 |
| ဓာတ်ပုံ- နိုင်ငံတော် သမ္မတရုံးဝက်ဘ်ဆိုတ် |
 |
| ဓာတ်ပုံ- နိုင်ငံတော် သမ္မတရုံးဝက်ဘ်ဆိုတ် |
 |
| ဓာတ်ပုံ- နိုင်ငံတော် သမ္မတရုံးဝက်ဘ်ဆိုတ် |
 |
| ဓာတ်ပုံ- နိုင်ငံတော် သမ္မတရုံးဝက်ဘ်ဆိုတ် |
ပြည်ထောင်စု သမ္မတ မြန်မာနိုင်ငံတော် သမ္မတ ဦးသိန်းစိန်သည် တူရကီ သမ္မတနိုင်ငံ နိုင်ငံခြားရေးဝန်ကြီးဌာန၀န်ကြီး H.E.Mr.Ahmet Davutoglu ဦးဆောင်သည့် ကိုယ်စားလှယ်အဖွဲ့အား သြဂုတ်လ ၉ ရက်နေ့ နံနက် ၁၀ နာရီခွဲတွင် နေပြည်တော်ရှိ နိုင်ငံတော် သမ္မတအိမ်တော် သံတမန်ဆောင် ဧည့်ခန်းမ၌ လက်ခံတွေ့ဆုံသည်။ ထိုသို့တွေ့ဆုံရာတွင် တူရကီနိုင်ငံခြားရေးဝန်ကြီးဌာန ၀န်ကြီး H.E.Mr.Ahmet Davutoglu က ရခိုင်ဒေသကိစ္စနှင့်စပ်လျဉ်း၍ ပြောကြားရာတွင်- မိမိသည် မြန်မာနိုင်ငံ၏ သမိုင်းကြောင်း၊ ဗုဒ္ဓဘာသာနှင့် အစ္စလာမ်ဘာသာများကို လေ့လာထားသူတစ်ဦးဖြစ်၍ မြန်မာနိုင်ငံသည် ဗုဒ္ဓဘာသာကိုးကွယ်ယုံကြည်မှု စံပြနိုင်ငံ တစ်နိုင်ငံဖြစ်သည်ဟု သိရှိထားပြီးဖြစ်ပါကြောင်း၊ ဗုဒ္ဓဘာသာသည် တစ်ဦးနှင့် တစ်ဦး အပြန်အလှန်လေးစားခြင်း၊ သည်းခံခြင်းတရား လက်ကိုင်ထားသော ဘာသာဖြစ်ပြီး အစ္စလာမ်ဘာသာသည် ငြိမ်းချမ်းရေးကို ကိုယ်စားပြုသော ဘာသာဖြစ်ပါကြောင်း၊ ဘာသာကြီးနှစ်ခု၏ ဘာသာဝင်များသည် ရှေးယခင်ကပင် အတူတကွ လက်တွဲနေထိုင်လာခဲ့ကြပါကြောင်း၊ ယခုအခါ မြန်မာနိုင်ငံသည် အချိန်တိုကာလအတွင်း ပြုပြင်ပြောင်းလဲမှုကို အောင်မြင်စွာ ဆောင်ရွက်နိုင်သော နိုင်ငံဖြစ်သည်ဟု နိုင်ငံတကာက အသိအမှတ်ပြု လေးစားကြပါကြောင်း၊ ရခိုင်ဒေသ အရေးကိစ္စကြောင့် မြန်မာနိုင်ငံ၏ အပြုသဘောဆောင်သော ပုံရိပ်ကို မထိခိုက်စေလိုပါကြောင်း၊ မိမိ၏ ယခုခရီးစဉ်တွင် သမ္မတကြီးက ရခိုင်ပြည်နယ်သို့ သွားရောက်ခွင့်ပြု၍ ကျေးဇူးတင်ရှိပါကြောင်း၊ ယင်းဒေသ၏ ပကတိအခြေအနေကို သိရှိရလျှင် အခြားနိုင်ငံများသို့ တင်ပြရှင်းလင်းနိုင်မည့် အခွင့်အရေး ရရှိမည်ဖြစ်ပါကြောင်း၊ လာမည့် သီတင်းပတ်တွင် ဆော်ဒီအာရေဗျနိုင်ငံ၌ ကျင်းပမည့် OIC အစည်းအဝေးတွင် ရခိုင်ဒေသအရေးကိစ္စကို