အတိတ်က မိမိတို့ နိုင်ငံတော် အတွင်းတွင် ဖြစ်ပေါ်ကြုံတွေ့ ခဲ့ရသော ဖြစ်စဉ်ဖြစ်ရပ် အကြောင်းများထဲမှ မကောင်းသည်များကို ပြစ်တင်ဝေဖန် နေမည့်အစား သင်ခန်းစာ ယူကြပြီး ယခုနှင့် အနာဂတ် အတွက် ပို၍ ကောင်းမွန်စေရန် လွှတ်တော် ကိုယ်စားလှယ်များ အနေဖြင့် ပြုပြင် ပြောင်းလဲမှုများကို ရဲရဝံ့ဝံ့ သတ္တိရှိရှိ လုပ်ကြရန် ပြည်သူ့လွှတ်တော် ဥက္ကဋ္ဌ သူရဦးရွှေမန်းက ဇူလိုင်လ ၄ ရက်နေ့တွင် စတင် ကျင်းပလျက် ရှိသည့် ပထမအကြိမ် ပြည်သူ့လွှတ်တော် စတုတ္ထ ပုံမှန် အစည်းအဝေးတွင် တိုက်တွန်း ပြောကြားသည်။
ယင်းအပြင် လွှတ်တော်ကိုယ်စားလှယ်များ အနေဖြင့် ပါတီစွဲ၊ ဝါဒစွဲ၊ ဒေသစွဲ၊ လူမျိုးစွဲ၊ ကိုးကွယ်သည့် အယူဘာသာ အစွဲ မထားရှိဘဲ နိုင်ငံတော်အကျိုး၊ နိုင်ငံသားအကျိုး၊ ပြည်ထောင်စု အကျိုးအတွက် မျှမျှတတ ဖြစ်စေရေး အဓိက ဆောင်ရွက်သွားကြရန်၊ လွှတ်တော်များ မရှိခဲ့စဉ်က အချို့ ကိစ္စရပ်များတွင် ဒီမိုကရေစီ ကျင့်စဉ်နှင့် ညီညွှတ်စွာ မဆောင်ရွက်နိုင်ခဲ့ခြင်းကို သင်ခန်းစာ ရယူပြီးဖြစ်၍ လွှတ်တော်များ ခိုင်မာစွာနှင့် ခိုင်မြဲစွာ ရှိရန် လုပ်ဆောင်ကြရန်၊ လွှတ်တော် ကိုယ်စားလှယ်များ၏ စိတ်ဓာတ် ကောင်းမွန် မှန်ကန်ရေးနှင့် အရည်အချင်း ရှိအောင် တည်ဆောက်ကြရန်၊ ဒီမိုကရေစီ ကျင့်စဉ်များကို မှန်မှန်ကန်ကန်နှင့် စနစ်တကျ ကျင့်သုံးဆောင်ရွက် နေကြရန် တို့ကိုလည်း သူရဦးရွှေမန်းက ပြောကြားသည်။
အဆိုပါ ပြည်သူ့လွှတ်တော် စတုတ္ထပုံမှန် အစည်းအဝေး ပထမနေ့ကို ဇူလိုင်လ ၄ ရက်နေ့ နံနက် ၁၀ နာရီတွင် နေပြည်တော်ရှိ လွှတ်တော် အဆောက်အအုံ ပြည်သူ့လွှတ်တော် ခန်းမတွင် ကျင်းပရာ ပြည်သူ့လွှတ်တော် ဥက္ကဋ္ဌ သူရဦးရွှေမန်းနှင့် ပြည်သူ့လွှတ်တော် ကိုယ်စားလှယ် ၄၁၇ ဦးတို့ တက်ရောက်ခဲ့ ကြသည်။
The Voice Weekly
