ထားဝယ်တိုင်းရင်သားများပါတီ အလုပ်မှုဆောင် ကော်မတီ ဥက္ကဋ္ဌ ဦးအေးမင်း
ထားဝယ်တိုင်းရင်သားများပါတီ(ဗဟို) Dawei Nationalities Party ရုံးဖွင့်ပွဲကို
၂၁.၂.၂၀၁၄ သောကြာနေ့ နံနက် ၈ နာရီတွင် ထားဝယ်မြို့၊ နိဗ္ဗာန်လမ်းရှိ ပါတီရုံးခန်းတွင်ကျင်းပခဲ့ပါသည်။
ထားဝယ်တိုင်းရင်းသားများပါတီ ရုံးဖွင့်ပွဲတွင် ပါတီ အလုပ်မှုဆောင် ကော်မတီ ဥက္ကဋ္ဌ ဦးအေးမင်း ပြောကြားသည့် နှုတ်ခွန်းဆက်စကား (ဗမာဘာသာ)
ကြွရောက်လာကြတဲ့ ရပ်မိရပ်ဖ၊ မြို့မိမြို့ဖ၊ လူထုပရိသတ်အပေါင်းကို မင်္ဂလာပါလို့ ဦးစွာပဏာမ နှုတ်ခွန်းဆက်သအပ်ပါတယ်။
လွန်ခဲ့တဲ့ နှစ်ထောင်ချီကတည်းကရှိနေခဲ့တဲ့ ထားဝယ်သမိုင်းမှာ ဒီနေ့ဟာ ထူးခြားတဲ့ သမိုင်းဝင်နေ့တစ်နေ့ ဖြစ်ပါတယ်။ ဒီနေ့ဟာ ထားဝယ်လူမျိုး အပါအဝင် ဒေသအတွင်းမှာရှိနေတဲ့ တိုင်းရင်းသားလူမျိုးစုအတွက် သီးသန့် နိုင်ငံရေးပလက်ဖောင်းတစ်ခု ဖြစ်ထွန်းလာတဲ့ နေ့တစ်နေ့လည်းဖြစ်ပါတယ်။ ကျွန်တော်တို့ လူထု တတွေ ကိုယ်တိုင်ဦးဆောင်ပြီးတော့ နိုင်ငံရေးစည်းဝိုင်းထဲကို စဝင်တဲ့ အခါသမလည်းဖြစ်ပါတယ်။
ပါတီစတင် သန္ဓေမွေးဖွားစသာ ရှိသေးပေမယ့် အခုအခြေအနေအထိရောက်အောင် ပံ့ကူညီပေးကြတဲ့၊ အချို့ ဆိုရင် တစ်အိမ်တက်ဆင်း လိုက်လံစည်းရုံးပေးတဲ့ ပါတီဝင်တွေ၊ ရပ်မိရပ်ဖတွေ မြို့မိမြို့ဖတွေ၊ အခြား ကျေးဇူးတင်ထိုက်သူတွေအားလုံးကို အထူးကျေးဇူးမှတ်တမ်းတင်အပ်ပါတယ်။
ကျွန်တော်တို့ ထားဝယ်တွေဟာ လူမျိုးတစ်မျိုးအဖြစ်၊ နယ်မြေဒေသသီးခြားနဲ့ ကိုယ်ပိုင်မြို့နန်းနဲ့ သမိုင်း အစဉ်အဆက် နေလာခဲ့ပါတယ်။ နောက်ပြီး မြန်မာနိုင်ငံ လွတ်လပ်ရေး လှုပ်ရှားမှုကအစ အခု ဒီမိုကရေစီ တိုက်ပွဲအဆုံး အခြားတိုင်းရင်းသားတွေနဲ့အတူ ရှေ့တန်းက လက်တွဲတိုက်ပွဲဝင်ခဲ့ပါတယ်။ ပထမဆုံး ကျောင်းသားသပိတ်ခေါင်းဆောင်ထဲမှာကို ထားဝယ်တစ်ဦးပါခဲ့ပါတယ်။ ဗြိတိသျှကို တော်လှန်ဖို့အတွက် မြန်မာ့တပ်မတော်ကို ဖွဲ့စည်းရာမှာလည်း ထားဝယ်တွေက တပ်စဖွဲ့ကတည်းက တက်တက်ကြွကြွ ပါဝင်ခဲ့ ပါတယ်။
အဲဒီကအစ ပါလီမန်ဒီမိုကရေစီ ခေတ်အလယ်၊ အခု ဒီမိုကရေစီအရေးတိုက်ပွဲအဆုံး ကျွန်တော်တို့ ထားဝယ် တွေဟာ ကျရာနေရာကနေ တာဝန်ထမ်းဆောင်နေဆဲဖြစ်ပါတယ်။ ရှေ့ဆက်လည်း တာဝန်ထမ်းဆောင်ရ ပါဦးမယ်။
