လက်ပံတောင်းတောင် ကြေးနီစီမံကိန်း ဧရိယာအတွင်းမှာရှိတဲ့ လယ်တီဆရာတော်ရဲ့ သိမ်နဲ့သာသနိက အဆောက်အဦးတွေကို ဖယ်ရှားပြီးရွှေ့ပြောင်းပေးဆိုရင်လည်း ရွှေ့ပြောင်းပေးမှာဖြစ်သလို အသစ်ပြန်လည်တည်ဆောက်ပေးဆိုရင်လည်း တည်ဆောက်ပေးမှာဖြစ်ကြောင်း မြန်မာဝမ်ပေါင်ကုမ္ပဏီရဲ့ ပြည်သူ့ဆက်ဆံရေး မန်နေဂျာ Mr. Kico က ဒီကနေ့ ပြောကြားလိုက်ပါတယ်။
ကြေးနီတောင်စီမံကိန်းဒေသ ၀မ်ပေါင်ရုံးခန်းမှာ Myanmar Wanbao Mining Co Ltd ကတာဝန်ရှိသူတွေနဲ့ သတင်းထောက်တွေ ဒီနေ့ နေ့လည်ပိုင်းကတွေ့ဆုံရာမှာ Mr. Kico က တရုတ်ဘာသာစကားနဲ့ ပြောကြားချက်ကို စကားပြန်က အခုလိုဘာသာပြန်ပေးခဲ့ပါတယ်။
"အဲဒီဘုန်းကြီးကျောင်းတစ်ခုလုံး မပြီးရွေ့လို့လည်းရတယ်၊ နောက်ပြီးဖြုတ်ပြီးတော့ ပြန်ဆောက်ရင်လည်းရတယ်၊ နောက်လုံးဝအသစ် ပြန်ဆောက်ရင်လည်းရတယ်၊ ကျနော်တို့ ကုမ္ပဏီက ဘယ်လိုပဲဖြစ်ဖြစ်လက်ခံတယ်"
လက်ပံတောင်းတောင်အရေး ဆက်ဆံရေးအဖွဲ့ခေါင်းဆောင်ဖြစ်တဲ့ စစ်ကိုင်းတိုင်းဒေသကြီး သစ်တော၊ သတ္တု၊ စွမ်းအင်ဝန်ကြီး ဦးသန်းထိုက်ကတော့ ဒီကိစ္စဟာ သတ္တုတွင်းဝန်ကြီးဌာနနဲ့မဆိုင်ဘဲ သာသနာရေးဝန်ကြီးဌာနနဲ့သာ သက်ဆိုင်တယ်လို့ ပြောပါတယ်။
တိုင်းနဲ့ ဗဟိုသံဃာ့နာယကအဖွဲ့ရဲ့ ဆုံးဖြတ်ချက်အတိုင်း လိုက်နာသွားမှာဖြစ်သလို ၊ ရွှေ့ပြောင်းသင့် မသင့်ကိုလည်း မပြောလိုကြောင်း လယ်တီစေတီနဲ့ သိမ်တော်ကို လက်ရှိတာဝန်ယူနေတဲ့ ကျော်ကျေးရွာဆရာတော် ဦးဝိမလက အခုလိုမိန့်ကြားပါတယ်။
"တိုင်းသံဃာ့နာယကအဖွဲ့၊ ဗဟိုသံဃာ့နာယကအဖွဲ့ပါရင်တော့ ခင်ဗျားတို့သဘောပဲ ကြိုက်သလိုလုပ်ပါ၊ ဘုန်းကြီးတို့ကတော့ အနားအနီးဆုံးလည်းဖြစ်တယ်၊ အကြီးဆုံးလည်းဖြစ်တယ်၊ ဒါပေမယ့် ဘုန်းကြီးတို့က မပေးရက်ဘူး၊ တိုင်းကခရိုင်ပိုင်တော့ သူတို့သဘော ဘယ်လိုလုပ်လုပ်၊ သူတို့ကရွေ့လို့လည်းမပြောဘူး၊ မရွေ့နဲ့လို့လည်းမပြောဘူး"
အဲဒီ လယ်တီဆရာတော်ကြီးရဲ့ သိမ်နဲ့သာသနိက အဆောက်အဦးတွေကို စုံစမ်းစစ်ဆေးရေးကော်မရှင် အစီရင်ခံစာအတိုင်း ဆောင်ရွက်ပေးဖို့ မနေ့က မန္တလေးမြို့ကနေ လက်ပံတောင်းဒေသကို လမ်းလျှောက်ဆန္ဒဖော်ထုတ်ကြသူတွေဟာ စစ်ကိုင်းတိုင်းဒေသကြီး အစိုးရအဖွဲ့က သာသနာရေးဝန်ကြီး ဦးတင်ဝင်းနဲ့ စစ်ကိုင်းခရိုင် အုပ်ချုပ်ရေးမှူး ဦးမြင့်ဝေတို့က ဆန္ဒပြသူတွေနဲ့ ညှိနှိုင်းပြီး အဆင်ပြေသွားပါတယ်။
