ဆရာတော်မေတ္တာရှင်ရွှေပြည်သာသည် ရဟန်းဘဝဖြင့် စာအုပ်ပေါင်းခြောက်ဆယ်ကျော်ရေးသားခဲ့ပြီး တရားပွဲပေါင်းများစွာကို မြန်မာပြည်အနှံ့ဟောပြောခဲ့ပြီးနောက် ယခုအခါ ရဟန်းဘဝမှစွန့်လွှတ်သည့်သတင်းကိုကြားရသည့်အတွက် ပရိသတ်များအနေဖြင့် များစွာစိတ်ဝင်တစားဖြစ်ခဲ့ရပါသည်။ ထို့ကြောင့်ယခုအခါ စာရေးဆရာမေတ္တာရှင်-ရွှေပြည်သာအဖြစ် မြန်မာပြည်သို့ခေတ္တပြန်ရောက် လာသည့်ပြည်တော်ပြန်ခရီတွင် မေတ္တာရှင်-ရွှေပြည်သာ၏ လူဝတ်လဲရခြင်းနှင့်ပွင့်ပွင့်လင်းလင်းရင်ဖွင့်ချက်များကို ပရိသတ်များသိစေဖို့ အတွက် တွေ့ဆုံမေးမြန်းဖြစ်ခဲ့ပါသည်။
မေး - ဆရာမေတ္တာရှင်ရွှေပြည်သာအနေနဲ့ ရဟန်းဘဝစွန့်ခြင်းရဲ့ ရည်ရွယ်ချက်နဲ့ လက်ရှိကျန်းမာရေးအခြေအနေကိုပြောပြပေးပါ လားခင်ဗျာ။
ဖြေ - တစ်အချက်က ကျန်းမာရေးအရင်လိုမကောင်းတာကြောင့်ပါ။ နှစ်အချက်က ကမ္ဘာ့ဗဟုသုတမျိုးစုံနဲ့ လူ့ဘဝကိုအခြေခံတဲ့ ဂန္ထဝင်ဝတ္ထုရှည်ကြီးတွေကို ဘာသာရေးအသိပါးပါးလေးအုပ်ပြီးအင်္ဂလိပ်လိုရေးနိုင်ချင်ပါတယ်။ လူ့လောကရောက်မှ လူ့ဘဝ အကြောင်းကိုပီပြင်အောင်ရေးနိုင်မှာပါ။ ဒါကြောင့်ရဟန်းဘဝကိုခေတ္တစွန့်လိုက်တာပါ။ လည်ချောင်းကတော့ တရားမဟော တော့တဲ့အတွက်အတော်ကြီးကောင်းနေပါပြီ။ ခါးရိုးနာတာကတော့ နည်းနည်းကျန်ပါသေးတယ်။
မေး - ဆရာဖြတ်သန်းခဲ့တဲ့ရဟန်းဘဝ၊ တရားဟောဓမ္မကထိကဘဝနဲ့ ရဟန်းစာရေးဆရာမေတ္တာရှင်ရွှေပြည်သာအနေနဲ့ အောင်မြင်ကျော်ကြားလာပြီးတဲ့အချိန်ကျခါမှ ရုတ်တရက်လူဝတ်လဲတဲ့သတင်းကိုကြားရတဲ့အချိန်မှာ ပရိသတ်တချို့အနေနဲ့ ယူကျုံးမရဖြစ်ကြတာတွေရှိတယ်လေ။ အဲဒီအတွက် ဆရာရှေ့ဆက်မယ့်ပရဟိတလုပ်ငန်းနဲ့ပတ်သက်တဲ့အစီအစဉ်လေးတွေ ကိုပြောပြလို့ရမလား။
ဖြေ - ဆရာရဲ့ညီ ဥိးစိုးတင့်က ဟိုအရင်ကတည်းက ဆရာ့ကိုယ်စားတာဝန်ယူလုပ်ဆောင်နေတာ ဆယ်နှစ်လောက်ရှိပါပြီ။ အသား ကျနေပြီဖြစ်တဲ့အတွက် ဆရာလူ့ဘဝရောက်သွားလည်း ပရဟိတလုပ်ငန်းတွေက အရင်အတိုင်းလည်ပတ်နေမှာပါ။ မှော်ဘီသုဒ္ဓဝိပဿနာရိပ်သာမှာလည်း သံဃာလေးဆယ်ခန့်နဲ့သီလရှင်၊ ဘိုးဘွားလူနာအပါအဝင် လူရှစ်ဆယ်လောက်ကို နေ့စဉ်ကျွေးမွေးဖို့ ဆေးဝါးကုသဖို့တွေအတွက်ငွေပဒေသာပင်တွေလုပ်ပေးထားပါတယ်။ မန္တလေးနဲ့ ရန်ကုန်က စိတ်ချရတဲ့ ဒကာရင်းတွေက သူတို့ရဲ့စီးပွားရေးလုပ်ငန်းတွေမှာထည့်သုံးပေးကြပါတယ်။ သူတို့ပေးတဲ့သင့်တင့်တဲ့အတိုးနှုန်းနဲ့ ထောက်ပံ့ နိုင်အောင်စီစဉ်ထားပါတယ်။ တရားစခန်းဖွင့်ရင်လည်း အရင်ကလိုယောဂီဆွမ်းစရိတ်ပေးစရာမလိုဘဲ အားထုတ်နိုင်အောင် စီစဉ်ပေးထားပါတယ်။
မေး - ဂျာနယ်တစ်စောင်မှာ ဖတ်လိုက်ရတယ်။ အင်္ဂလိပ်စာသင်မယ်။ သင်ပြီးရင်ကမ္ဘာကိုကိုယ့်ရဲ့စာပေတွေကို ဖြန့်မယ်ဆိုတဲ့ ရည်ရွယ်ချက်ကိုပရိသတ်တွေအနေနဲ့ ကြားရတဲ့အချိန်မှာ မြန်မာစာပေနဲ့သမိုင်းအတွက်ကြိုဆိုစရာပါ။ ဒါပေမယ့် ရဟန်း ဘဝနဲ့အင်္ဂလိပ်စာသင်မယ်ဆိုရင်ကောမရနိုင်ဘူးလားခင်ဗျာ။
ဖြေ - ဗုဒ္ဓစာပေသက်သက်ကို ရေးဖို့ဆိုရင်တော့ရဟန်းဘဝနဲ့အင်္ဂလိပ်စာသင်လည်း ရပါတယ်။ အခုဟာက ဗုဒ္ဓစာပေသက်သက် အတွက်မဟုတ်ပါဘူး။ လူ့ဘဝကိုဂန္ထဝင်ရသမြောက်အောင်ရေးဖို့အတွက်ပါ။ နီဂရိုးတွေအမေရိကန်မှာ ကျွန်ဖြစ်ရခြင်းရဲ့ အကြောင်းကိုရသ၊ ဝတ္ထုပုံစံနဲ့ရေးနိုင်ဖို့အတွက် နီဂရိုးစာရေးဆရာလေးဟာ ကမ္ဘာအနှံ့ခရီးသွားပြီး ကိုယ်တွေ့လေ့လာရပါ တယ်။ မှတ်တမ်းစာအုပ်တွေရာနဲ့ချီပြီးဖတ်မှတ်ခဲ့ရပါတယ်။ ဒီစာအုပ်တစ်အုပ်တည်းနဲ့ ကမ္ဘာကျော်စာရေးဆရာဖြစ်သွားပါ တယ်။ ဒါပေမယ့်အဲဒီစာအုပ်ရေးချိန်ဟာ ၁၂ နှစ်ခန့်ကြာမြင့်ပါတယ်။ အဲဒီလိုကမ္ဘာတစ်ခွင်လှည့်လည်သွားလာနေထိုင်ရာ မှာ သင်္ကန်းဝတ်နဲ့မသင့်တော်ပါဘူး။ ဒါကြောင့်လူဝတ်လဲရတာပါ။ စာအုပ်နာမည်က ဇစ်မြစ်ပါ။ မောင်ထွန်းသူဘာသာပြန် ပါတယ်။
