တိုင်းဒေသကြီးနှင့် ပြည်နယ်ဝန်ကြီးချုပ်လောင်းစာရင်း ထွက်ပေါ်

နေပြည်တော်၊ မတ် ၅

NLD ပါတီ ကိုယ်စားလှယ်များ အသာစီး ရယူထားသည့် ပြည်ထောင်စုလွှတ်တော်က ရွေးချယ်တင်မြှောက်မည့် နိုင်ငံတော်သမ္မတသစ်က တိုင်းဒေသကြီးနှင့် ပြည်နယ်အသီးသီးတွင် ဝန်ကြီးချုပ်အဖြစ် ခန့်အပ်မည့်သူများ စာရင်းထွက်ပေါ်လျက် ရှိကြောင်း NLD ပါတီ ထိပ်တန်းခေါင်းဆောင်ပိုင်းနှင့် ရင်းနှီးသော The Voice သတင်းရင်းမြစ်များထံမှ သိရသည်။

The Voice သတင်းရင်းမြစ်များထံမှ သိရသော သတင်းအချက်အလက်များအရ မန္တလေးတိုင်းဒေသကြီးအတွက် ဒေါက်တာဇော်မြင့်မောင်၊ ရန်ကုန်တိုင်းဒေသကြီးအတွက် ဦးဖြိုးမင်းသိန်း၊ မကွေးတိုင်းဒေသကြီးအတွက် ဒေါက်တာအောင်မိုးညို၊ ဧရာဝတီတိုင်းဒေသကြီးအတွက် ဦးမန်းဂျော်နီ၊ ပဲခူးတိုင်းဒေသကြီးအတွက် ဒေါက်တာကျော်ကျော်၊ စစ်ကိုင်းတိုင်းဒေသကြီးအတွက် ဒေါက်တာမြင့်နိုင်နှင့် တနင်္သာရီတိုင်းဒေသကြီးအတွက် ဒေါက်တာလဲ့လဲ့မော်တို့ ဖြစ်ကြသည်။

အလားတူ ပြည်နယ်များအတွက် ကချင်ပြည်နယ်တွင် ဒေါက်တာခက်အောင် (အမျိုးသားလွှတ်တော် ကိုယ်စားလှယ် (ငြိမ်း) ဦးခက်ထိန်နန်၏ အစ်ကို) ကယားပြည်နယ်တွင် ဒေါက်တာအောင်ကျော်ဌေး၊ ကရင်ပြည်နယ်တွင် ဒေါ်နန်းခင်ထွေးမြင့်၊ ချင်းပြည်နယ်တွင် ဦးဇိုဘွဲ၊ မွန်ပြည်နယ်တွင် ဒေါက်တာအေးဇံ၊ ရခိုင်ပြည်နယ်တွင် ဦးညီပုနှင့် ရှမ်းပြည်နယ်တွင် ဒေါက်တာလင်းထွဋ် (သို့မဟုတ်) SNLD မှ ရွေးချယ်ခံ ကိုယ်စားလှယ်တစ်ဦးကိုသာ ဝန်ကြီးချုပ်အဖြစ် ရွေးချယ်မည်ဟု ခန့်မှန်းကြောင်း ၎င်းတို့ထံမှ သိရသည်။

ကယားပြည်နယ်တွင် ရွေးချယ်ခံရမည့် ဝန်ကြီးချုပ်သည် မူလက ဦးအယ်ဖောင်းလ်ရှိဟု အမည်ထွက်ခဲ့သော်လည်း လက်ရှိတွင် လွိုင်ကော်မဲဆန္ဒနယ် အမှတ် (၁) မှ ဒေါက်တာအောင်ကျော်ဌေးက တစ်ပြေးနေကြောင်း The Voice က အထက်ပါ သတင်းရင်းမြစ်များထံမှ သိရသည်။

ပြည်ထောင်စုအစိုးရနှင့် တိုင်းဒေသကြီးနှင့် ပြည်နယ်အစိုးရ ဖွဲ့စည်းမှုနှင့် ပတ်သက်ပြီး သတင်းမီဒီယာများကို ပုံမှန်ထုတ်ဖော်ပြောဆိုလေ့ ရှိသူ ဦးဝင်းထိန်ကို The Voice က အတည်ပြု မေးမြန်းရာ တိုင်းဒေသကြီးနှင့် ပြည်နယ်ဝန်ကြီးချုပ်များ စာရင်း ထွက်ပေါ်မှုနှင့် ပတ်သက်ပြီး ယနေ့ မတ်လ ၅ ရက်နေ့တွင် အတည်ပြု ပြောဆို၍ မရသေးကြောင်းသာ ပြန်လည်မှတ်ချက်ပေးသည်။

NLD ပါတီ၏ ဗဟိုအလုပ်အမှုဆောင် အစည်းအဝေးကို မတ်လ ၆ ရက်တွင် ဒေါ်အောင်ဆန်းစုကြည် နေအိမ်၌ ဆက်လက်ပြုလုပ်မည် ဖြစ်ရာ ပြည်ထောင်စုအစိုးရ အဖွဲ့ဝင် ဝန်ကြီးများ စာရင်းနှင့် တိုင်းဒေသကြီးနင့် ပြည်နယ်ဝန်ကြီးချုပ်များ စာရင်း တရားဝင် ထုတ်ပြန်မည် ဖြစ်သည်။