 |
| ဓာတ်ပုံ – ခိုင်မြဲ |
ကျောက်စိမ်းတူးဖော်ပြီး စွန်ပစ် မြေစာပုံပြိုကျတဲ့အတွက် လူ ၅၀ နီးပါး ပျောက်ဆုံးနေပါတယ်။
ဒီဇင်ဘာ ၂၅ ရက် ညနေ ၄ နာရီကျော်က မြေစာပုံ ပြိုကျခဲ့တာဖြစ်သလို မြေစာပုံနားမှာ ကျောက်ကောက်နေတဲ့သူ ၅၀ နီးပါး ပျောက်ဆုံးနေတယ်လို့ ဒီနေရာကို ရောက်နေတဲ့ ဒီဗွီဘီ သတင်းထောက်က ပြောပါတယ်။
“သူတို့ စာရင်းတွေလိုက်ကောက်လိုက်တဲ့ အချိန်မှာ ၄၀ နဲ့ ၅၀ ကြားမှာရှိတယ်။ အခုက ဘတ်ဖိုး ၅ စီးနဲ့ သူတို့ ကုတ်ပြီး ရှာနေတယ်။ ဒါပေမယ့် ဒီကနေ့ နေလယ် ၁၂ ကျော်တဲ့အထိကတော့ အလောင်းတလောင်းမှ ရှာမတွေ့သေးဘူး” လို့ ဒီဗွီဘီ သတင်းထောက် အိမ်ခိုင်မြဲက ပြောပါတယ်။ပြိုကျတဲ့မြေစာပုံဟာ အမြင်ပေ ၁၀၀၀ နီးပါးမြင့်ပြီး ကျောက်လာကောက်တဲ့သူတွေ ကျောက်လာရှာဖွေနေစဉ်မှာ ပြိုကျသွားတာဖြစ်ပါတယ်။ ပြီးခဲ့တဲ့နိုဝင်ဘာ ၂၁ ရက်နေ့ကလည်း ဖားကန့်မှာ မြေစာပုံပြိုကျခဲ့တဲ့အတွက် လူ ၁၀၀ ကျော်သေဆုံးခဲ့ပါတယ်။
DVB
