နယူးဒေလီ ဇန်နဝါရီ ၂၉
ပေ ၄ဝ ခန့်ရှည်လျားပြီး အလေးချိန် တန် ၂ဝ ခန့်ရှိ ဝေလငါးကြီးတစ်ကောင် အိန္ဒိယနိုင်ငံ မွမ်ဘိုင်းမြို့ ဂျူဟူကမ်းခြေ၌ ဇန်နဝါရီ ၂၈ ရက်ညတွင် သောင်တင်သေဆုံးလျက်ရှိရာ ကရိန်းဖြင့် ဖယ်ရှားခဲ့ရသည်။
အဆိုပါ ဝေလငါးကြီး သောင်တင်သေဆုံးနေမှုကို ကမ်းခြေတွင် သွားလာလှုပ်ရှားနေသူများက မြင်တွေ့ခဲ့ပြီး သစ်တောဌာနသို့ အကြောင်းကြားခဲ့ပြီးနောက် ဝန်ချီကရိန်းဖြင့် ဖယ်ရှားခဲ့ရခြင်းဖြစ်သည်။
''ဝေလငါးကြီးမှာ ထိခိုက်ဒဏ်ရာ ရရှိတဲ့လက္ခဏာတော့ မတွေ့ရပါဘူး။ ဒါပေမယ့် ခွဲစိတ်စစ်ဆေးကြည့်ရပါဦးမယ်။ ကျွန်တော်တို့အနေနဲ့ ဝေလငါးကြီးရဲ့အရိုးစုကို မပျက်စီးအောင် ထိန်းသိမ်းသွားမှာပါ'' ဟု မွမ်ဘိုင်း သစ်တောထိန်းသိမ်းစောင့်ရှောက်ရေး ဌာနမှ မကာရန် ဘီ ဂေါ့ဒ်ကီ က ပြောကြားသည်။
အဆိုပါ ဧရာမဝေလငါးကြီးကို သစ်တောဌာနက ကရိန်းဖြင့် ဖယ်ရှားနေစဉ် လူများက စိတ်ဝင်တစားဖြင့် ဝိုင်းအုံကြည့်ရှုနေသည်ကို ဒေသခံ ရုပ်သံလိုင်းများက ရိုက်ကူးထုတ်လွှင့် ပြခဲ့သည်။
''ဒီငါးကြီးသေဆုံးရတာ အကြောင်းအမျိုးမျိုးရှိနိုင်ပါတယ်။ ရေထုညစ်ညမ်းမှုနဲ့ စက်ရုံတွေကစွန့်ထုတ်တဲ့ အညစ်အကြေးတွေကြောင့်လည်း သေဆုံးစေနိုင်သလို ပလတ်စတစ်ကို စားမိလို့လည်း သေနိုင်ပါတယ်။ ရောဂါတစ်ခုခုကြောင့် သေသွားခဲ့ရင် ငါးကြီးရဲ့ ခန္ဓာကိုယ်အပြင်ပိုင်းမှာ ဒဏ်ရာတွေ့ရမှာ မဟုတ်ပါဘူး'' ဟု သန္တာကျောက်တန်း စောင့်ကြည့် လေ့လာရေးပညာရှင် အနီမက်ရှ် လီမာရီက ပြောကြားသည်။
ဆင်ဟွာ။
The Mirror Daily