ရှင်းလင်းတင်ပြပေးမည်ဖြစ်ပါကြောင်း။ နိုင်ငံတိုင်းတွင် လူမျိုးစုများ၊ ဘာသာကွဲများ တစ်ခါတစ်ရံ ပဋိပက္ခဖြစ်လေ့ရှိပါကြောင်း၊ မိမိတို့သည် လက်ရှိဖြစ်စဉ်အား လူသားချင်း စာနာထောက်ထားမှုဖြင့် ရှုမြင်ပါကြောင်း၊ အစ္စလာမ်ဘာသာဝင်များ၊ ဗုဒ္ဒဘာသာဝင်များ အားလုံးကို ကူညီထောက်ပံ့ရမည်ဖြစ်ကြောင်း၊ TICA၊ လခြမ်းနီအဖွဲ့အပြင် NGO အလှူရှင်များက ဒုက္ခရောက်နေသူများအားလုံးကို ကူညီထောက်ပံ့လိုပါကြောင်း၊ လောလောဆယ်တွင် ရခိုင်ဒေသကိစ္စအတွက် တူရကီနိုင်ငံရှိ အလှူရှင်များထံမှ အလှူငွေ အမေရိကန်ဒေါ်လာ သန်း(၅၀) ရရှိခဲ့ရာ မြန်မာနိုင်ငံမှ စားသောက်ကုန်များ၊ ဆေးဝါးများ ၀ယ်ယူ၍ ဒုက္ခသည်များအား ဖြန့်ဝေပေးလိုပါကြောင်း၊ ရွက်ဖျင်တဲများ၊ အဆောက်အအုံများလည်း လှူဒါန်းလိုပါကြောင်း၊ ထပ်မံလှူဒါန်းလိုသူ အများအပြား ရှိနေပါကြောင်း၊ မြန်မာနိုင်ငံ အစိုးရက ရခိုင်ဒေသရှိ ဒုက္ခသည်များအား အစွမ်းကုန် ကူညီထောက်ပံ့နေမှုများကို အသိအမှတ်ပြုပါကြောင်း။ ယခုကဲ့သို့ အရေးကြီးကာလတွင် တလွဲအသုံးချခံရမှုကို ဟန့်တားသွားရန် အရေးကြီးပါကြောင်း၊ နိုင်ငံတကာမှ အဖွဲ့အစည်းများကို ဖြစ်စဉ်ဒေသများသို့ လေ့လာခွင့်ပြုခြင်းဖြင့် တလွဲအသုံးချလှုံ့ဆော်မှုများကို ကာကွယ်နိုင်မှာဖြစ်ပါကြောင်း၊ မိမိသည် တူရကီနိုင်ငံက မြန်မာနိုင်ငံအပေါ် တလွဲမြင်နေမှုများအား ကာကွယ်ပြောကြားခဲ့ပါကြောင်း၊ မြန်မာနိုင်ငံသည် ဘာသာပေါင်းစုံ သဟဇာတဖြစ်စွာ နေထိုင်နိုင်သော နိုင်ငံဖြစ်၍ အစ္စလာမ်သာမက အခြားဘာသာဝင်များပါ ချစ်ခင်ရင်းနှီးစွာ နေထိုင်နိုင်သော နိုင်ငံဖြစ်ကြောင်းကို ပြသနိုင်သော နိုင်ငံဖြစ်သည်ဟု မိမိယူဆပါကြောင်း၊ လူသားချင်း စာနာထောက်ထားမှု အကူအညီပေးအပ်ရန် ခွင့်ပြုခြင်းအားဖြင့် OIC နိုင်ငံများက အထင်အမြင်လွဲမှားမှုကို ကာကွယ်နိုင်မည် ဖြစ်ပါကြောင်းဖြင့် ပြောကြားခဲ့သည်။ နိုင်ငံတော်သမ္မတက ပြန်လည်ပြောကြားရာတွင် အဆွေတော်၏ အကြံဉာဏ်နှင့် ကူညီလိုမှုများကို ကြားသိရ၍ ကျေးဇူးတင်ရှိပါကြောင်း၊ ရခိုင်ပြည်နယ်တွင် ကြုံတွေ့နေရသော