားစုတွေ ပြန်လည်တွေ့ဆုံခွင့် ရကြတာပါ။
တောင်နဲ့ မြောက်ကိုရီးယား စစ်ပွဲအပြီးမှာ နိုင်ငံ ၂ နိုင်ငံ ပိုင်းခြားလိုက်လို့ မိသားစုဝင်တွေ ကွဲကွာ သွားခဲ့ကြတာပါ။
တောင်ကိုရီးယားနိုင်ငံဘက်က ရာနဲ့ ချီတဲ့ သက်ကြီးရွယ်အိုတွေဟာ ကားကြီး ကားငယ် အသွယ်သွယ်ပေါ် မှာ စားစရာ၊ အသုံးအဆောင်၊ မိသားစု အမှတ်တရ ပစ္စည်းတွေစတဲ့ အိတ်ကြီး၊ အိတ်ငယ်တွေ တင်ဆောင် လာကြပြီး မြောက်ကိုရီး ယား နိုင်ငံဘက်အခြမ်းကို ရောက်လာခဲ့ကြပါတယ်။
ဘ၀ရဲ့ အစိပ်အပိုင်းကြီးတခုမှာ မိသားစုသွေးရင်းသားရင်းတွေ ကွေကွင်းနေထိုင်ခဲ့ကြရတာကို ပြန် လည်ပေါင်းစည်း တွေ့ဆုံကြတဲ့မြင်ကွင်အဖုံဖုံက တကယ့်ကို ၀မ်းနည်း၊ ၀မ်းသာ ရင်နင့်စရာခံစားမှုတွေ ကို ဖြစ်စေပါတယ်။
မိသားစု ပြန်လည်ပေါင်းစည်းတွေ့ဆုံမှုမှာ တချို့လည်း အသက်အရွယ်က အလွန်အိုမင်းနေကြသလို မကျန်းမာသူတွေ၊ မသန်စွမ်းသူတွေလည်း ပါဝင်ခဲ့ကြပါတယ်။
မြောက်ကိုရီးယားနိုင်ငံရဲ့ Kumgang တောင် အပန်းဖြေစခန်းတခုမှာ လုပ်ကြတဲ့ မိသားစုပြန်လည်တွေ့ဆုံပွဲ မှာ မြောက် ကိုရီးယားဘက်က လူပေါင်း ၂၀၀ လောက်တက်ရောက်ဖြစ်ခဲ့တယ်လို့ သတင်းတွေက ဆိုကြပါတယ်။
ထူးခြားတာကတော့ ကမ္ဘာတလွှားက မြောက်ကိုရီးယားခေါင်းဆောင်တွေကို လူသားမျိုးနွယ်စုအပေါ် ကျူးလွန် တဲ့ ပြစ် မှုတွေအတွက် ကမ္ဘာ့စစ်ရာဇ၀တ်ခုံရုံတင်ဖို့ ၀ိုင်းဝန်းပြောဆိုနေချိန်မှာ မြောက်ကိုရီးယား ဘက်က တောင်-မြောက် ကိုရီး ယား ၂ နိုင်ငံ ဆက်ဆံရေး ကောင်းစေဖို့ အခုလိုတွေ့ဆုံမှုလုပ်ဖို့ အလျှော့ပေး လက်ခံခဲ့တာဖြစ်တယ်လို့ သိရပါတယ်။
နောက်ထပ်ထူးခြားတာကတော့ အခုလို ၂ နိုင်ငံ မိသားစုဝင်တွေကို ပြန်လည်တွေ့ဆုံခွင့်ပေးလိုက်တဲ့ အချိန်ဟာ အမေရိကန် ပြည်ထောင်စုနဲ့ တောင်ကိုရီးယား ၂ နိုင်ငံ ပူးပေါင်းစစ်ရေးလေ့ကျင့်မှု မလုပ်ခင် လည်းဖြစ်ပါတယ်။
အစပိုင်းမှာ မြောက်ကိုရီးယားဘက်က အဲဒီစစ်ရေးလေ့ကျင့်မှုလုပ်မယ်ဆိုရင် တောင်-မြောက် ၂ နိုင်ငံ မိသားစု တွေ့ဆုံမှုအစီအစဉ်ကို ရုပ်သိမ်းမယ်လို့ ခြိမ်းခြောက်ခဲ့ဖူးတယ်လို့ သတင်းတွေက ဆိုထားပါတယ်။
အိမ့်သံစဉ် ~ဧရာဝတီ
