ဖွဲ့စည်းပုံအခြေခံဥပဒေကို ပြင်ဆင်သည့် ဥပဒေကြမ်းအား ဆောင်ရွက်ရန် ကော်မတီတစ်ရပ် ထပ်မံဖွဲ့စည်းမည်ဟု ပြည်ထောင်စုလွှတ်တော် နာယက ပြောကြား

ပြည်ထောင်စုလွှတ်တော် ဖွဲ့စည်းပုံအခြေခံဥပဒေဆိုင်ရာ လေ့လာသုံးသပ်ရေး ပူးပေါင်းကော်မတီ၏ ဖွဲ့စည်းပုံအခြေခံဥပဒေ လေ့လာသုံးသပ်ရေးဆိုင်ရာ အစီရင်ခံစာပါ အကြောင်းအရာများကို အကောင်အထည်ဖော်ပြီး ဖွဲ့စည်းပုံအခြေခံဥပဒေကို ပြင်ဆင်သည့် ဥပဒေကြမ်းတစ်ရပ်ဖြစ်ပေါ်လာသည်အထိ ဆောင်ရွက်ရန် ကော်မတီတစ်ရပ် ထပ်မံဖွဲ့စည်းမည်ဟု ပြည်ထောင်စုလွှတ်တော် နာယက သူရဦးရွှေမန်းက ပြောကြားသည်။

ပြည်ထောင်စုလွှတ်တော်နာယက သူရဦးရွှေမန်းက "ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေ လေ့လာသုံးသပ်ရေး ပူးပေါင်းကော်မတီကို ပြည်ထောင်စုလွှတ်တော်၏
၂၅ ရက် ၇ လ ၂၀၁၃ ရက်စွဲပါ အမိန့်ကြော်ငြာစာ အမှတ် ၄၁/၂၀၁၃ဖြင့် ထုတ်ပြန်ဖွဲ့စည်းခဲ့ပြီး ကော်မတီ၏ ဦးတည်ချက် သက်တမ်းတာဝန်လုပ်ပိုင်ခွင့်၊ လုပ်ထုံးလုပ်နည်းနှင့် ရပိုင်ခွင့်များကိုလည်း ၂၇ ရက် ၈ လ ၂၀၁၃ ရက်စွဲပါ အမိန့်ကြော်ငြာစာအမှတ် ၅၉/၂၀၁၃ ဖြင့် ထုတ်ပြန် သတ်မှတ်ပေးခဲ့ပါတယ်။ ဒါ့အပြင် ၇ ရက် ၁၁ လ ၂၀၁၃  ရက်တွင် ကျင်းပသော ပြည်ထောင်စုလွှတ်တော် အစည်းအဝေးတွင် ယင်းကော်မတီရဲ့ အစီရင်ခံစာကို ၃၁ ရက် ၁ လ ၂၀၁၄ ရက်မတိုင်မီ လွှတ်တော်သို့ တင်သွင်းရန်အဆိုကို လွှတ်တော်က အတည်ပြုခဲ့ပါတယ်။ ကော်မတီအနေဖြင့် ထုတ်ပြန်သတ်မှတ်ထားတဲ့ တာဝန်၊ လုပ်ပိုင်ခွင့်၊ လုပ်ထုံးလုပ်နည်းများနှင့်အညီ စတင်ဖွဲ့စည်းခဲ့သည့် အချိန်မှယနေ့အထိ အစီရင်ခံစာတင်သွင်းချိန်အထိ ၀ိုင်းဝန်းကြိုးစားဆောင်ရွက်ခဲ့တဲ့ ရလဒ်အဖြစ် ယခုအစီရင်ခံစာကို တင်သွင်းနိုင်ခဲ့တာ ဖြစ်ပါတယ်။
လွှတ်တော်ကိုယ်စားလှယ်များထံ ဖြန့်ဝေပြီးဖြစ်တဲ့ ကော်မတီရဲ့ လေ့လာတွေ့ရှိချက်နဲ့ သုံးသပ်တင်ပြချက် အစီရင်ခံစာအရ ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေ၏ အခန်း၊ အပိုဒ်၊ ပုဒ်မများအလိုက်ပြင်ဆင်သင့်သည်များ၊ ဖြည့်စွက်သင့်သည်များ၊ ပယ်ဖျက်သင့် သည်များကို ဥပဒေနဲ့အညီ ဆက်လက်စိစစ် ဆောင်ရွက်ကြရန်လိုအပ်ကြောင်း၊ ဦးစားပေး လိုက်ဆောင်ရွက်သင့်တဲ့ ဆောင်ရွက်နိုင်တဲ့ အကြောင်းအရာများကို အသေးစိတ်ထပ်မံ လေ့လာသုံးသပ်နိုင်ရန် အချိန်ယူဆောင်ရွက်သင့်ကြောင်း၊ ထိုသို့ လုပ်ဆောင်ရေးအတွက် ပြည်ထောင်စုလွှတ်တော်ရဲ့ အဆုံးအဖြတ်ရယူလိုကြောင်း တင်ပြထားတာ တွေ့ရှိရပါတယ်။ အစောပိုင်းက တင်ပြခဲ့တဲ့ပူးပေါင်းကော်မတီရဲ့ ဦးတည်ချက်၊ သက်တမ်း၊ တာဝန်နှင့် သတ်မှတ်ချက်တွင် ပူးပေါင်းကော်မတီ၏ သက်တမ်းသည် စတင်ဖွဲ့စည်းသည့် အချိန်မှ ပြည်ထောင်စုလွှတ်တော်သို့ အစီရင်ခံစာတင်သွင်းပြီးသည့် အချိန်အထိ ဖြစ်သည်လို့ သတ်မှတ်ဖော်ပြထားပါတယ်"ဟု ပြောကြားသည်။

အဆိုပါအဖွဲ့ကို ၂၀၁၄ ခုနှစ် ဖေဖော်ဝါရီ ၃ ရက်တွင် ဖွဲ့စည်းရန် လျာထားကြောင်း အသိပေးခဲ့ပြီး အစီရင်ခံစာပါ အကြောင်းအရာများကို အကောင်အထည်ဖော်နိုင်ရန် ပြည်ထောင်စုလွှတ်တော်က အခြားကော်မတီတစ်ရပ် ထပ်မံဖွဲ့စည်းပြီး ဆောင်ရွက်ရန်အတွက် လွှတ်တော်က သဘောတူခဲ့သည်။