မေး - ရဟန်းဘဝမှာ ရေးခဲ့တဲ့စာပေအများစုထဲက လူတွေရဲ့ဘဝတွေတိုးတက်ပြောင်းလဲတာတွေရှိခဲ့ပါတယ်။ တချို့ဆိုရင် ကိုယ့်ကို ကိုယ်အဆုံးစီရင်ဖို့အထိ ရည်ရွယ်တာတွေ၊ တစ်ပါးသူကို လုပ်ကြံသတ်ဖြတ်ဖို့အတွက် ဆုံးဖြတ်ခဲ့တာတွေကိုတောင် မေတ္တာ ရှင်(ရွှေပြည်သာ)ရဲ့စာအုပ်တချို့ကိုဖတ်ပြီးမှပြောင်းလဲသွားတာတွေရှိခဲ့တယ်လို့ဖတ်ဖူးခဲ့ပါတယ်။ ပုဂ္ဂိုလ်ခင်မှတရားမင်တယ် ဆိုတဲ့စကားလည်းရှိတယ်မဟုတ်လား။ အခုချိန်မှ ရုတ်တရက်လူထွက်လိုက်တော့ အတုယူခဲ့တဲ့လူတွေရဲ့ ဦးတည်ချက် ရည်ရွယ်ချက်တွေပျောက်သွားနိုင်တယ်လို့ ဆရာမထင်ဘူးလား။
ဖြေ - စာဖတ်နည်းသုံးမျိုးရှိတဲ့အကြောင်း စာရေးဆရာနဲ့ရင်ဘောင်တန်း၍ စာဖတ်သူများအကြောင်း စာအုပ်ထဲမှာရေးထားပါ တယ်။ စာရေးဆရာရေးသလောက်ပဲသိတဲ့ စာရေးဆရာနောက်ကလိုက်ဖတ်တဲ့နံပါတ်သုံးစာဖတ်သူမျိုးကတော့ ဦးတည်ချက် တွေ၊ ရည်ရွယ်ချက်တွေပျောက်သွားနိုင်ပါတယ်။ စာရေးဆရာရဲ့ရည်ရွယ်ချက်နဲ့ စေတနာကိုပါ သိတဲ့စာရေးဆရာနဲ့ ရင်ဘောင်တန်းပြီးဖတ်နိုင်တဲ့နံပါတ်နှစ်စာဖတ်သူမျိုး ဘာစာကိုဖတ်ဖတ် သစ္စာစိုက်အောင်အနတ္တပေါက်အောင်ဖတ်နိုင်တဲ့ စာရေးဆရာကိုကျော်ဖတ်နိုင်တဲ့ နံပါတ်တစ်စာဖတ်သူမျိုး။ အဲဒီနှစ်မျိုးကတော့ ဦးတည်ချက်၊ ရည်ရွယ်ချက်တွေမပျောက်နိုင် ပါဘူး။
မေး - ဆရာတော်မေတ္တာရှင်ရွှေပြည်သာဘဝမှာ လူတွေကိုကူညီခဲ့တာတွေ၊ မရှိတဲ့သူတွေကို ပေးကမ်းစွန့်ကြဲခဲ့ဖူးတာတွေကို ကြားခဲ့ဖူးပါတယ်။ အခုလိုလူဝတ်လဲတဲ့အချိန်မှာ အကူညီယူခဲ့တဲ့လူတွေအနေနဲ့ ဝမ်းနည်းအားငယ်တာတွေရှိခဲ့ပါတယ်။ အဲဒီအတွက်ဒုက္ခရောက်ခဲ့သူတွေကို ဆက်ပြီးဘယ်လိုကူညီဖို့များစဉ်းစားထား ပါသလဲ။
ဖြေ - မေတ္တာရှင်ရွှေပြည်သာဖောင်ဒေးရှင်းအတွက် သိန်းထောင့်ငါးရာဘဏ်မှာ အပ်ပေးထားပါတယ်။ စာအုပ်တွေလည်းဆက်ရေးနေမှာဆိုတော့ စာအုပ် ရောင်းရငွေတွေနဲ့လည်းဆက်ပြီး ထောက်ပံ့ကူညီနိုင်မှာပါလို့ပြောပါရစေ။
မေး - နောက်ပြီးဆရာ့အနေနဲ့ပေါ့နော် ရဟန်းဘဝမှာပါရာဇိကကျခဲ့တာများရှိခဲ့ပါ သလား။
ဖြေ - ဝိနည်းနားမလည်တဲ့ဒုလ္လဘရဟန်းတွေတောင်သိက္ခာချပြီးမှ အိမ်ထောင်နဲ့ပြန် နေရတယ်။ သိက္ခာမချဘဲ အိမ်ထောင်နဲ့ပြန်နေရင် ပါရာဇိကကျတယ်ဆိုတာ သိပါတယ်။ ပါရာဇိကကျတယ်ဆိုတာ သာသနာတော်ကဆုံးရှုံးသွားတဲ့ အတွက် ရဟန်းဘဝကိုတစ်သက်လုံးပြန်မရတော့တာကိုပြောတာပါ။ ဝိနည်း နားမလည်တဲ့ဒုလ္လဘရဟန်းတွေတောင်ပါရာဇိကမကျအောင် သိက္ခာချဖို့ သတိရသေးရင် ဝိနည်းနားလည်တဲ့ဆရာတို့လို ငယ်ဖြူရဟန်းတွေကဘယ်မှာ သိက္ခာချဖို့သတိမရဘဲ နေပါ့မလဲ။ ပြီးတော့သိက္ခာချတယ်ဆိုတာအမြင့်က ခုန်ချတာ။ သူတစ်ပါးအကူအညီသိပ်မလိုဘူး။ အနားမှာသိတတ်တဲ့အရွယ် လူတစ်ယောက်ရှိရင်ရပြီ။ ငါရဟန်းတွေကျင့်ရတဲ့သိက္ခာပုဒ်တွေကိုစွန့်တယ်။ ငါ့ကိုလူလို့မှတ်လိုက်တော့လို့ပြောပြီးတာနဲ့ သိက္ခာချပြီးသားဖြစ်သွားတယ်။
မေး - လူ့ဘဝဖြတ်သန်းချိန်မှာ ပြည်ပနိုင်ငံမှာပဲ နိုင်ငံခြားစာနဲ့ မြန်မာစာပေကိစ္စတွေ၊ ပရဟိတလုပ်ဖို့အတွက်တွေကြိုးစားတော့မယ်ဆိုတော့ ဆရာတစ်ယောက် တည်း ဘယ်လိုဖြတ်သန်းမလဲ။ ဘဝအဖော်မွန်ရှာဖို့ရောစိတ်ကူးရှိပါသလား။ ရှိခဲ့မယ်ဆိုရင်ကော ဘယ်လိုလူမျိုးကိုရွေးချယ်မှာပါလဲ။
ဖြေ - ဘဝအဖော်မွန်ရှာတွေ့လို့လက်ထပ်ပြီးပါပြီ။ စိတ်ကောင်းရှိပြီး စာပေအလုပ်ကို ရာနှုန်းပြည့်ကူညီနိုင်မယ့်ဗုဒ္ဓဘာသာမြန်မာအမျိုးသမီးတစ်ယောက်ပါ။
မေး - ဆရာ့အနေနဲ့ ရဟန်းဘဝရဲ့နောက်ဆုံးစာအုပ်ဖြစ်တဲ့ ဘဝကိုအသေသတ် သောစိတ်စာအုပ်ထွက်ပြီလို့သိရပါတယ်။ ဒီနောက်ပိုင်းလူ့ဘဝမှာ ဖန်တီးမယ့် ရသစာအုပ်တွေရှိရင်ရော ပြောလို့ရမလား။ ရဟန်းဘဝက စာအုပ်တွေရော ထွက်ဖို့ရှိပါသေးလား။ ရှေ့ဆက်ပြီးဘယ်လိုစာပေအမျိုးအစားတွေကို ဖန်တီး ထုတ်လုပ်မယ်လို့စီစဉ်ထားပါသလဲ။
ဖြေ - လက်ရှိ ရသ၊ သုတ၊ ဒဿနသုံးမျိုးလုံးပါမယ့်စာအုပ်တွေ ဆက်တိုက်ထွက်မှာ ပါ။ အဲဒီစာအုပ်တွေထဲကမှ ရေးသားခြင်းဆိုင်ရာအတွေ့အကြုံများငါးတွဲ၊ အသာစံခြင်းနဲ့အနာခံခြင်းငါးတွဲ၊ လောကဓံရင်ဆိုင်နည်းစာအုပ်တွေ ဆက် ထွက်လာပါလိမ့်မယ်။ ရေးသားခြင်းဆိုင်ရာစာအုပ်ကတော့ ၇ဝ ရာခိုင်နှုန်း ရေးပြီးနေပါပြီ။ ကျန်တဲ့စာအုပ်တွေကတော့ခေါင်းထဲမှာပဲရေးရပါသေးတယ်။
