မြန်မာစီးပွားရေးတွင် လူလတ်တန်းစား စီးပွားရေးအခြေအနေ တိုးတက်လာမှုကိုမျှော်မှန်း၍ အမေရိကန်ရင်းနှီးမြှုပ်နှံမှု ကုမ္ပဏီတခု ဖြစ်သည့် တက္ကဆက် ပစိဖိတ်အုပ်စု TPG က မြန်မာနိုင်ငံ၏ အဓိက အရက်ချက်ကုမ္ပဏီဖြစ်သည့် MDC တွင် အစုရှယ်ယာ ၅၀ ရာခိုင်နှုန်း ထည့်ဝင်ခဲ့ကြောင်း ဝေါလ်စထရိဂျာနယ်သတင်းတွင် ဖော်ပြထားသည်။
ဂရင်းရိုင်ရယ် ၀ီစကီထုတ်လုပ်နေသော မြန်မာ့အရက်ချက်လုပ်ငန်းကုမ္ပဏီတွင် ယခင်က Diageo အမှုဆောင် အရာရှိချုပ် ပေါလ်ဝေါ့ခ်ျက ဒုတိယဥက္ကဋ္ဌ နေရာနှင့် TPC ရင်းနှီးမြှုပ်နှံမှုအစု၏ ကိုယ်စားလှယ်အဖြစ် ဆောင်ရွက်မည်ဖြစ်ကြောင်း ကုမ္ပဏီက သတင်းထုတ်ပြန်ချက်တွင် ဖော်ပြထားသည်။
ယခု ရင်းနှီးမြှုပ်နှံမှုသည် TPG အမေရိကန်ကုမ္ပဏီ၏ တနှစ်အတွင်း မြန်မာနိုင်ငံ၌ ဒုတိယအကြိမ် ရင်းနှီးမြှုပ်နှံမှု ဖြစ်သည်။ ