လွှတ်တော်ကိုယ်စားလှယ်များအား ရဲရဲဝံ့ဝံ့သတ္တိရှိရှိတင်ပြဆောင်ရွက်ကြရန် မိမိအနေဖြင့် တိုက်တွန်းခဲ့သော်လည်း လွှတ်တော်၏ ဂုဏ်သိက္ခာထိခိုက်စေသော အပြောအဆို အသုံးအနှုန်းများ မရှိစေရန် သတိပေးကြောင်း မိမိတို့လွှတ်တော်သည် ဟန်ရေးပြလွှတ်တော်မဟုတ်ကြောင်း ပြည်သူ့လွှတ်တော်ဥက္ကဌပြောကြား

Saturday, 07 July 2012 01:14

လွှတ်တော်ကိုယ်စားလှယ်များအား ရဲရဲဝံ့ဝံ့သတ္တိရှိရှိ တင်ပြဆောင်ရွက်ကြရန် မိမိအနေဖြင့် တိုက်တွန်းခဲ့သော်လည်း လွှတ်တော်၏ ဂုဏ်သိက္ခာ ထိခိုက်စေသော အပြောအဆို အသုံးအနှုန်းများ မရှိစေရန် သတိပေးကြောင်း၊ မိမိတို့လွှတ်တော်သည် ဟန်ရေးပြလွှတ်တော်မဟုတ်ကြောင်း ပြည်သူ့လွှတ်တော်ဥက္ကဌ သူရဦးရွှေမန်းက ဇူလိုင်လ ၆ ရက်နေ့တွင် ကျင်းပသည့် ပထမအကြိမ် ပြည်သူ့လွှတ်တော် စတုတ္ထပုံမှန်အစည်းအဝေးတွင် ပြောကြားခဲ့သည်။ ပြည်သူ့လွှတ်တော်ဥက္ကဌ သူရဦးရွှေမန်းက "မိမိတို့လွှတ်တော်တွေမှာ ဥပမာ ပြည်ထောင်စုလွှတ်တော်ဆို ပြည်ထောင်စုလွှတ်တော် ဥပဒေ၊ ပြည်သူ့လွှတ်တော်မှာဆို ပြည်သူ့လွှတ်တော်ဥပဒေ၊ အမျိုးသားလွှတ်တော်မှာဆို အမျိုးသားလွှတ်တော်ဥပဒေ ရှိပါတယ်။ ဒါ့အပြင် လိုက်နာကျင့်သုံးရမယ့် နည်းဥပဒေများလည်း ထုတ်ပြန်ထားတာဖြစ်ပါတယ်။ ဒါ့ကြောင့်မို့ လွှတ်တော်တက်ရောက်လာတဲ့ ပြည်သူ့ကိုယ်စားလှယ်တွေဟာ မိမိတို့လွှတ်တော်က ပြဌာန်းထားတဲ့ ဥပဒေတွေ ဘာရှိလဲဆိုတာ အသေးစိတ် လေ့လာဖတ်ကြားရမယ်။ လိုက်နာရမယ်။ လွယ်လွယ်ကလေး စကားနဲ့ပြောမယ်ဆိုရင် တစ်ချို့နေရာမှာ စည်းကမ်း၊ စည်းကမ်းမှာ do ၊ don't ရှိတယ်။ do တွေကို လိုက်နာပြီး don't တွေကို မလုပ်မိဖို့ လိုတယ်။ ဒါ့ကြောင့် လွှတ်တော်မှာရှိတဲ့ စည်းမျဉ်းစည်းကမ်းတွေကို မိမိတို့တစ်တွေ သိရှိရုံတင်မကဘူး လိုက်နာဖို့လိုပါတယ်။ စောင့်ထိန်းဖို့ လိုပါတယ်။ ဒါ့ကြောင့်မို့ လွှတ်တော်အတွင်းမှာ ဆွေးနွေးတဲ့အခါမှာ လူပုဂ္ဂိုလ်တစ်ဦးချင်း အတွက်သော်လည်းကောင်း လွှတ်တော်ရဲ့ ဂုဏ်သိက္ခာကို ထိခိုက်စေသော အပြောအဆို အသုံးအနှုန်းများ မရှိစေဖို့ သတိပေးပါတယ်။ မိမိတို့ လွှတ်တော်ဟာ လွှတ်တော်တစ်ရပ်မှာ ရှိရမယ့် ဂုဏ်အင်္ဂါတွေရှိအောင် တည်ဆောက်နေသလို လွှတ်တော်ရဲ့ လုပ်ငန်းတာဝန်တွေကိုလည်း ကျေပွန်အောင် ကြိုးစားဆောင်ရွက်နေပါတယ်။တစ်နှစ်ခွဲကာလအတွင်းမှာ မိမိတို့လွှတ်တော်ရဲ့ လွှတ်တော်ကိုယ်စားလှယ်များရဲ့ စေတနာထား ကြိုးပမ်းဆောင်ရွက်မှုတွေကိုလည်း ဒီနေ့တက်ရောက်လာတဲ့ လွှတ်တော် ကိုယ်စားလှယ်တွေကိုရော၊ အသစ်ရောက်ရှိလာတဲ့လူတွေရော ပြန်လည်သုံးသပ်လေ့လာဖို့လိုလိမ့်မယ်။ ဒီ ၁နှစ်ခွဲကာလအတွင်းမှာ မည်မျှအထိ အပင်အပန်းခံ ကြိုးစားနေကြတယ်။ ရုံးချိန်မဟုတ်ဘဲ ရုံးချိန်ပြင်ပအချိန်တွေ ရုံးပိတ်ရက်တွေမှာ မည်ကဲ့သို့ လုပ်ဆောင်နေတယ်။ အဲဒီလို လုပ်ဆောင်တဲ့နေရာမှာလည်း နိုင်ငံနဲ့ နိုင်ငံသားများရဲ့ အကျိုးစီးပွားကိုပဲကြည့် လူပုဂ္ဂိုလ်တစ်ယောက်အတွက် မကြည့်နဲ့။ အဖွဲ့အစည်းတစ်ခုအတွက် မကြည့်နဲ့။ ရှင်းရှင်းပြောမယ်ဆိုရင် အစိုးရအတွက်လည်း မကြည့်နဲ့။ တို့ကြည့်ရမှာက နိုင်ငံနဲ့နိုင်ငံသားများ၊ အများပြည်သူ အကျိုးစီးပွားအတွက် ကြည့်ရမယ်။ ဆောင်ရွက်ရမယ်။ အဲဒီလိုဆောင်ရွက်ရာမှာ ပါတီစွဲ၊ ဝါဒစွဲ၊ ဒေသစွဲ၊ လူမျိုးစွဲ ၊ကိုးကွယ်တဲ့ ဘာသာအစွဲတွေ မထားဘဲ နိုင်ငံနဲ့ နိုင်ငံသားပြည်သူများအတွက် မျှမျှတတဖြစ်အောင် ဆောင်ရွက်ကြဖို့ မိမိက တိုက်တွန်းသလို လွှတ်တော် ကိုယ်စားလှယ်အသီးသီးကလည်း ဒီအဆိုပြုချက်ကို အားလုံးလက်ခံယုံကြည်ပြီး ဆောင်ရွက်နေတဲ့ကာလ ဖြစ်တယ်။ ဒါ့ကြောင့်မိုလို့ မိမိတို့ လွှတ်တော်ဟာ ဟန်ရေးပြလွှတ်တော် မဟုတ်ဘူး။ အဲဒီနည်းတူပဲ မိမိတို့လွှတ်တော်ကို အချိန်တွေမကုန်ရအောင် မရောင်ရာဆီလူး မလိုတဲ့စကားတွေပြော အချိန်ဖြုန်းမယ်ဆိုရင် မိမိတို့ရဲ့လုပ်ငန်းမှာ အနှောက်အယှက်ဖြစ်မှာ ဖြစ်တဲ့အတွက် ဒါကိုလည်း လွှတ်တော်ကိုယ်စားလှယ်များအားလုံး သိရှိနားလည်ပူးပေါင်း ဆောင်ရွက်ရန်လိုမှာ ဖြစ်ပါတယ်။ အဲဒီအတိုင်းပဲ မိမိတို့နိုင်ငံအနေနဲ့ နိမ့်ကျနောက်ကျနေတယ် ဆိုတာလည်း မိမိတို့ခံယူရမှာ ဖြစ်ပါတယ်။သူများနိုင်ငံနဲ့ ရင်ဘောင်တန်းမယ်ဆိုရင် ရင်ဘောင်တန်းနိုင်အောင် အတွေးအခေါ်တွေ ခံယူချက်တွေ လုပ်ဆောင်ချက်တွေရှိဖို့ လိုပါတယ်။ ဒါ့ကြောင့် မိမိအနေနဲ့ လွှတ်တော်ကိုယ်စားလှယ်များကို တိုက်တွန်းပြောကြားခဲ့တယ်။ ပြီးခဲ့တာတွေ ပြီးပြီ။ ဒါတွေကို ပြစ်တင်ဝေဖန်နေမယ့်အစား အတိတ်ကို သင်ခန်းစာယူ အနာဂတ်အတွက် အကောင်းဆုံးဖြစ်အောင် မိမိတို့ လုပ်ဆောင်သင့်တယ်။ ပူးပေါင်းဆောင်ရွက်သင့်တယ်ဆိုတဲ့ အကြံပေးတိုက်တွန်းမှုများနဲ့ ယနေ့ကာလအထိ ဒီလိုဆောင်ရွက်လျက် ရှိပါတယ်။ ဒီနေ့ပြည်သူတွေရဲ့ အသံကို ကြားအောင်နားထောင် ပြည်သူတွေ ဘာတွေဖြစ်နေလဲဆိုတာ မြင်အောင်ကြည့် ကြည့်ပြီးတဲ့အခါ လွှတ်တော်ကိုယ်စားလှယ်များ မိမိလွှတ်တော် ရောက်လာတဲ့အခါမှာ ပွင့်ပွင့်လင်းလင်း ရဲရဲဝံ့ဝံ့ သတ္တိရှိရှိ တင်ပြကြပါဆိုပြီး ဆောင်ရွက်တဲ့နေရာမှာ ဒီနေ့မိမိတို့ လွှတ်တော်ကတော့ ဒီနေ့ထက် မနိမ့်သော ပွင့်လင်းမှုပြောဆိုမှုများ မိမိတို့ လွှတ်တော်အတွင်းမှာဆောင်ရွက်ခဲ့ပါတယ်။ ဒါ့ကြောင့် ပြီးခဲ့တဲ့ budget section လို့ခေါ်တဲ့ ဒီကာလအတွင်းမှာ ဘေးနိုင်ငံက မယုံကြည်လောက်အောင် ဒီပါတီက အစိုးရ၊ ဒီပါတီက လွှတ်တော်ကိုယ်စားလှယ်တွေ ဒီလိုအခြေအနေတောင် ပြောကြဆိုကြပါလားဆိုတဲ့ အနေအထားမျိုး ဖြစ်ခဲ့ပါတယ်။ ဒါက ဘာလဲဆိုတာ မိမိတို့လွှတ်တော် ကိုယ်စားလှယ်များရဲ့ စေတနာနဲ့ ယုံကြည်ချက်ပါ။ ခုနကပြောသလိုပဲ လူပုဂ္ဂိုလ်အတွက် မကြည့်ဘူး။ အဖွဲ့အစည်းတစ်ခုအတွက် မကြည့်ဘူး။ ပြောမယ်ဆို အစိုးရအတွက်လည်း မကြည့်ဘူး။ ကြည့်မှာက ပြည်သူ့မတွက်၊ အများပြည်သူ့အတွက် ဒါ့ကြောင့် ရှေ့ဆက်သွားမယ့်ခရီးမှာ အခုလိုပဲ ပွင့်ပွင့်လင်းလင်း ရဲရဲဝံ့ဝံ့ သတ္တိရှိရှိနဲ့ ပြောဆိုတာတွေ လိုလားပါတယ်။ ဖိတ်ခေါ်ပါတယ်။ သို့ရာတွင် မိမိတို့လွှတ်တော် ဂုဏ်သိက္ခာ ကျဆင်းစေသော၊ ကောက်ချက်ချတဲ့နေရာမှာ တစ်မျိုးဖြစ်စေသော ကိစ္စမျိုးမရှိဖို့ မိမိအနေနဲ့ တိုက်တွန်းပြောကြားလိုပါတယ်။ ဒါကလွှတ်တော်ဥက္ကဌအနေနဲ့ လွှတ်တော်ရေးရာကိစ္စနဲ့ ပတ်သက်လို့ တာဝန်အရှိဆုံး လူတစ်ယောက်အနေနဲ့ လွှတ်တော်ကို တင်ပြခြင်းပဲ ဖြစ်ပါတယ်" ဟု ပြောကြားခဲ့သည်။ မြန်မာနိုင်ငံ၏ ကဏ္ဍအသီးသီးနှင့် နယ်ပယ်အသီးသီးအတွက် စံချိန်စံညွှန်းများ ရေးဆွဲသတ်မှတ်၍ ဥပဒေပြဌာန်းနိုင်ရန် အချိန်ကာလ သတ်မှတ်ပြီး သတ်မှတ်ချိန်အတွင်း ဆောင်ရွက်ပေးနိုင်ရန်လိုကြောင်း၊ ထိုသို့ဆောင်ရွက်နိုင်ရန် မည်ကာမတ်တ အစိုးရနှင့် ဟန်ရေးပြလွှတ်တော်လောက်နှင့် ယခုကိစ္စများ အကောင်အထည် ဖော်နိုင်ရန် အင်မတန်မှခဲယဉ်းမည်ဖြစ်ကြောင်း ယနေ့ကျင်းပသည့် ပြည်သူ့လွှတ်တော် ပထမအကြိမ် စတုတ္တပုံမှန် အစည်းအဝေး တတိယနေ့၌ ဒေါက်တာအောင်မိုးညိုက အမျိုးသားဒီမိုကရေစီ အဖွဲ့ချုပ်၏ လွှတ်တော်ကိုယ်စားလှယ် အနေဖြင့် ပထမဦးဆုံးအကြိမ် ဆွေးနွေးခဲ့သည်။