မေး - ဆရာ့အနေနဲ့လူပုဂ္ဂိုလ်ဖြစ်သွားပြီးတဲ့နောက် တရားပြဆရာကြီး ဦးလှသိန်းတို့ လို့ ပခုက္ကူဆရာကြီး ဦးကြင်ရွှေတို့လို့ တရားပြဆရာအဖြစ် ဆရာတည် ထောင်ခဲ့တဲ့တရားစခန်းကြီးတွေ၊ ရိပ်သာကြီးတွေမှာပြန်ပြီးဟောပြောဖို့အစီ အစဉ်ရှိပါသလား။
ဖြေ - စာပေရည်ရွယ်ချက်တွေ အောင်မြင်သွားပြီးတဲ့နောက်မှာတော့ တရားစခန်း တွေမှာ ပြန်ဟောပြောဖို့အစီအစဉ်ရှိပါတယ်။
မေး - ဆရာ့အနေနဲ့ဆရာတော်ဘဝမှာ တော်ရုံပုဂ္ဂိုလ်မျိုး ဖန်တီးလို့မဖြစ်နိုင်တဲ့ အောင်မြင်မှုမျိုးရခဲ့တယ်။ ကမ္ဘာသိပုဂ္ဂိုလ်တစ်ဦးပေါ့။ အဲဒီလိုအောင်မြင်ပြီး ခါမှ အခုအခြေအနေကြီးကိုပြောင်းလဲပစ်လိုက်တာဟာ တချို့ကလည်း စိတ်မခိုင်ဘူးလို့အမနာပပြောကြတယ်။ တချို့ကလည်း ခိုင်မာတဲ့ပန်းတိုင်ရှိ တယ်ဆိုပြီး ဝိရောဓိငြင်းခုံမှုတွေရှိကြပါတယ်။ ဆရာဘယ်လိုသတ္တိမျိုးနဲ့ ပြောင်းလဲသွားတယ်ဆိုတာကိုပြောပြပေးပါလား။
ဖြေ - ကိုယ့်ထက်အောင်မြင်နေတဲ့သူတွေကိုမော့ကြည့်လိုက်ရင် ကိုယ်ဘာမှမဟုတ် တော့ဘူးဆိုတဲ့အဆုံးအမကြောင့်အခုလိုပြောင်းလဲရဲတာပါ။ နှစ်ပေါင်းသုံး ဆယ်အားထုတ်မှရခဲ့တဲ့အောင်မြင်မှုကြီးကိုစွန့်လွှတ်ပြီး လမ်းသစ်တစ်ခုကိုရဲရဲ ကြီးလျှောက်ပြီဆိုမှတော့ အခုအောင်မြင်မှုထက်ပိုမိုမြင့်မားတဲ့အောင်မြင်မှုကြီး တစ်ခုကိုမြင်နေရလို့ဆိုတာ တွေးကြည့်ရင်သိနိုင်မယ်ထင်ပါတယ်။
မေး - နောက်ပြီးနိုင်ငံရေးအသိုင်းအဝိုင်းကကြားထားတဲ့ ကောလာဟလတွေရှိပါ တယ်။ ဆရာတော်ဘဝနဲ့လူထွက်တာဟာ ရဟန်းဝတ်နဲ့နိုင်ငံရေးလုပ်ရင် ဝိနည်းနဲ့မညီမှာစိုးလို့လူထွက်ပြီးနိုင်ငံရေးလောကထဲဝင်မယ်ဆိုတာမျိုးပေါ့။ ဆရာနိုင်ငံရေးခံယူချက်လေးရှိရင်ပြောပြပေးပါလား။
ဖြေ - နိုင်ငံရေးလောကထဲဝင်ဖို့တော့လုံးဝရည်ရွယ်ချက်မရှိပါဘူး။ တကယ့်စာရေး ဆရာတွေရဲ့သဘာဝကိုဖြစ်ရပ်လေးတစ်ခုနဲ့ပြောပါရစေ။ အိန္ဒိယနိုင်ငံမှာ တကယ်တော်တဲ့စာရေးဆရာကြီးတစ်ယောက်ဟာ အင်မတန်အကျိုးများ မယ့် စာအုပ်ကြီးတစ်အုပ်ကိုရေးနေပါတယ်။ ဘာမှအလုပ်လုပ်ချိန်မရလို့ မိန်းမဖြစ်သူက ကုန်စိမ်းရောင်းကျွေးတာလေးနဲ့ပဲအသက်ဆက်နေရတယ်။ တဖြည်းဖြည်းဆင်းရဲလာလိုက်တာ မူလနေရာကအိမ်ကိုရောင်းပြီး ပိုဆင်းရဲတဲ့ ရပ်ကွက်လေးထဲမှာ အိမ်စုတ်လေးတစ်လုံးဝယ်ပြီးနေကြတယ်။ တစ်ရက် ဒီသတင်းကိုကြားသွားတဲ့ဘုရင်ကြီးက စာရေးဆရာရှိရာကိုလိုက်လာပြီး လိုအပ်တာကိုပြောပါ။ သူကူညီပါရစေလို့ပြောလာပါတယ်။ စာရေးဆရာက သူလိုတာ တကယ်ပေးနိုင်မှာလားဆိုတော့ ဘုရင်က ပေးနိုင်ပါတယ်။ ပြောပါ ဆိုတော့ စာရေးဆရာကပြောလိုက်တယ်။ ဘုရင်ကြီး ကျွန်တော့်အိမ်ကိုနောင် ဘယ်တော့မှမလာခဲ့ပါနဲ့တဲ့။ တစ်ဆက်တည်းမိန်းမကိုဆက်ပြောတယ်။ မိန်းမရေ၊ နောက်တစ်နေရာပြောင်းကြဦးစို့။ ဒီနရာကလူသိများသွားပြီတဲ့။ အဲဒါစာရေးဆရာရဲ့သဘာဝပါ။ စာပဲရေးချင်တာပါ။ ကျန်တာဘာမှမလုပ်ချင် ကြပါဘူး။
မေး - ပြည်ပမှာပညာသင်ကြားတဲ့အခါမှာ ဘယ်ဘာသာရပ်ကိုအဓိကထား ဆည်းပူမှာပါလဲ။ ဘယ်နိုင်ငံမှာအဓိကအခြေချပြီးသင်ယူမှာပါလဲ။
ဖြေ - ဘယ်ဘာသာရပ်ကိုအဓိကထားရမယ်ဆိုတာ ဟိုရောက်မှဆုံးဖြတ်နိုင်မှာပါ။ ဂျာမနီမှာအခြေချဖို့စိတ်ကူးထားပါတယ်။
မေး - အခုလိုရုတ်တရက်ရဟန်းဘဝကိုစွန့်လွှတ်လိုက်ခြင်းဟာ ဘယ်အချိန်ကတည်း က စိတ်ကူးထားတာပါလဲ။
ဖြေ - နိုင်ငံခြားကမြန်မာတွေကိုတရားဟောတဲ့အခါ ဆီးသီးသည်မဗျိုင်းကို ဥပမာ ပေးပြီးဟောလေ့ရှိတယ်။ ဆီးသီးသည်မဗျိုင်းဟာ တော်ကောက်ခံရသလို မိဘုရားဖြစ်သွားခဲ့တယ်။ တစ်ရက်တော့ဘုရင်ကြီးက မိဖုရားကြီးကိုငယ်ဘဝ အလွမ်းပြေအနေနဲ့ ဆီးသီးသည်တစ်ယောက်ကိုနန်းတော်ထဲခေါ်လိုက်တယ်။ ဗန်းထဲကဆီးသီးတွေကိုကိုင်ကြည့်ပြီး မဗျိုင်းကဘုရင်ကြီးကိုမေးလိုက်တယ်။ မောင်တော်ဘုရား ဒါဟာဘာသီးတွေလဲတဲ့။ ဆီးသီးကိုကျေးဇူးကန်းလို့ ဘဝမေ့နေတဲ့အတွက် ဘုရင်ကြီးကမဗျိုင်းကိုမိဖုရားအရာကနေဖြုတ်ချပစ် လိုက်တယ်။ နိုင်ငံခြားမှာအလုပ်လာလုပ်တဲ့မြန်မာတွေကလည်း ကိုယ်နိုင်ငံ ခြားကိုလာခဲ့ရတဲ့ရည်ရွယ်ချက်နဲ့ဘဝကိုမမေ့စေချင်ပါဘူး။ အလုပ်လုပ်ရမယ်။ ငွေစုရမယ်။ လုံလောက်အောင်ရရင်မြန်မာပြည်ပြန်ရမယ်။ ဒီရည်ရွယ်ချက် တွေပျောက်ပြီးသောက်စားမူးယစ်ပျော်ပါးနေရင် အရင်ဘဝကထက်တောင် ပိုဆိုးသွားနိုင်ပါတယ်။ ပြည်ပနိုင်ငံကြီးတွေက သူတို့နိုင်ငံက သယံဇာတတွေကို ထုတ်မသုံးကြပါဘူး။ ဥပမာ တရုတ်နိုင်ငံဆိုရင် ကျွန်းသစ်နှင့်အခြားသယံဇာတ တွေကိုသူတို့နိုင်ငံမှာသစ်တောတွေရှိလျက်နဲ့မသုံးဘဲနဲ့ သူတို့ရဲ့ရာသီဥတု ပျက်စီးမှာစိုးလို့ မြန်မာဆီကယူသုံးတယ်။ သူတို့ရဲ့သဘာဝအလှကိုအပျက်မခံ ဘူး။ ဒီလိုပဲအနောက်နိုင်ငံကြီးတွေတချို့ဆိုရင်လည်း ရေနံနဲ့သဘာဝဓာတ်ငွေ့ တွေကိုထုတ်မသုံးကြဘဲ တခြားနိုင်ငံကပဲမှာသုံးကြတယ်။ ဒါဟာဘာနဲ့တူ သလဲဆိုတော့ ကိုယ့်မြေကိုယ့်ရေနဲ့ကိုယ့်တိုင်းပြည်ရဲ့သက်မဲ့တွေကို မပျက်စီး စေချင်တဲ့သဘောပေါ့။ နှမြောကြတယ်။ ဒီအချိန်မှာပဲ မြန်မာတွေကတော့ ဂုဏ်သိက္ခာတွေမာနတွေ လူ့အဆင့်အတန်းတွေကိုမငဲ့ဘဲ သူများတိုင်းပြည်မှာ အောက်ကျနောက်ကျခံနေကြရပါလားလို့တွေးရင်း မျက်ရည်ဝဲခဲ့မိတယ်။ အဲဒီ အချိန်ကစပြီး မြန်မာတွေဆီကဘာအလှူခံမှလည်း မမျှော်လင့်ချင်တော့ဘူး။ ဒီတရားကိုဟောတဲ့အခါ ဒီဒကာ ဒကာမတွေဆီလာတာ အလှူခံဖို့မဟုတ် ဘူး။ ဒီအသိတရားတွေပေးဖို့လာတာ။ နိုင်ငံခြားကမြန်မာတွေဟာ မြန်မာ ပြည်ကမြန်မာတွေထက်အလုပ်လုပ်ရတာပိုပင်ပန်းပါတယ်။ ဒါကြောင့်အလှူ တောင်မခံရက်တော့ပါဘူး။ အဲဒီတရားကိုဟောရင်းနဲ့ ရဟန်းဘဝကိုစွန့်ပြီး ကိုယ်တိုင်ရှာဖွေလှူရရင် ဘယ်လောက်ကောင်းမလဲဆိုတဲ့စိတ်ကူးမျိုး ပေါ်ခဲ့ မိပါတယ်။
မေး - တခြားရဟန်းတွေလူဝတ်လဲတာတွေအများကြီးတွေ့ခဲ့ကြားခဲ့ဖူးပါတယ်။ ဆရာမေတ္တာရှင်(ရွှေပြည်သာ)လူဝတ်လဲခါမှ သတင်းစာထဲမှာလူသိရှင်ကြား ဘာကြောင့်ကြေညာရတာပါလဲ။
ဖြေ - ရိုးသားချင်လို့ပါ။ လူမသိအောင်လူဝတ်လဲထားပြီး ရဟန်းအမှတ်နဲ့မှိန်းပြီး လက်ခံရင်မရိုးသားတော့ပါဘူး။ လူဝတ်လဲပြီးတာကိုသိလျက်နဲ့မေတ္တာ၊ ကရုဏာဆိုတာ နာမ်တရာသဘောတရားသက်သက်လေးပဲလေ။ ရုပ်တရားမှ မဟုတ်ပဲ။ ဒါကြောင့် အဝတ်ပြောင်းရုံနဲ့နှစ်ပေါင်းများစွာပွားများလာတဲ့ မေတ္တာတရားဟာ ပျောက်မသွားနိုင်ဘူးလို့တွေးခေါ်လက်ခံနိုင်သူများက အရင်အတိုင်းပရဟိတအတွက်လာလှူလို့လက်ခံရင်ရိုးသားရာရောက်ပါတယ်။ ဒါကြောင့်ကြေညာရတာပါ။ နောက်တစ်ချက်က ရဟန်းဘဝက ပစ္စည်းငွေ ကြေးတွေကို ရဟန်းဘဝမှာပဲထားခဲ့သင့်တယ်။ သို့မဟုတ် အများအကျိုး အတွက် လှူခဲ့သင့်တယ်ဆိုတဲ့ အတွေးအခေါ်လေးကိုလူဝတ်လဲသူတိုင်းရစေ ချင်လို့လဲကြေညာရတာပါ။ တချို့သောရဟန်းတွေက လူဝတ်လဲရင် ဝတ္ထုငွေ ကြေးမပြောနဲ့ ဘုန်းကြီးကျောင်းကိုတောင်ရောင်းစားသွားတတ်လို့ စံနမူနာ ပြဖြစ်ချင်လို့လည်း အခုလိုကြေညာရတာပါ။
မေး - ဆရာ့အနေနဲ့ ဖေ့ဘွတ်တွေ၊ အင်တာနက်တွေမှာ ဆရာ့ကိုတိုက်ခိုက်နေတာ ဟာ ဘာကြောင့်လို့မြင်ပါသလဲ။ အဲဒီတိုက်ခိုက်သူတွေနဲ့ပတ်သက်ပြီး ဘာများ ပြောချင်ပါသလဲ။ ရှင်းပြပေးပါ။ နောက်ပြီးလက်ရှိ အင်တာနက်နဲ့ ဖေ့ဘွတ် စာမျက်နှာတွေပေါ်မှာရော ဆရာ့အမြင်လေးများရှိရင်ပြောပြပေးပါလား။
ဖြေ - ဓမ္မဓိဋ္ဌာန်ပြောရင် ဝိပဿနာသဘောသက်ဝင်တာကြောင့်ကုသိုလ်ဖြစ်ပါ တယ်။ ပုဂ္ဂလဓိဋ္ဌာန်ပြောရင် လောဘနဲ့ဒေါသပါတတ်လို့ အကုသိုလ်ဖြစ်ပါ တယ်။ ဥပမာအားဖြင့် ဦးနီဆိုတဲ့လူတစ်ယောက်က သူတစ်ပါးငွေကို လိမ်ညာ ယူခဲ့ရင် ဦးနီကလူယုတ်မာကြီးလို့ပြောလိုက်ရင် ပုဂ္ဂိုလကိုဦးတည်တဲ့ အတွက်ပုဂ္ဂလဓိဋ္ဌာန်ဖြစ်ပါတယ်။ ဒေါသပါတဲ့အတွက်အကုသိုလ်ဖြစ်တတ် ပါတယ်။ ဦးနီရဲ့သန္တာန်မှာဖြစ်တတ်တဲ့ လောဘဓာတ်ကြီးက ယုတ်မာလိုက် တာလို့ပြောခဲ့ရင် ဓမ္မ(သဘောတရား)ကိုဦးတည်တဲ့အတွက် ဓမ္မဓိဋ္ဌာန်ဖြစ်ပါ တယ်။ နာမ်တရားလို့အမှန်ကိုသိရတဲ့အတွက်ကုသိုလ်ဖြစ်ပါတယ်။ ဒါကြောင့် ကုသိုလ်ဖြစ်ချင်ရင်၊ ဝိပဿနာရှု့တတ်ချင်ရင် အာရုံနဲ့တိုက်ဆိုင်တိုင်းဓမ္မဓိဋ္ဌာန် ကြည့်တတ်ဖို့လိုအပ်ပါတယ်။ ဒါကြောင့်ဖြစ်ရပ်မှန်ကိုရှင်းပြတဲ့အခါ ဘယ်သူ့ ကိုမှဘယ်ပရဟိတလုပ်ငန်းကိုမှမထိခိုက်စေချင်တဲ့အတွက် နေရပ်လိပ်စာ၊ နာမည်တွေမထည့်ဘဲ ဓမ္မဓိဋ္ဌာန်ပဲပြောပါမယ်။ မှားပြောတာပါရင်အချိန်မရွေးမျက်နှာချင်းဆိုင် လာရှင်းနိုင်ပါတယ်။ နောင် တစ်ချိန်မှာဒီအကြောင်းအရာတွေကိုစာအုပ်တစ်အုပ်ရေးထုတ်မှာပါ။ ၂ဝဝ၉ ခုနှစ်လောက်တုန်းကပေါ့။ ဆရာ့ဆီကိုဖုန်းထဲ ကနေ ရဟန်းတစ်ပါးက သိန်းနှစ်ဆယ်လောက်အလှူခံတယ်။ ဘာအတွက်လဲဆိုတော့ သူဟာ ရဟန်းသီလရှင်တွေအတွက် ကွန်ပျူတာအခမဲ့သင်တန်းဖွင့်ထားတယ်။ လူထွက်သွားတဲ့ဘုန်းကြီးတစ်ပါးက သူ့ကျောင်းမြေခွဲရောင်းတာကို ဒီရဟန်းငယ် က ဝယ်ပြီးကျောင်းတည်ထားတာပါ။ သူကအရေးကြီးကြီး မကြီးကြီးအမြဲတမ်းလိမ်ညာပြောတတ်လို့ သူ့နာမည်ကို ဦးကလိမ် လို့ပဲမှတ်ထားရအောင်။ တကယ်တော့ သူဟာလူမျိုးခြားရဟန်းတစ်ပါးပါ။ အဲဒီအချိန်က သူ့အသက်ဟာ ၂၅ နှစ်လောက်ပဲ ရှိသေးတာပေါ့။ သူကအင်တာနက်ကနေတစ်ဆင့် သြစတြေးလျက ကိုမျိုးဆိုတဲ့သူဆီကို အိမ်သာသုံးလုံးတွဲလှူဖို့ လှမ်းအလှူ ခံပါတယ်။ ကိုမျိုးကလိုအပ်တဲ့နေရာမှာ တကယ်လှူပေးနေတဲ့မေတ္တာရှင်-ရွှေပြည်သာထံမှာ အလှူခံပါလို့ပြန်ပြောပြီး ဆရာ့ရဲ့ဖုန်းနံပါတ်ကိုပေးလိုက်ပါသတဲ့။ ဖုန်းထဲကနေမေးကြည့်တော့ သူဝယ်တဲ့မြေကွက်ထဲမှာ အိမ်သာသုံးခန်းတွဲက ပါပြီးသား။ ဒါပေမယ့် မြေကွက်ရောင်းချတဲ့ဘုန်းကြီးကျောင်းက သီလရှင်တွေကလောဘတက်ပြီး မြေကိုသာရောင်းတာ။ အိမ်သာမပါဘူးဆိုပြီးဖြတ်ယူဖို့ကြိုးစားနေတာကြောင့် ကူညီပါလို့အသနားခံလာပါတယ်။ တကယ်ဟုတ်ရင်လှူမယ်ဆိုပြီး ဆရာကိုယ်တိုင်လိုက်ကြည့်တဲ့အခါ အိမ်သာသုံးခန်းတွဲကိုတကယ်တွေ့ရတယ်။ ဒါကအမှန်တရားပေါ့။ ဒါကြောင့်သိန်းနှစ်ဆယ် လှူပေးလိုက်တယ်။ ဒါပေမယ့်အမှားတရားကလည်းပါနေပြန်တယ်။ အဲဒီလိုလှူပြီးမှပဲ မြေရောင်းတဲ့သီလရှင်တွေကလာပြီး ဆရာ့ကိုပြောပါတယ်။ ဦးကလိမ်ကအခုလိုလိမ်ပြီး အလှူခံနေကျပါ။ တကယ်တော့မြေရောင်းကတည်းက အိမ်သာပါထည့် ပေးလိုက်ပြီးသားပါ။ သက်သက်လိမ်ပြီးအလှူခံနေတာပါပဲ။ ဦးကလိမ်မျက်နှာကွက်ခနဲပျက်သွားတာကို မြင်လိုက်ရတယ်။ ဒါပေမယ့်ဦးကလိမ်ကကြိုတင်ပြီး ဒီသီလရှင်တွေစိတ်ယုတ်မာရှိတဲ့အကြောင်းဆရာ့ကိုပြောထားတဲ့အတွက် သေချာမစစ် ဆေးတော့ဘဲမနာလိုလို့ပြောတာနေမှာပါဆိုတဲ့မှတ်ချက်နဲ့ဒီအမှုကိုသိမ်းပစ်လိုက်တယ်။ တကယ်တော့ဦးကလိမ်ဟာ ဆရာ့ကို တွေ့စဉ်ကတည်းကပရဟိတကိုဗန်းပြပြီးလိမ်ညာခဲ့တာပါ။ ဖြူစင်တဲ့သူဟာ သူတစ်ပါးကိုလည်းဖြူစင်မယ်လို့ပဲထင်တတ် တယ်။ လိမ်တဲ့သူဟာလည်းသူတစ်ပါးကိုလိမ်မယ်လို့ပဲထင်တတ်တယ်။ ဆရာဟာ ဦးကလိမ်ကိုဆရာ့လို့ဖြူစင်မယ်လို့ပဲ ယုံကြည်တယ်။ တကယ်တော့ငွေတစ်မတ်ထက်ကျော်လွန်ပြီးတစ်နည်းနည်းနဲ့ခိုးယူခဲ့ရင်ပဲ ပါရာဇိကျကတာမဟုတ်လား။ ငယ်ဖြူရဟန်းတစ်ပါးအနေနဲ့ ပါရာဇိကျကအောင်ဘယ်တော့မှခိုးခြင်း၊ လိမ်ခြင်းလုပ်မှာမဟုတ်ဘူးလို့ထင်ထားတာဟာ ဆရာ့ရဲ့အားနည်းချက်ပါပဲ။ ဦးကလိမ်ဟာ ၂ဝဝ၉ ကနေ ၂ဝ၁၄ အထိ ဆရာ့နားမှာကပ်ပြီး လိမ်ခွင့်ခိုးခွင့်ရသွားတာဟာ ဒီအထင်ကြောင့်ပဲပေါ့။ ဦးကလိမ်နေတဲ့မြို့က မန္တလေးနဲ့ကပ်လျက်ပါ။ သူ့ကျောင်းကိုသွားကြည့်ပါ။ မေတ္တာရှင်-ရွှေပြည်သာ လို့စာလုံးကြီးကြီးနဲ့ရေးထားတဲ့သုံးခန်းတွဲအိမ်သာကြီးကို ယခုအချိန်တိုင်အောင်တွေ့နိုင်ပါတယ်။ မကွေးတိုင်း၊ မြိုင်မြို့နယ်၊ မန်းကျည်စုရွာ၊ မြို့သစ်မြို့နယ်၊ ပုဂံညောင်ဦးမြို့နယ်၊ ရေနီရွာ၊ မတ္တရာစတဲ့နေရာတွေမှာ အဝိစိတွင်း ၆ တွင်းလောက် တူးလှူဖူးပါတယ်။ ဦးကလိမ်ကိုငွေအပ်ပြီး ဘာစာရင်းမှမစစ်ဘဲလုပ်ခိုင်းခဲ့တာပါ။ သူကလည်း ဘာစာရင်းမှမပြပါဘူး။ တကယ်ကတော့ ဒီကစာရင်းမတောင်းတောင်သူကတော့မှန်ကန်မယ်ဆိုရင် စာရင်းဇယားအတိအကျကိုပြသင့်တယ်ထင်ပါ တယ်။ တစ်တွင်းသိန်း ၁၂ဝ ကျတယ်ပြောရင်း ၁၂ဝ တစ်ခါတည်းပေးလိုက်တာပါ။ လိမ်မလိမ်ကတော့ ဦးကလိမ်ကအသိဆုံး နေမှာပါ။ အချီကြီးကြီးလှူတဲ့ပရဟိတတိုင်းမှာ သူဟာဘယ်တော့မှ စာရင်းရှင်းတာမတွေ့ရပါဘူး။ ဒီလိုနဲ့ဦးကလိမ်ရဲ့ မင်းသားခေါင်းဆောင်းထားတဲ့ဘီးလူးရုပ်ကြီးပေါ်ဖို့အကြောင်းဖန်လာပါတယ်။ ကမ္ဘာ့ဂန္ထဝင်ရသစာပေတွေများစွာဖတ်ဖူးတဲ့ လူတစ်ယောက်ဟာ အမေရိကန်ကနေမြန်မာပြည်ကိုရောက်လာပါတယ်။ အကြောင်းကတော့မြန်မာပြည်ကိုသိပ်ချစ်တဲ့ သူ့ဖခင်ဟာ အမေရိကန်မှာကွယ်လွန်ခဲ့ပေမယ့် သူ့ရဲ့အရိုးပြာကိုမြန်မာပြည်မှာပဲ အုတ်ဂူသွင်းဖို့မှာထားတာကိုလုပ်ဆောင် ပေးဖို့ပါပဲ။ တစ်ရက်မှာတာ့ ရွှေတိဂုံဘုရားသွားဖူးရင်း ဆရာရေးတဲ့အရှုံးမရှိသောဒဿနစာအုပ်ရယ်၊ မေတ္တာဖြင့်စီးပွားရှာ ခြင်းစာအုပ်ဖတ်ပြီးဆရာ့ကိုကြည်ညိုလေးစားသွားတယ်။ သူ့ဖခင်အတွက်လပတ်ဆွမ်းကျွေးလုပ်ဖို့လာပင့်ရင်း စတင်သိကျွမ်း ခဲ့ကြတယ်။ ဆရာ့ရဲ့စာအုပ်တွေကိုဖတ်ပြီး ဖတ်သူရဲ့နှလုံးသားကိုထွင်းဖောက်နိုင်အောင်ရေးနိုင်တဲ့ဒီလိုစာရေးဆရာတစ် ယောက်ဟာ မြန်မာပြည်တစ်ခုတည်းအတွက်မဖြစ်သင့်ဘူး။ အင်္ဂလိပ်စာတတ်တဲ့တစ်ကမ္ဘာလုံးကလူတွေအတွက်ပါဖြစ်သင့် တယ်။ ဆရာသာ ဂန္ထဝင်ဝတ္ထုကြီးတွေကိုအင်္ဂလိပ်လိုကောင်းကောင်းရေးနိုင်ရင် အင်္ဂလိပ်စာတတ်တဲ့ဘာသာမျိုးစုံ၊ လူမျိုးစုံ က လူတွေဟာဗုဒ္ဓဘာသာဝင်တွေဖြစ်လာနိုင်တယ်။ ဗုဒ္ဓဘာသာရဲ့အနှစ်ကိုအကြောင်းတိုက်ဆိုင်တိုင်းထည့်သွားမှာကိုး။ အနောက်နိုင်ငံတွေမှာက စာပေပြိုင်ပွဲတစ်ခုဝင်လို့ဆုရရင်လည်း ပရဟိတအတွက်အများကြီးထောက်ပံ့လှူဒါန်းနိုင်တယ်။ စာပေဆုတစ်ခုခုလောက်ဆွတ်ခူးနိုင်ရင်ဆုကြေးကအနည်းဆုံးဒေါ်လာတစ်သန်းပဲ။ ဒါရိုက်တာတွေကကြိုက်လို့ရုပ်ရှင်ရိုက်ပြီ ဆိုရင်တော့ ဒေါ်လာသန်းနဲ့ချီပြီးရတာ။ ဒီလိုဆိုရင်မြန်မာပြည်က ပရဟိတတွေအတွက်ကြိုက်သလောက်လှူပေးတော့ ပေါ့။ ပြီးခဲ့တဲ့နှစ်နှစ်လောက်ကတည်းက အနောက်နိုင်ငံတစ်ခုမှာနေပြီး အင်္ဂလိပ်စာရေးနိုင်ဖို့ကြိုးစားမယ်လို့စိတ်ကူးဖူးတယ်။ ဒါပေမယ့်အကောင်အထည်မပေါ်ခဲ့ဘူး။ အခုတော့အနောက်နိုင်ငံတစ်ခုမှာနေရင်း မိမိရဲ့စားဝတ်နေရေးတစ်ခုကိုသာမက စာပေအတွက်ပါပါရမီဖြည့်ပေးမယ့်သူကိုတွေ့ရတော့အားလည်းတက်ခဲ့မိတယ်။ ဒီလိုနဲ့ဦးကလိမ်ကိုတိုင်ပင်ကြည့်တော့ ဦးကလိမ်ကအားပေးတယ်။ ကူညီတယ်။ ပထမနိုင်ငံခြားတရားပွဲတွေဟော၊ နောက်ဥရောပမှာလည်၊ ပြီးမှတိတ်တိတ်လေး လက်ထပ်ဖို့အကြံပေးခဲ့တာ။ ဒီအချိန်မှာပဲဖြစ်ချင်တော့ ၂ဝ၁၃ ခုနှစ်က လည်ချောင်းနာရောဂါ ပြန်ပေါ်လာခဲ့တယ်။ ဒါကြောင့် ဦးကလိမ်ရဲ့အစီစဉ်အတိုင်းမလုပ်ဘဲ ပြည်ပထွက်ပြီး လူဝတ်လဲလက်ထပ်ဖြစ်ခဲ့တယ်။ ပြည်ပနိုင်ငံမှာချော်လဲရင်း ခါးရိုးထိတဲ့ဒဏ်ရာကလည်းဖြစ်လာပြန်တော့ လူ့ဘဝမှာရေရှည်လက်တွဲဖို့အတွက် ပါရမီဖြည့်ဖက်ရွေးခဲ့ရတော့တာပေါ့။ မိန်းကလေးနဲ့ယောက်ျားလေး ရေစက်ဆုံရခြင်းအကြောင်းနှစ်ချက်ကို ဓမ္မပဒမှာဘုရားရှင်ဟောကြားထားပါတယ်။ အရင် ဘဝတွေကအတူကုသိုလ်ပြုခဲ့ဖူးခြင်း၊ ယခုဘဝမှာလည်း တစ်ယောက်ကောင်းကျိုးတစ်ယောက်သယ်ပိုးခြင်းတို့ဟာ ရေစက် ဆုံမိခြင်းရဲ့အကြောင်းတရားတွေပါပဲ။ လက်ထပ်ဖို့ကိစ္စဟာ အစောကြီးကတည်းက ဦးကလိမ်သိပြီးသားပါ။ အခုမှသာ သူအရင်ကဘာမှမသိသလို သွားခါနီးမှသိလို့အပြင်းအထန်တားသေးတယ် မရလို့ပါဆိုတဲ့အပေါက်မျိုးနဲ့လူအများစုကို သူလုပ်နေကျအတိုင်းလိမ်ညာပြီး ဆရာရဲ့ဒကာတွေကိုသူ့ဘက်မပါပါအောင် ဆွဲဆောင်ခဲ့တာပါ။ ဦးကလိမ်ရဲ့တပည့်တွေ ဆရာ့ကိုတိုက်ခိုက်ရခြင်းရဲ့ပထမဆုံးအကြောင်းက သူတို့စီစဉ်ထားတဲ့ မလေးရှားတရားပွဲကိုဖျက်လိုက်လို့ပါ။ ဖျက်ရတဲ့ အကြောင်းကလည်းမရိုးသားသောနည်းနဲ့ဓမ္မပူဇာငွေကိုမလိုချင်လို့ပါ။ မလေးရှားတရားပွဲဟောရမယ့်ရက်မှာ ဆရာတို့က လက်ထပ်ပြီးလူ့ဘဝရောက်နေပါပြီ။ ဒါကြောင့်ပရိသတ်တွေကိုလိမ်ပြီးမဟောပါရစေနဲ့လို့တောင်းပန်တာကိုဦးကလိမ်က လက်မခံဘဲနည်းမျိုးစုံနဲ့အကြပ်ကိုင်ပြီးဟောခိုင်းတော့တာပဲ။ သင်္ကန်းပြန်ဝတ်၊ သိမ်ပြန်တက်ပြီးဟောလို့ရတယ်ဆိုပေမယ့် မရိုးသားတော့ဘူး။ အရင်ရဟန်းမဟုတ်တော့ဘူး။ နောက်ရဟန်းသစ်ဖြစ်နေပြီ။ ဒါကိုသိသွားရင် ပရိသတ်က ဘယ်ခွင့်လွှတ် ပါ့မလဲ။ ဆရာ့အနေနဲ့လည်းကိုယ့်ကိုကိုယ် တစ်သက်လုံးလိပ်ပြာသန့်တော့မှာမဟုတ်ဘူး။ ဒါကြောင့်မဟောဖြစ်တော့တာပါ။ မလေးရှားနဲ့တကွ နိုင်ငံခြားတရားပွဲအကျိုးဆောင်တွေ၊ အလှူရှင်တွေကိုဒီနေရာကနေတောင်းပန်ပါတယ်။ သံသရာမှာ ကိုယ့်ကိုကိုယ်အကြည်ညိုမပျက်ဖို့အတွက် တရားပွဲတွေဖျက်လိုက်ရတာကိုနားလည်ပေးကြပိါု့။ ဦးကလိမ်ဆရာ့ကို မုန်းရခြင်း ရဲ့ဒုတိယအချက်က လူဝတ်မလဲဘဲနဲ့ မိန်းမယူပါ။ သူဘယ်သူ့မှမသိအောင်ဖုံးထားပေးပါမယ်ဆိုတဲ့စကားကို နားမထောင်ခဲ့ လို့ပါ။ လူဝတ်လဲတာကိုသိသွားရင် ဆရာ့နာမည်နဲ့အလှူခံလို့မရတော့မှာကို သူတအားကြောက်နေတာကိုး။ ရဟန်းတစ်ပါး သိက္ခာချလူဝတ်လဲပြီးအိမ်ထောင်ပြုတာ ဘာအပြစ်မှမရှိပါဘူး။ ဒါပေမယ့် လူဝတ်မလဲဘဲ အိမ်ထောင်ပြုနေတာကျတော့ အင်မတန်အပြစ်ကြီးပါတယ်။ သေရင်လည်းငရဲအထိကျနိုင်ပါတယ်။ ဦးကလိမ်က ဆရာ့ကိုငရဲကျမယ့်အကြံကိုပေးခဲ့တာပါ။ ဒီလိုအကြံမျိုးပေးတယ်ဆိုတော့သူကိုယ်တိုင်ဒီအလုပ်မျိုးလုပ်နေကျ လက်ယဉ်နေသူလားလို့တွေးစရာပါ။ အဲဒီအကြံÓဏ်ကို ငြင်းလိုက်ပြန်တော့ဒုတိယအကြံကိုပေးပြန်ပါတယ်။ လက်ထပ်ပြီး မြန်မာပြည်ရဲ့တစ်နေရာမှာသူဝှက်ထားပေးမယ်။ လူမသိအောင်ခြောက်လတစ်နှစ်လောက်သွားနေပါ။ သူက ဆရာတောထွက်ပြီးတရားအားထုတ်နေပါတယ်လို့အင်တာနက်ကနေ သတင်းလွှင့်ပေးမယ်တဲ့။ ဒါတစ်ပြည်လုံးကိုလိမ်ဖို့သွေးဆောင်စည်းရုံးတာပါ။ ဒါကိုလည်း ဆရာလက်မခံခဲ့ပါဘူး။ နိုင်ငံခြားရောက်နေတဲ့အချိန်မှာ ဦးကလိမ်က ဆရာ့ကိုမုန်းဖို့အတွက်တတိယအချက်ပေါ်လာပြန်ပါတယ်။ ဆရာကလူဝတ်လဲတဲ့သတင်းရယ်၊ ရစရာရှိတာတွေကိုထုခွဲရောင်းချပြီး လှူမယ့်သတင်းရယ်ကိုတစ်ခါတည်းထည့်ချင်တယ်။ ပြဿနာကအဲဒီမှာ စတယ်။ ဆရာလှူချင်တဲ့နေရာတွေကများတယ်။ ဓမ္မပူဇာငွေရတာလေးနဲ့ လှူဖို့မလောက်ဘူး။ ဒါကြောင့်မြေကွက်တို့၊ တိုက်ခန်းတို့ကိုဝယ်ထားပြီး ပြန်ရောင်းတဲ့အခါငွေပိုထွက်လာတာပေါ့။ အဲဒီလိုကိစ္စမျိုးတွေကို ဒကာတွေ၊ တပည့်တွေကသူတို့နာမည်နဲ့ဝိုင်းလုပ်ပေးကြတယ်။ အဲဒီအထဲမှာ ဦးကလိမ်က အများဆုံးပေါ့။ သူတာဝန်ယူပြီးမြေကွက်တစ်ကွက်၊ ကွန်ဒိုတိုက်ခန်းတစ်ခန်း (ငွေသွင်းဆဲ)တိုက်ခန်းနှစ်ခန်း၊ နောက်ပြီးမဝါဝါခိုင်မင်းဦးဆောင်ပြီး ဝယ်ထား တဲ့တောင်ဒဂုံက မြေကွက်ထဲမှာရှယ်ရာလေးစုသိန်း ၂ဝဝ ရယ်ကိုထည့်ထား တယ်။ မြေကွက်ရောင်းပြီးတဲ့အခါအမြတ်ထဲကဆယ်ရာခိုင်းနှုန်းကို ပရဟိတ အတွက်လှူပြီးကျန်အမြတ်ကိုခွဲဝေလှူဖို့အင်တာနက်ကတင်တာ အားလုံးတွေ့ ကြမှာပါ။ စုပေါင်းလှူနိုင်ခွင့်ရလို့ အလွန်ကောင်းတဲ့အစီစဉ်ပါ။ အဲဒီမြေကွက် ရောင်းပြီးလို့ရတဲ့အရင်းနဲ့အမြတ်ငွေကိုမေတ္တာရှင်-ရွှေပြည်သာဖောင်ဒေးရှင်း ကို ထည့်ပေးဖို့ဦးကလိမ်ကိုပြောထားပါတယ်။ အဲဒီမြေကွက်ကတော့ စုပေါင်း ဝယ်တာဆိုတော့ ရောင်းပြီးမှအရင်းရောအမြတ်ရောရမှာဆိုတော့ ထားဦး ပေါ့။ စောင့်ရမှာပေါ့။ ကျန်တဲ့မြေကွက်နဲ့တိုက်ခန်းတွေကတော့ ဆရာရဲ့တစ် ဦးတည်းပိုင်ဖြစ်လို့ဆရာလှူချင်ပြီဆိုရင် ဦးကလိမ်အနေနဲ့ချက်ခြင်းလွှဲပေးရ မှာပါ။ ပြီးတော့ဆရာ့ဆီက ငွေသိန်းနှစ်ရာဦးကလိမ်က ချေးထားသေးတယ်။ သူ့အစ်ကိုရဲ့မိသားစုတွေနေဖို့တိုက်ခန်းဝယ်ချင်လို့ဆိုပါတယ်။ မလေးရှား တရားပွဲပျက်တဲ့အတွက် လျော်ကြေးပုံစံအနေနဲ့ လေယာဉ်လက်မှတ်ဖိုးပေးရ မယ်ဆိုပြီးဒေါ်လာ ၃ဝဝဝ လည်း ယူသွားပါသေးတယ်။ တကယ်ရောက် မရောက်မလေးရှားကတရားပွဲအကျိုးဆောင်တွေပဲသိမှာပါ။ ဆရာက ပစ္စည်း တွေထုခွဲရောင်းချပြီးပရဟိတလုပ်ငန်းတွေမှာခွဲဝေလှူဒါန်းချင်ကြောင်းပြောတဲ့ အခါတုန်းက ဦးကလိမ်ကတားတယ်။ မလှူပါနဲ့။ ဆရာတို့လင်မယား မြန်မာ ပြည်ပြန်ရောက်တဲ့အခါ ဒါတွေထုခွဲရောင်းချပြီး ချမ်းချမ်းသာသာနေရတာပေါ့ တဲ့။ ဆရာတို့ကခါးခါးသီးသီးငြင်းတဲ့အခါ မလွှဲပေးဘဲအချိန်ဆွဲနေတာ တစ်လ လောက်ကြာသွားတယ်။ အဲဒီအချိန်မှာ ဆရာနဲ့လက်ထပ်တဲ့အမျိုးသမီးက ပရဟိတတွေလှူဒါန်းဖို့အတွက် သက်သေရအောင်အီးမေးလ်ပို့ထားမှဖြစ်မယ် ဆိုပြီးပို့လိုက်တယ်။ အီးမေးလ်ပို့ပြီးတော့သက်သေကရသွားပြီ။ မပေးရင် မရတော့မှန်းသိမှ လွှဲပေးပါ့မယ်လို့ပြောလာတယ်။ အဲဒီအခါဈေးစစ်လိုက်သေးတယ်။ သူ့ကိုချေးထားတဲ့သိန်းနှစ်ရာကို တစ်ခါတည်းလှူပါ။ ပညာရေးနဲ့ကျန်းမာရေးတွေမှာအတိုးနဲ့ထောက်ပံ့ပေးပါ့မယ်လို့ကတိပေးပါတယ်။ ဒါကြောင့်သတင်းစာ မှာလှူမယ့်အတိုင်းလှူလိုက်တာပါ။ ပညာရေးနဲ့ကျန်းမာရေးမှာတကယ်လှူမလှူကတော့အားလုံးစုံစမ်းကြည့်ကြပေါ့။ ဆရာ့ အနေနဲ့ကတော့နောက်ကြောဓားနဲ့ထိုးပြီး ငွေရှာတတ်တဲ့တပည့်မျိုးနဲ့ဘဝဆက်တိုင်းလွဲရပါစေလို့ဆုတောင်းမိတယ်။
