လောင်းလုံး ကျောက်မီးသွေး စက်ရုံ မဆောက်ရန် ဆန္ဒပြပြီး တစ်လခွဲ အကြာ ကန့်ကွက်စာထပ်ပို့

Dawei Watch| လောင်းလုံး၊ မေ ၁၁

ဦးသိန်းစိန် အစိုးရ၏ ဆိုးမွေတစ်ခုဖြစ်သော လောင်းလုံး ကျောက်မီးသွေး စက်ရုံကို ဒေသခံ ရွာသားများ ဆန္ဒပြခဲ့ပြီးနောက် တစ်လကျော်အကြာတွင်ပင် စီမံကိန်း အကောင်အထည်ဖော်ခြင်း မပြုရန် ဒေသခံ နှစ်ထောင်ကျော်က တနင်္သာရီဝန်ကြီးချုပ်ထံ ထပ်မံတောင်းဆိုလိုက်ပြန်သည်။

ထားဝယ်ခရိုင်၊ လောင်းလုံးမြို့နယ်၊ ရမ္မဇူဧရိယာတွင် တည်ဆောက်မည့် ၅၀၀ မဂ္ဂ၀ပ် ကျောက်မီးသွေးသုံးလျှပ်စစ်ဓာတ်အားပေးစက်ရုံစီမံကိန်းအကောင်အထည်ဖော်မည့်ကိစ္စကို ရပ်တန့်ပေးရန် သကျက်တော ကျေးရွာအုပ်စု ဖွံ့ဖြိုးရေးကော်မတီက တနင်္သာရီတိုင်းဒေသကြီး ၀န်ကြီးချုပ်ထံ  မေလ ၁၁ ရက်နေ့က စာပို့တောင်းဆိုလိုက်ခြင်းဖြစ်သည်။

ယခုနှစ်အတွင်းတွင်မှ ဦးသိန်းစိန်အစိုးရက လက်မှတ်ရေးထိုး သဘောတူခဲ့သော ယင်းစီမံကိန်းကို ဒေသခံ ၅၀၀ ကျော်က မတ်လ ၂၅ ရက်နေ့က ဆန္ဒပြခဲ့သေးသည်။

ထိုနောက် မေလ ၁၁ ရက်နေ့တွင် အစိုးရသစ် ၀န်ကြီးချုပ်ထံ စာပို့တောင်းဆိုခြင်းဖြစ်သည်။

ယင်းစက်ရုံတည်ဆောက်မည်ဆိုပါက ပင်လယ်ပြင်ညစ်ညမ်းမှုများ၊ ဒေသခံများ၏ သက်မွေးဝမ်းကြောင်းလုပ်ငန်းများသာမက ကျန်းမာရေးကိုပါ ဆိုးရွားစွာထိခိုက်မည်ဖြစ်သောကြောင့် ဒေသခံများအနေနှင့် လုံးဝလက်ခံမည်မဟုတ်သဖြင့် စီမံကိန်းအကောင်အထည်ဖော်မည့်ကိစ္စကို ပြည်သူရွေးချယ်တင်မြှောက်ထားသည့် အစိုးရက ပြန်လည်စိစစ်ပြီး ရပ်တန့်ပေးရန် တောင်းဆိုရခြင်းဖြစ်ကြောင်း ကျေးရွာအုပ်စု ဖွံ့ဖြိုးရေး ကော်မတီ ဥက္ကဋ္ဌ ဦးစစ်ထွန်းက ပြောသည်။

“ကျောက်မီးသွေးဆိုးကျိုးက တစ်ကမ္ဘာလုံးက သိနေတဲ့ကိစ္စ။ တစ်ကမ္ဘာလုံးက လက်မခံတဲ့ကိစ္စကို လက်ခံလိုက်ရင် နောင်လာနောင်သားတွေကို ဆိုးမွေပေးခဲ့သလိုဖြစ်မှာစိုးလို့ လူကြီးပိုင်းတွေက ကန့်ကွက်ရတာဖြစ်ပါတယ်” ဟု ဦးစစ်ထွန်းက ဆိုသည်။

ဝန်ကြီးချုပ်ထံ လိပ်မူ ပေးပို့သည့်တောင်းဆိုစာနှင့်အတူ ဒေသခံ ၂၄၀၀ ဦး၏ လက်မှတ်များကိုပါ ပူးတွဲတင်ပြထားသည်။

လောင်းလုံးကျောက်မီးသွေးစက်ရုံစီမံကိန်းကို ယခင်အစိုးရသက်တမ်းကုန်လုနီးတွင် စီမံကိန်းကို အကောင်အထည်ဖော်မည့် 24 Hours Mining and Industry Company Limited နှင့် သဘာတူစာချုပ်လက်မှတ် (MoA) လက်မှတ်ရေးထိုးခဲ့သည်။

အစိုးရဟောင်းအနေဖြင့် ယင်းစီမံကိန်းကို သဘောတူလက်မှတ်ရေးထိုးခဲ့ခြင်းသာဖြစ်ပြီး အကောင်အထည်ဖော်မည့်ကိစ္စမှာ အစိုးရသစ်၏သဘောထားအပေါ်မူတည်ကြောင်း လျှပ်စစ်စွမ်းအားဝန်ကြီးဌာနမှ ဒုဝန်ကြီးဟောင်း ဦးမော်သာထွေးက ဒေသခံများဆန္ဒထုတ်ဖော်ခြင်းနှင့် ပတ်သက်၍ ပြောဆိုခဲ့ဖူးသည်။

လောင်းလုံးမြို့နယ်တွင် ဒေသခံများ ကန့်ကွက်နေသော အခြားစီမံကိန်း တစ်ခုဖြစ်သည့် ရေနံချက်စက်ရုံ စီမံကိန်း တည်ဆောက်ရန်ကိုလည်း ဧပြီလနှောင်းပိုင်းက ဦးသိန်းစိန် အစိုးရ မဆင်းမီ လက်မှတ်ရေးထိုးခဲ့သေးသည်။

Dawei Watch