အကြောင်းမထူးသည့် ကံပေါက်မိုင်းဆိုးကျိုးကိစ္စ အစိုးရသစ်ကို ထပ်တိုင်

|Dawei Watch| ထားဝယ်၊ မေ ၁၁

ထားဝယ်ခရိုင်၊ ရေဖြူမြို့နယ်၊ ကံပေါက်ဒေသတွင် သတ္တုတူးဖော်နေသည့် ဒယ်(လ်)ကို ကုမ္ပဏီ၏ စီမံကိန်းကြောင့် ဖြစ်ပေါ် နေသည့် ဆိုးကျိုးများကို ယခင်တိုင်းအစိုးရအဖွဲ့က မဖြေရှင်းခဲ့သောကြောင့် အစိုးရသစ်ထံ ထပ်မံတောင်းဆိုထားကြောင်း ဒေသခံများထံမှ သိရသည်။

ယခင်အစိုးရ လက်ထက်က တိုင်းဒေသကြီးအစိုးရအဖွဲ့မှ သတ္တုတွင်းဝန်ကြီး အပါအ၀င် သက်ဆိုင်ရာဌာနများကို နှစ်ကြိမ် စာပို့ တောင်းဆိုခဲ့ဖူးသော်လည်း အရေးယူ ဖြေရှင်းခဲ့ခြင်း တစ်စုံတစ်ရာ မရှိသောကြောင့် ယခုအစိုးရအသစ်က ဖြေရှင်းပေးရန် မေလ ၉ ရက်က ထပ်မံတောင်းဆိုခဲ့ကြောင်း ဦးဆောင်တောင်းဆိုသည့် ကံပေါက်ဒေသခံ ဦးခင်စိုးက ပြောသည်။

“ကုမ္ပဏီကို ရပ်ဆိုင်းဖို့၊ ထွက်သွားဖို့ တောင်းဆိုတာ မဟုတ်ပါဘူး။ ဥပဒေနဲ့အညီ လုပ်ဆောင်ဖို့၊ ကုမ္ပဏီကြောင့် ဒေသ ထိခိုက် နစ်နာမှုတွေ မရှိဖို့ တောင်းဆိုတာပါ”ဟု ဦးခင်စိုးက ပြောသည်။

ပြီးခဲ့သည့်နှစ် စက်တင်ဘာလက ဒယ်(လ်)ကို ကုမ္ပဏီမှ တည်ဆောက်ထားသည့် နုန်းစစ်ကန် ပြိုကျခြင်းကြောင့် အသက် ၁၂ နှစ်အရွယ် ကလေးတစ်ဦး သေဆုံးခဲ့ပြီး အိမ်ခြေ ၄၀ ကျော် ပျက်စီးခဲ့သည့် ဖြစ်ရပ်နောက်ပိုင်း ကုမ္ပဏီနှင့် ဒေသခံများ အကြိမ်ကြိမ် တွေ့ဆုံခဲ့သော်လည်း သဘောတူညီမှု တစ်စုံတစ်ရာ ရယူနိုင်ခဲ့ခြင်း မရှိသေးကြောင်း တိုင်းဒေသကြီး အစိုးရထံသို့ တင်ပြထားသည့်စာတွင် ပါရှိသည်။

ကုမ္ပဏီမှ စွန့်ပစ်သည့် နုန်းမြေများ ချောင်းဖျားနေရာများတွင် စွန့်ပစ်ထားခြင်း၊ ရေကန်တောင်ပေါ်ရှိ ရေကို ဒေသခံများ၏ သဘော ဆန္ဒမပါဘဲ ကုမ္ပဏီမှ သွယ်ယူသုံးစွဲခြင်း စသဖြင့် ကုမ္ပဏီ၏ လုပ်ဆောင်ချက်များကြောင့် ချောင်းများပျက်စီးကာ သဘာဝ ပတ်ဝန်းကျင်ထိခိုက်မှုများ ရှိနေခြင်းကြောင့် အစိုးရအသစ်အနေဖြင့် အလေးထားဆောင်ရွက်ပေးရန် ယခုကဲ့သို့ စာတင်ပြ တောင်းဆိုခြင်းဖြစ်ကြောင်း ဦးခင်စိုးက ဆိုသည်။

ယင်းကိစ္စနှင့်ပက်သက်၍ မေးမြန်းနိုင်ရန် ဒယ်(လ်)ကို ကုမ္ပဏီရုံး၏ ဖုန်းနံပါတ်များဖြစ်သည့် ၀၉၈၇၅၂၀၅၆၊ ၀၉၈၇၄၂၉၆၃ တို့ကို အကြိမ်ကြိမ် ဆက်သွယ်ခဲ့သော်လည်း ဖုန်းစက်ပိတ်ထားခြင်းကြောင့်  မေးမြန်းခွင့်မရခဲ့ပေ။

ကုမ္ပဏီကြောင့် ဖြစ်ပေါ်နေသည့် ဆိုးကျိုးများကြောင့် ဒေသခံများက ဒယ်(လ်)ကို ကုမ္ပဏီကို ယခုနှစ် ဇန်န၀ါရီလက ဆန္ဒတစ်ကြိမ် ထုတ်ဖော်ခဲ့ဖူးသည်။

ဒယ်(လ်)ကို ကုမ္ပဏီသည် ကံပေါက်ကျေးရွာတွင် မြေ ၂၀၈၇ ဧကကို သတ္တုရှာဖွေတူးဖော်ထုတ်လုပ်ရန်အတွက် ၂၀၁၀ ခုနှစ်မှ ၂၀၂၀ ခုနှစ်အထိ လုပ်ကိုင်ခွင့်ရထားသည့် ကုမ္ပဏီတစ်ခုဖြစ်သည်။

Dawei Watch