စလင်း ဇူလိုင် ၂၁
မကွေးတိုင်းဒေသကြီး စလင်းမြို့နယ်တွင် ဧရာဝတီမြစ်ကမ်းပါးပြိုကျမှုများကြောင့် ဆင်မကျွန်းကျေးရွာအုပ်စုအတွင်းရှိ ရွာပေါင်း ခုနစ်ရွာရှိ အိမ်ခြေပေါင်း ၆ဝဝ ကျော် ရွှေ့ပြောင်းရပြီး စိုက်ပျိုးထွန်ယက်လျက်ရှိသော ယာမြေများလည်း ဆုံးရှုံးပျက်စီးလျက်ရှိကြောင်းနှင့် လတ်တလောအခြေအနေအရ အရေးပေါ်အကူအညီများ လိုအပ်လျက်ရှိကြောင်းသိရသည်။
စလင်းမြို့နယ် ဆင်ဖြူကျွန်းဒေသ၏ အရှေ့မြောက်ဘက် ခြောက်မိုင်ခန့်အကွာတွင်ရှိသော ဆင်မကျွန်း ကျေးရွာအုပ်စုသည် ရွာခွဲပေါင်း ၁၁ ရွာဖြင့် ဖွဲ့စည်းထားပြီး ပဲ၊နှမ်း၊ပြောင်း၊ အာလူး၊ ကြက်သွန်နှင့်ဥယျာဉ်သီးနှံများထွက်ရှိသည်။ ယခုအခါ ဆင်မကျွန်းကျေးရွာအုပ်စု၏ မူလစိုက်ကွင်း ရှစ်ကွင်း၊ ဧကပေါင်း ၆၁ဝဝ ရှိရာမှ ဧက ၄ဝဝဝ ကျော် ဆုံးရှုံးခဲ့ပြီးဖြစ်ကြောင်း ဒေသခံတောင်သူ ဦးတင်ထွန်းအေးက ပြောပြသည်။
''ဆင်မကျွန်းအလယ်ရွာ၊ ဆင်မ ကျွန်းတောင်ရွာနဲ့ ဥယျာဉ်စုအရှေ့အနောက် ကျေးရွာတွေကလွဲလို့ ကျန်ရွာတွေမှာ အိမ်တွေရွှေ့ပြောင်းနေရတယ်။ အိမ်ခြေ ၁ဝဝဝ ကျော်ရှိရာ က ၆ဝဝ ခန့် ပြောင်းရွှေ့ရတယ်။ အခုလက်ရှိအနေအထားအရ အိမ်ခြေ ၂ဝဝ ခန့် ရွှေ့ပြောင်းလုပ်ရမယ်လို့ ခန့်မှန်းရတယ်။ ပြီးခဲ့တဲ့ လေးနှစ်လောက်ကစပြီး နှစ်စဉ်နှစ်တိုင်း ကမ်းပါးပြိုတာပိုဆိုးလာပြီး ပျက်စီးဆုံးရှုံးမှုလည်းများလာတယ်။ လုပ်စားစရာမြေလည်း မရှိကြတော့ဘူး။ အကူအညီပေးမယ့်အဖွဲ့အစည်းတွေလည်း ခုထိမလာကြသေးဘူး''ဟု ၄င်းကပြော ပြသည်။
ဆင်မကျွန်းကျေးရွာအုပ်စုသည် လမ်းပန်းဆက်သွယ်ရေး ခက်ခဲပြီး ဒေသဖွံ့ဖြိုးရေးလမ်းများ လိုအပ်လျက့် ရှိကြောင်း၊ ယခုနှစ်ပိုင်းအတွင်း မြစ်ရေတိုက်စားမှု သက်သာလျော့ နည်းသွားစေရန် နိုင်ငံတော်က ကျပ်သိန်း ၁၆ဝ ကျော် ရေထိန်းကာတာများ ဆောက်လုပ်ပေးခဲ့သော်လည်း ရေစီးကြမ်းတမ်းမှုကြောင့် အချည်းနှီးဖြစ်ခဲ့ရကြောင်း၊ ယခုအခါ မြစ်ကမ်းပါးပြိုကျမှုကြောင့် ထွန်ယက်စိုက်ပျိုးရန် မြေမရှိတော့သည့်အပြင် အိမ်ရာများပြောင်းရွှေ့နေထိုင်ရသဖြင့် ယာမြေဈေးနှုန်းလည်း မြင့်တက်လာခဲ့ကြောင်း၊ ယခင်က တစ်ဧကလျှင် ငွေကျပ် ၁၅ သိန်း ခန့်သာရှိသော်လည်း ယခုအခါတစ်ဧကလျှင် ငွေကျပ် ၂၅ သိန်းအထိ မြင့်တက်လာကြောင်း ဒေသခံများထံမှသိရသည်။
ဆင်မကျွန်းအုပ်စု ချင်းပြစ်ကျေးရွာမှ သာသနာ့အောင်မြေ ဘုန်းတော်ကြီး ကျောင်းထိုင်ဆရာတော် ဘဒ္ဒန္တပညာဒီပကလည်း ''ဘုန်း ကြီးကျောင်းလည်း ရွှေ့ပြောင်းရတော့မှာပါ။ မြစ်ကမ်းပါးတိုက်စားမှုကြောင့် ၁၉၅၈ ခုနှစ်ကနေပြီး ၂ဝ၁၁ အထိ ရှစ်ကြိမ်တိုင်တိုင် ရွှေ့ပြောင်းခဲ့ရ တယ်။ ချင်းပြစ်ရွာ မူလတန်းကျောင်းလေးကလည်း ငါးကြိမ်တိုင် ရွှေ့ပြောင်းခဲ့ရတယ်။ ဒီနှစ်လည်း ကမ်းပါးနဲ့ ပေ ၆ဝ ပဲလိုတော့တယ်။ လူနေအိမ်တွေကတော့ ကမ်းပါးနဲ့ ပေ ၂ဝ ကျော်နီးကပ်နေပြီ။ အခုအချိန်အထိ ဘယ်လူမှုရေးအဖွဲ့ အစည်းတွေကမှလာရောက်ကူညီ ပံ့ပိုးတာမရှိသေးဘူး။ သက်ဆိုင်ရာတာဝန်ရှိသူတွေအနေနဲ့လည်း လာရောက်လေ့လာကူညီ ပံ့ပိုးစေချင် ပါတယ်'' ဟု ပြောပြသည်။
အလားတူပင် စလင်းမြို့နယ် အတွင်းရှိ ရေပေါ်ကျွန်းရွာ၊ ဘိုကုန်း ရွာ၊ ကျူတောရွာနှင့်ဇီးဖြူပင်ဒေသမှ ကျွန်းသာအရှေ့ရွာ၊ အနောက်ရွာနှင့် ရေလယ်မြောင်းရွာများသည်လည်း ဧရာဝတီမြစ်ကမ်းပါး ပြိုမှုများကြောင့် ပြီးခဲ့သည့် ဇွန်လပိုင်းမှစတင်၍ ရွာပေါင်း ခြောက်ရွာခန့် ပြောင်းရွှေ့ မှုများပြုလုပ်ခဲ့ရကြောင်း၊ စိုက်ပျိုးမြေ ဧကပေါင်းများစွာလည်း ဆုံးရှုံးခဲ့ရကြောင်း သိရသည်။
သတင်းနှင့်ဓာတ်ပုံ
မျိုးမင်း(ထုံးပေါက်တော)
Myanmaalinn