အခုဆိုရင် ကျွန်တော်တို့ နိုင်ငံရဲ့ ဒီမိုကရေစီနှင့် ပြည်ထောင်စု အရေးတိုက်ပွဲဟာ မပြီးသေးပါဘူး။ ဆက်လက် ဆင်နွှဲရဦးမှာ ဖြစ်ပါတယ်။
အဲဒီလိုလုပ်ဆောင်နေတဲ့ နေရာမှာ ဒေသအတွင်းနေထိုင်တဲ့ ကိုယ့်တိုင်းရင်းသားအရေးကိုလည်း တပြိုက် နက်တည်း လုပ်ဆောင်ဖို့လိုအပ်လာပါတယ်။ ကိုယ့်လူမျိုး၊ ကိုယ့်ဒေသ အရေးကိစ္စကိုလည်း ပူးတွဲလုပ်ဆောင် နိုင်ဖို့အတွက် ကျွန်တော်တို့ နိုင်ငံရေး စည်းဝိုင်းထဲကို ဝင်ဖို့လိုလာပါတယ်။ ကိုယ်ပိုင် နိုင်ငံရေး အစီအစဉ်တွေ အတွက်၊ အရေးကိစ္စတွေအတွက်၊ ကိုယ်ပိုင်လိုအပ်ချက်တွေအတွက် နိုင်ငံရေးအရ အလုပ်လုပ်ဖို့ လိုလာပါ တယ်။
ဒါဟာ ကျွန်တော်တို့ ခေတ်အဆက်ဆက် လစ်ဟာခဲ့တဲ့ ကွက်လပ်လည်း ဖြစ်ပါတယ်။
အဲဒါကြောင့်မို့လို့ ပြီးခဲ့တဲ့နှစ်ကစပြီးတော့ ကျွန်တော်တို့ ထားဝယ်၊ ရန်ကုန်နဲ့ ကော့သောင်းက စိတ်ပါဝင်စား သူတွေဟာ နိုင်ငံရေးပါတီတစ်ခုဖွဲ့ဖို့ စတင်စုစည်းခဲ့ပါတယ်။ အဲဒီနောက် ပြီးခဲ့တဲ့ ဒီဇင်ဘာလက ပြည်ထောင်စုရွေးကောက်ပွဲကော်မရှင်က မှတ်ပုံတင်ခွင့်ပြုခဲ့ပါတယ်။
ဒါကြောင့်မို့ ရသမျှအချိန်အတွင်းမှာ နယ်မြေအချို့ကို စည်းရုံးရေးခရီးဆင်းခဲ့ပါတယ်။ အဲဒီနောက် ပြီးခဲ့တဲ့ ရက်ပိုင်းကပဲ ပါတီနာယကအဖွဲ့ရဲ့ ကြီးကြပ်မှုနဲ့ ပါတီဗဟိုကော်မတီဝင်တွေ၊ ဗဟိုအလုပ်မှုဆောင်ကော်မတီ ဝင်တွေကို ရွေးချယ်ခဲ့ပါတယ်။
လက်ရှိမှာ စတင်တည်ထောင်ခါစဖြစ်တဲ့အတွက် ကော်မတီဝင်တွေကို ညီလာခံနဲ့ ကျယ်ကျယ်ပြန့်ပြန့် ရွေးချယ်တင်မြှောက်ဖို့ အကန့်အသတ်ရှိပါတယ်။ ဒါကြောင့်မို့ အခြေအနေအရ အဆိုပြုတင်မြှောက်တဲ့ စနစ်နဲ့ပဲ ရွေးချယ်အတည်ပြုခဲ့ပါတယ်။
ဒါကြောင့်မို့ လက်ရှိ ဗဟိုကော်မတီဝင်နဲ့ အလုပ်မှုဆောင် ကော်မတီဟာ ၂ နှစ် သက်တမ်းသာ တာဝန် ထမ်းဆောင်မှာ ဖြစ်ပါတယ်။ နောက်ပြီး ပါတီဖွဲ့စည်းမှု အခြေကျလာတဲ့ နောက်မှာ ပိုကျယ်ပြန့်တဲ့ ညီလာခံ ကျင်းပပြီးတော့ ၅ နှစ်သက်တမ်းရှိတဲ့ ကော်မတီတွေကို ရွေးကောက်ပွဲအဆင့်ဆင့်ဖြင့် ဒီမိုကရေစီနည်းကျ ရွေးချယ်သွားမှာဖြစ်ပါတယ်။
ဒီလိုမျိုး ပိုကျယ်ကျယ်ပြန့်ပြန့် လုပ်နိုင်ဖို့အတွက် ပါဝင်လာဖို့ ကိုယ့်နိုင်ငံအရေး၊ ကိုယ့်တိုင်းရင်းသားအရေး စိတ်ပါဝင်စားသူများကိုလည်း ဒီနေရာကနေ ဖိတ်ခေါ်လိုပါတယ်။
ကြွရောက်လာတဲ့ လူထု ပရိသတ်များခင်ဗျား . . .
