 |
| မိကျောင်းကန်သပိတ်စခန်းဆန္ဒပြသူတွေကို အောက်တိုဘာလ ၉ ရက်နေ့က တွေ့ရစဉ်။ Photo: Nay Myo Htun/RFA |
ဒီကိစ္စနဲ့ပတ်သက်လို့ မျက်မြင်ကိုယ်တွေ့တစ်ဦးဖြစ်တဲ့ လယ်သမားရေးဆောင်ရွက်သူ ကိုကြည်လွင်က RFA ကို အခုလိုပြောပါတယ်။
"ကျနော်တို့ ဒီနေ့ ၄ နာရီခွဲ အဲဒီ့ကိုရောက် လည်းရောက်ရော အဲဒီ့မှာ ရဲနဲ့ တပ်အင်အားပေါင်း ၂ဝဝ လောက်ရှိတယ်၊ ဝိုင်းပြီးတော့ လက်နက် ကိုယ်စီနဲ့ အတင်းဖြိုလိုက်တာ၊ အဲ့ဒါပဲတွေ့လိုက်ရတယ်ခင်ဗျ"
မိကျောင်းကန်ရပ်ကွက်အပိုင်း ၁-၂-၃ ကို လွန်ခဲ့တဲ့အနှစ်နှစ်ဆယ်လောက်မှာ စစ်တပ်ကသိမ်းလိုက်တဲ့အတွက် မူလဒေသခံတွေဟာ ရန်ကုန်ရဲ့ မြို့စွန်ဘက်တွေကို ရောက်သွားရပါတယ်။ အဲဒီ့အိမ်ယာမြေတွေပြန်ပေးဖို့ သပိတ်စခန်းဖွင့်တောင်းဆိုနေတာ အခုဆိုရင် ၁၁ လရှိပြီဖြစ်ပါတယ်။
ဒီကိစ္စအတွက် ခေါင်းဆောင်ဦးစိန်သန်းနဲ့ မြို့တော်ခန်းမရှေ့ဆန္ဒပြသူ ၁၄ ဦးကိုလည်း ထောင်ချထားပါတယ်။
RFA Burmese
