ဆန္ဒထုတ်ဖော်ခွင့်တင်ရန် တိုင်းအစိုးရ ကမ်းလှမ်းချက် ထားဝယ်ကျောင်းသားများ သဘောတူ

ဆန္ဒပြပွဲ ဒုတိယနေ့တွင် နည်းပညာတက္ကသိုလ် (ထားဝယ်)တွင် ထိုင်းသပိတ် ပြုလုပ်နေစဉ်
ဓာတ်ပုံ - တင့်လွင် / Dawei Watch

|Dawei Watch| ထားဝယ်၊ ဇန်န၀ါရီ ၂၁

ခွင့်ပြုချက်မယူဘဲ ဆန္ဒထုတ်ဖော်မှု ပထမရက်အပြီးတွင် တနင်္သာရီတိုင်းဒေသကြီး အစိုးရက ဆန္ဒထုတ်ဖော်ခွင့်တင်ပါက ချက်ချင်း ခွင့်ပြုပေးမည်ဟု ကမ်းလှမ်းမှုကို သဘောတူခဲ့ပြီး ဇန်န၀ါရီ ၂၁ ရက်နေ့ ဆန္ဒပြမှုကို ဆက်လက်ခဲ့ကြောင်း ဒီမိုကရေစီပညာရေး လှုပ်ရှားမှု  ဦးဆောင်ကော်မတီဝင် ဦးမင်းလွင်ဦးက ပြောသည်။

ခွင့်ပြုချက်မယူဘဲ ဆက်လက်ဆန္ဒထုတ်ဖော်လျှင် တင်းမာမှုများ ပိုမိုကြီးထွားလာမည်ကို စိုးရိမ်၍ ဆန္ဒထုတ်ဖော်ရန် ခွင့်ပြုချက်ရယူကာ ဆန္ဒထုတ်ဖော်ရခြင်းဖြစ်ကြောင်း ၄င်းထံမှ သိရသည်။

“ကျောင်းသားတွေ လုံခြုံမှု ပိုမိုရလာအောင်အတွက် ဆန္ဒထုတ်ဖော်ခွင့် တင်လိုက်တာဖြစ်တယ်”ဟု မင်းလွင်ဦးက ဆိုသည်။

အမျိုးသားပညာရေးဥပဒေကို ကန့်ကွက်သော ရက်ပေါင်း ၆၀ အလွန် သပိတ်တိုက်ပွဲကို ဇန်န၀ါရီလ ၂၀ ရက် နေ့မှစတင်ခဲ့ပြီး ယင်းနေ့တွင် ထားဝယ်တက္ကသိုလ်သို့ ချီတက်ဆန္ဒထုတ်ဖော်ခဲ့သည်။

ဆန္ဒထုတ်ဖော်ပွဲ ဒုတိယနေ့တွင် နည်းပညာတက္ကသိုလ်(ထားဝယ်)သို့ ချီတက်ခဲ့သည်။

ကျောင်းစာသင်ခန်းများသို့ မသွားရောက်ရန် တိုင်းဒေသကြီး အစိုးရက အသိပေးပြောဆိုထားသော်လည်း နည်း ပညာတက္ကသိုလ်၌ ဆန္ဒထုတ်ဖော်စဉ် စာသင်ခန်းဖက်သို့ သွားရောက်ကာ ကျောင်းသား/သူများကို ပူးပေါင်း ပါဝင်ရန် လှုပ်ဆော်စည်းရုံးခဲ့သည်ဟု ဆန္ဒထုတ်ဖော်သူများက ပြောသည်။

“စာသင်ခန်းကို သွားမယ့်လမ်းကို ပိတ်ဆို့တားဆီးခဲ့တာဟာ အမျိုးသားပညာရေးဥပဒေကို ပြောင်းလဲမှုကို စတင်လုပ်ဆောင်နေတဲ့အချိန်မှာ ပြုပြင်ပြောင်းလဲမှုကို မလိုလားတဲ့အတွက် တားဆီးတယ်လို့ ခံစားရတယ်”ဟု ဦးမင်းလွင်ဦးက ပြောဆိုသည်။

စာသင်အချိန်တွင် စာသင်နေသူများကို အနှောက်အယှက် မဖြစ်စေချင်၍ တားဆီးရခြင်းဖြစ်ပြီး ဥပဒေနဲ့အညီ အေး အေးချမ်းချမ်း ဆန္ဒထုတ်ဖော်မှုမျိုးသာ ဖြစ်စေချင်ကြောင်း နည်းပညာတက္ကသိုလ်(ထားဝယ်) ကျောင်းအုပ်ကြီး ဒေါက်တာ အောင်နိုင်မြင့်က ပြောဆိုသည်။

ရက်ပေါင်းမည်မျှ ဆန္ဒပြမည်ကို အတိအကျ မသတ်မှတ်ထားဘဲ မန္တလေးတိုင်းမှ ကျောင်းသားများ ရန်ကုန်ရောက်ချိန်နှင့် ချိန်ကာ  တနင်္သာရီတိုင်းမှ ကျောင်းသားများက သွားရောက်ပူးပေါင်းကာ သပိတ်တိုက်ပွဲကို ဆင်နွှဲသွားမည်ဖြစ်ကြောင်း ထားဝယ်ခရိုင် တက္ကသိုလ်ကျောင်းသားများသမဂ္ဂထံမှ သိရသည်။

Dawei Watch