ဒုက္ခသည်များအား ပေးအပ်ရန် ထောက်ပံ့ရေးပစ္စည်းများယူလာ၍ ကျေးဇူးတင်ရှိပါကြောင်း၊ ယင်းထောက်ပံ့ရေး ပစ္စည်းများကို ဒုက္ခသည်များထံ စနစ်တကျ ဝေငှပေးအပ်သွားမည် ဖြစ်ပါကြောင်း၊ မြန်မာနိုင်ငံသည် ဘာသာပေါင်းစုံ ချစ်ကြည်ရင်းနှီးစွာ နေထိုင်ကြသော နိုင်ငံဖြစ်ပါကြောင်း၊ ရခိုင်ပြည်နယ်ကိစ္စသည် ဘာသာရေး၊ လူမျိုးရေးကြောင့် ဖြစ်ပွားခြင်းမဟုတ်ပါကြောင်း၊ ယင်းပြဿနာသည် မိန်းကလေးတစ်ဦးကို အနိုင်အထက် ပြုကျင့်သတ်ဖြတ်ခဲ့ရာမှ စတင်ဖြစ်ပွားခဲ့ခြင်းဖြစ်ပါကြောင်း၊ ပြဿနာ၏အစသည် တရားမဲ့ ပြုကျင့်မှုကြောင့် စတင်ဖြစ်ပွားခဲ့ခြင်းဖြစ်ပါကြောင်း၊ အုပ်စုတစ်စုနှင့်တစ်စု ကလဲ့စားချေမှုများ ဖြစ်ပွားခဲ့၍ နှစ်ဖက်စလုံး ဆုံးရှုံးမှုများရှိခဲ့ပါကြောင်း၊ မိမိတို့အစိုးရက အချိန်မီ ထိန်းသိမ်းနိုင်ခဲ့ပြီး ထပ်မံမဖြစ်ပွားစေရေးကိုလည်း ထိန်းသိမ်းစောင့်ရှောက်နေပါကြောင်း။ အိုးမဲ့အိမ်မဲ့ ဖြစ်သွားသော ဒုက္ခသည် (၆၀၀၀၀) ကျော်၏ စားဝတ်နေရေး၊ ကျန်းမာရေးတို့အတွက် ဆေးဝါးများ အမှန်တကယ် လိုအပ်ပါကြောင်း၊ ယခုအချိန်တွင် ကုလသမဂ္ဂ အေဂျင်စီများနှင့် NGO အဖွဲ့ စုစုပေါင်း (၉)ဖွဲ့နှင့် ပူးပေါင်းဆောင်ရွက်နေပါကြောင်း၊ ယခုအခါ ပြည်တွင်း၊ ပြည်ပမှ စေတနာရှင်များ၏ ကူညီပံ့ပိုးမှုများဖြင့် ဆောင်ရွက်နေပါကြောင်း၊ OIC အတွင်းရေးမှူးကိုလည်း မြန်မာနိုင်ငံသို့ လာရောက်ရန် ဖိတ်ကြားထားပြီး ဖြစ်စဉ်အခြေအနေမှန်ကို လက်တွေ့ပြသရန် စီစဉ်ဆောင်ရွက်ထားပါကြောင်း၊ ၄င်းကိုလည်း လက်တွေ့မျက်မြင် တွေ့ရှိသွားစေလိုပါကြောင်း။ အဆွေတော် လာရောက်လည်ပတ်ခြင်းကြောင့် ဖြစ်စဉ်အမှန်ကို သိရှိနားလည်ပြီး အဆွေတော်မှတစ်ဆင့် ထပ်မံဆင့်ပွား ရှင်းလင်းပေးနိုင်မည်ဟု ယူဆပါကြောင်း၊ မကြာမီကျင်းပမည့် OIC အစည်းအဝေးတွင် အခြေအနေပေးပါက ဖြစ်ရပ်မှန်များကို မြန်မာနိုင်ငံဘက်က ရပ်တည်၍ ရှင်းလင်းတင်ပြပေးစေလိုပါကြောင်းဖြင့် ပြောကြားဆွေးနွေးခဲ့ကြောင်း ၂၀၁၂ ခုနှစ် သြဂုတ် ၁၀ ရက်နေ့ထုတ် မြန်မာ့အလင်း သတင်းစာတွင် ဖော်ပြထားပါသည်။