မေး - ဆရာ့အနေနဲ့ မိန်းမနဲ့ပတ်သက်တဲ့စွပ်စွဲမှုတွေအင်တာနက်မှာပြန့်နေတာနဲ့ပတ်သက်ပြီး ဆရာဘာများပြောချင်လဲ။
ဖြေ - အခြေအမြစ်မရှိဘဲ အင်တာနက်ကိုအသုံးပြုပြီး ရန်ရှာတိုက်ခိုက်ကြတာကြောင့်အပြစ်မဲ့တဲ့မအူပင်မိဘမဲ့ကျောင်း အကျိုး ဆောင်လင်မယားပြဿနာတက်နေရပါပြီ။ နော်လင်းလင်းမြတ်ထွန်းရဲ့ ဖခင်ဟာ အသည်းကင်ဆာနဲ့ကွယ်လွန်မယ့်အချိန် ကိုအားငယ်စွာစောင့်နေရချိန်မှာ သမီးဖြစ်သူကထွက်သွားတော့ဘယ်လောက်ခံစားရမလဲ။ မိဘမဲ့မိန်းကလေး ၅ ယောက် ဟာလည်း စောင့်ရှောက်သူမဲ့မည့်ဘဝမျိုးနဲ့ညှိုးငယ်နေကြပါပြီ။ ဒီလိုအပြစ်မဲ့သူတွေဒုက္ခရောက်သွားတာကိုအင်တာနက်မှာ အရမ်းကာရောရေးသူတွေဝမ်းသာပါသလားလို့မေးချင်ပါတယ်။ တကယ်တော့အခုလိုစွပ်စွဲတဲ့ရဟန်းနဲ့မာတုဂါမဇာတ်လမ်း တွေဟာ လူ့လောကမှာအများအပြားရှိကြပါတယ်။ ဆရာရဟန်းဘဝမှာအောင်မြင်လာပြီဆိုတော့အမျိုးသားရော အမျိုး သမီးပါချဉ်းကပ်တာတွေရှိခဲ့တာပေါ့။ ဒါပေမယ့်ကိုယ်က မေတ္တာသမားဆိုတော့ အားလုံးကိုစိတ်ချမ်းသာအောင်ပြောဆိုပေးခဲ့ ပါတယ်။ ဆရာ့အနေနဲ့နှုတ်နဲ့ပြောဆိုမှုတွေကြောင့်တစ်ပါးသူထိခိုက်မိမယ်လို့မမြင်မိပါဘူး။ တစ်ဖက်မာတုဂါမမှာလည်း ကိုယ့်ကိုရိုးသားစွာဆက်ဆံပြောဆိုတာနဲ့တစ်ဖက်က သွားပုပ်လေလွင့်ပြောဆိုမှုတွေကြောင့် အိမ်ထောင်ကွဲလောက်အောင် ဖြစ်တယ်ဆိုရင်လည်း ဒါဟာတစ်ဖက်လူတွေရဲ့စိတ်ယုတ်မာမှုတွေပါ။ ဆရာ့အနေနဲ့တစ်ဖက်စွပ်စွဲခံရသူတွေအနေနဲ့ပါ လိပ်ပြာလုံတယ်လို့ဆရာပြောရဲတယ်။ တိုက်ခိုက်သူတွေရဲ့အကုသိုလ်ဟာလည်းကြောက်စရာပါ။ နောက်ပြီးပြန်တွေးကြည့် တော့ ကိုယ်လိုမပြောနဲ့။ မြတ်စွာဘုရားလက်ထက်တော်ကပေါ့။ မြတ်စွာဘုရားဟာ ဝေသာလီပြည်မဟာဝုန်းတောမှာ သီတင်းသုံးနေတဲ့အခါညီတော်အာနန္ဒာက မြတ်စွာဘုရားကိုလျှောက်တယ်။ ဒီအရပ်မှာခဲဖွယ်ဘောဇဉ်တွေပေါများတယ် ပေါ့။ ဒီတော့မြတ်စွာဘုရားကညီတော်အာနန္ဒာကိုဒီလိုခဲဖွယ်ဘောဇဉ်တွေပေါရင် စာြး<ွကင်းတွေကိုပရဗိုဇ်မတွေကိုပေးဖို့ မိန့်ကြားခဲ့တယ်။ ဒါနဲ့ညီတော်အာနန္ဒနာက မုန့်ဝေတဲ့အခါပရဗိုဇ်မတစ်ဦးဆီမှာမုန့်နှစ်ခုကပ်ပါသွားတယ်။ ဒါကိုဘေးက ပရဗိုဇ်တွေကညီတော်အာနန္ဒနဲ့ပရဗိုဇ်မကိုပေးစားပြောဆိုကြတယ်။ နောက်နှစ်ရက်သုံးရက်လည်း ဒီလိုအဖြစ်မျိုးထပ်ဖြစ် ပြန်တော့ပိုစွပ်စွဲကြတော့တာပေါ့။ ညီတော်အာနန္ဒာက မသိလို့မှားပြီးလှူဒါန်းခဲ့တာကိုတောင် အဲဒီခေတ်မှာစွပ်စွဲခံရသေး တာပဲ။ ခေတ်အဆက်ဆက်မှာ ဒီလိုလူတွေတော့ရှိနေမှာပါ။ ဒါကြောင့်လည်းဆရာရင်းရင်းနှီးနှီးဦးစားပေးပြောဆိုဆက်ဆံ သူတွေနဲ့စွပ်စွဲကြတာပေါ့။
မေး - ဆရာ့အနေနဲ့ရဟန်းဘဝကိုစွန့်လွှတ်ချိန်မှာအားလုံးခွဲဝေလှူဒါန်းခဲ့တာဆိုတော့ လူ့ဘဝကိုဘယ်ဝင်ငွေနဲ့ဆက်လျှောက် လှမ်းမှာပါလဲ။
ဖြေ - လူ့ဘဝရောက်ပြီးတဲ့နောက် စာရေးလို့ရတဲ့စာမူခနဲ့ဘဝခရီးကိုဆက်လျှောက်ဖို့စိတ်ကူးထားပါတယ်။
မေး - နောက်ဆုံးအနေနဲ့မေးချင်တာကတော့ တစ်ချိန်မှာရဟန်းဘဝကိုပြန်လာဖို့စိတ်ကူးရှိပါသလား။
ဖြေ - ဆရာ့ရည်မှန်းချက်ကြီးအောင်မြင်သည်ဖြစ်စေ၊ မအောင်မြင်သည်ဖြစ်စေ ရဟန်းဘဝကို ပြန်သွားမှာပါ။ အဆင်ပြေတဲ့အချိန် မှာ ရဟန်းပြန်ဝတ်ခွင့်ပြုမယ့်အကြောင်းဇနီးဖြစ်သူကလည်းကတိပေးထားပါတယ်။
မေး - ဆရာ့အနေနဲ့ပရိသတ်ကိုပြောချင်တာလေးများရှိပါသေးလားခင်ဗျာ။
ဖြေ - အင်း ဓမ္မပဒသုန္ဒရီဝတ္ထထဲကအကြောင်းတစ်ခုကိုပြောချင်ပါတယ်။ မဟုတ်မမှန်လုပ်ကြံစွပ်စွဲသူ ထိုသို့စွပ်စွဲသည်ကိုမစူးစမ်း မဆင်ခြင်ဘဲ ယုံကြည်လက်ခံသူ ထိုနှစ်ဦးတို့သည်ငရဲ၌အတူဆုံကြရပေလိမ့်မည်ဆိုတဲ့ဓမ္မပဒဝတ္ထုလေးကိုပဲ အားလုံးကိုပြော ကြားရင်း နိဂုံးချုပ်ချင်ပါတယ်။
မြတ်မင်းမောင် တွေ့ဆုံမေးမြန်းသည်