နောက်တစ်ခု တင်ပြလိုတာကတော့ ကျွန်တော်တို့နဲ့ အခြားတိုင်းရင်းသားပါတီများ ပူးပေါင်းဆောင်ရွက်မှု ဖြစ်ပါတယ်။
ပြည်ထောင်စုစနစ်နဲ့ ဒီမိုကရေစီအရေးကို ကြိုးပမ်းထည်ထောင်ရာမှာ ကျွန်တော်တို့ အင်အားစု တစ်ခုတည်း မရပါဘူး။ တထီးတည်းနေလို့မရပါဘူး။ အခြားတိုင်းရင်းသား အဖွဲ့များနဲ့ ပေါင်းလုပ်မှရပါမယ်။
ကျွန်တော်တို့ ပါတီစထောင်ဖို့ ကြိုးပမ်းကတည်းက အခြားတိုင်းရင်းသား နိုင်ငံရေးအဖွဲ့များနဲ့ ဆက်ဆံရေး ကောင်းတွေ ရှိခဲ့ပါတယ်။
အဲဒီလိုမျိုး ဆက်ဆံရေးကောင်းအပေါ်မှာ အခြေတည်ပြီးတော့ အခုအခါ မြန်မာနိုင်ငံတဝန်းက တိုင်းရင်းသား ပါတီ ၂၀ နဲ့ ပုံမှန် လက်တွဲ လုပ်ကိုင်လျက်ရှိပါတယ်။
အံ့အားသင့်ဖွယ်ကောင်းလောက်အောင်ပဲ အဲဒီတိုင်းရင်းသား အဖွဲ့များနဲ့ ကျွန်တော်တို့ ခံစားချက်၊ ရည်ရွယ်ချက်၊ သွားလိုတဲ့ပန်းတိုင်တွေ တော်တော်တူတာ တွေ့ရပါတယ်။ ခေတ်အဆက်ဆက် ခံရတာချင်းလည်း တူပါတယ်။ သွေးစုပ်ခံရတာချင်းလည်းတူပါတယ်။
လယ်ယာမြေတွေ အသိမ်းခံရတာလည်း တူပါတယ်။ သယံဇာတတွေရဲ့ အကျိုးမခံစားရတာခြင်းလည်း တူပါတယ်။ တိုင်းရင်းသားတွေရဲ့ အခွင့်အရေး ချိုးဖောက်ခံရတာလည်း တူပါတယ်။
ဒီလိုမျိုး ရည်ရွယ်ချက်တူ၊ ပန်းတိုင်တူ နိုင်ငံရေးအင်အားစုများနဲ့ ဆက်လက်လက်တွဲ ဆောင်ရွက်သွားခြင်း အားဖြင့် ကျွန်တော်တို့ သွားလိုတဲ့ ပန်းတိုင်ကိုလည်း အတူတကွရောက်ရှိမယ်လို့ ယုံကြည်ပါတယ်။
လူထု ပရိသတ်များ ခင်ဗျား . . .
နောက်တစ်ခု အလေးအနက် ပြောကြားလိုတာကတော့ ကျွန်တော်တို့ရဲ့ ဒီမိုကရေစီအရေးနဲ့ ပြည်ထောင်စုခရီး မပြီးဆုံးသေးဘူးဆိုတာပါ။ အခုလက်ရှိ ဒီမိုကရေစီ ခေါင်းဆောင်းထားတဲ့ စစ်အုပ်ချုပ်ရေးစနစ်အောက်မှာပဲ ရှိပါသေးတယ်။
ကျွန်တော်တို့အခု ဒေသအရေး၊ တိုင်းရင်းသားလူမျိုးများအရေး လုပ်ဆောင်ဖို့ တိုင်းရင်းသားအခြေပြု ပါတီတစ်ရပ် ထောင်လိုက်ပေမယ့် ဒီမိုကရေစီအရေး၊ ပြည်ထောင်စုစနစ် အခြေတည်ခိုင်မာလာရေးကိုလည်း မျက်ခြေပြတ်သွားမှာ မဟုတ်ပါဘူး။
အဲဒီအတွက်လည်း အခြားရည်ရွယ်ချက်တူ၊ ပန်းတိုင်တူ ဒီမိုကရေစီအင်အားစုတွေ၊ တိုင်းရင်းသား အင်အားစု တွေနဲ့ ဆက်လက်လက်တွဲ အရေးဆိုသွားမယ်။ ထောက်ခံအားပေးသွားမယ်လို့ ကတိပြု ပြောကြားလိုပါတယ်။
နိဂုံးချုပ်အနေနဲ့ ပြောကြားလိုတာကတော့ ပါတီရဲ့ ပထမဆုံးအနေနဲ့ တာဝန်ယူထားတဲ့ ဗဟိုကော်မတီနဲ့ ဗဟို အလုပ်မှုဆောင်ကော်မတီဝင်များ အရေးဖြစ်ပါတယ်။ ကျွန်တော်တို့ ကော်မတီဝင်တွေဟာ လုပ်မှရမယ် ဆိုတဲ့ စိတ်နဲ့ ဝင်လာကြသူတွေသာ ဖြစ်ပါတယ်။ ကျွန်တော်တို့ ယူထားတာတွေဟာ ရာထူးမဟုတ်ပါဘူး။ တာဝန်တွေသာ ဖြစ်ပါတယ်။ ထပ်ပြောရရင် အခိုင်းခံဖို့ ယူထားတဲ့ တာဝန်တွေသာဖြစ်ပါတယ်။
ကျွန်တော်တို့တတွေဟာ နောက်ရွေးကောက်ပွဲ တစ်ခုတည်းကိုကြည့်ပြီး အလုပ်လုပ်မယ့် သူတွေမဟုတ်ပါဘူး။ နောက်မျိုးဆက်ကိုကြည့်ပြီး တာဝန်ယူအလုပ်လုပ်မှာ ဖြစ်ပါတယ်။ ဒါကြောင့် ကျွန်တော်တို့ကို တာဝန်ပေးပါ။ ခိုင်းကြပါလို့ တောင်းဆိုလိုပါတယ်။
ဒါကြောင့် ကျွန်တော်တို့ လူမျိုး၊ ကျွန်တော်တို့ ဒေသရဲ့ ပန်းတိုင်ရောက်တဲ့ တိုင်ရောက်အောင်လည်း လုပ်မယ်။ နိုင်ငံ့ပန်းတိုင်ဖြစ်တဲ့ ဒီမိုကရေစီအရေး၊ ပြည်ထောင်စုအရေး ပြီးမြောက် အောင်မြင်အောင်လည်း လုပ်မယ်ဆိုတဲ့ အကြောင်း ကတိပြု ပြောကြားရင်း နိဂုံးချုပ်အပ်ပါတယ်။
ကြွရောက်လာကြတဲ့ ရပ်မိရပ်ဖ၊ မြို့မိမြို့ဖ၊ လူထုပရိသတ်အပေါင်း စိတ်ချမ်းသာ ကိုယ်ကျန်းမာနဲ့ အမျိုး၊ ဘာသာ၊ သာသနာ အကျိုး သယ်ပိုးနိုင်ကြပါစေ။
ကျေးဇူးတင်ပါတယ်။
+++++++++++++++++++++++++++++++++++++++
မှတ်တမ်းဓာတ်ပုံများ
သဘာပတိ ဦးတင်လတ် အဖွင့်အမှာစကားပြောကြားစဉ်
ပါတီဒုဥက္ကဋ္ဌ ဦးမောင်မောင်အေး ပါတီတည်ထောင်ရခြင်းအကြောင်းပြောကြားစဉ်
မြို့မိ မြို့ဖ ကိုယ်စား ဦးဥာဏ်ဝင်း(ငြိမ်းစားကျောင်းအုပ်) မှ ဆွေးနွေး
ပါတီဗဟိုကော်မတီဝင်များ
သတင်းနှင့်ဓာတ်ပုံ- Dawei Nationalities Party
