27.10.2013
Switzerland နိုင်ငံ Geneva မြို့မှာ ရှေ့လကျင်းပမဲ့ ငြိမ်းချမ်းရေး
ညီလာခံကို တက်ဖို့ အီရန်နိုင်ငံကို ဖိတ်သင့်တယ်လို့ ဆီးရီးယားဆိုင်ရာ
ကုလသမဂ္ဂနဲ့ အာရပ်အဖွဲ့ချုပ်ကိုယ်စားလှယ် Lakhdar Brahimi က ပြောလိုက်ပါတယ်။Geneva Two လို့ခေါ်နေကြတဲ့ ညီလာခံမှာ အီရန်ပါဝင်ရေးဟာ သဘာဝကျပြီး လိုအပ်တယ်လို့ တဟီရန်မြို့တော်မှာ စနေနေ့ကလုပ်ခဲ့တဲ့ သတင်းစာ ရှင်းပွဲမှာ မစ္စတာ Brahimi ကပြောခဲ့ပါတယ်။ ညီလာခံကို အီရန်တက်သင့်တယ်လို့ ကုလသမဂ္ဂအတွင်းရေးမှူးချုပ် ဘန်ကီမွန်းရော အာရပ်အဖွဲ့ချုပ် အတွင်းရေးမှူးချုပ် Nabil el-Araby ပါ ယုံကြည်တယ်လို့ မစ္စတာ Brahimi ကပြောပါတယ်။
အီရန်နိုင်ငံခြားရေးဝန်ကြီး Mohammad Javad Zarif နဲ့တွေ့ဆုံအပြီးမှာ သူကခုလို ပြောခဲ့တာလည်း ဖြစ်ပါတယ်။ ဆီးရီးယားမှာဖြစ်နေတဲ့ ပြဿနာကို သံတမန်ရေးနည်းနဲ့ ဖြေရှင်းဖို့ အီရန်က လိုလားတယ်လို့ အီရန်နိုင်ငံခြားရေး ဝန်ကြီးက ပြောပါတယ်။
အီရန်ဟာ ဆီးရီးယားသမ္မတ Bashar al-Assad ရဲ့ အဓိက မဟာမိတ် နိုင်ငံတခုဖြစ်ပါတယ်။
ဆီးရီးယားအသွင်ကူးပြောင်းရေးကာလ အစိုးရထူထောင်ဖို့နဲ့ ဒီမိုကရေစီ နည်းလမ်းကျ ရွေးကောက်ပွဲတွေလုပ်နိုင်ဖို့ ရည်ရွယ်ချက်နဲ့ကျင်းပမယ့် Geneva Two ညီလာခံအပေါ် ထောက်ခံမှုရနိုင်ဖို့ မစ္စတာ Brahima ဟာ ဒေသတွင်းနိုင်ငံတွေကို ခရီးလှည့်လည်နေတာဖြစ်ပါတယ်။
VOA
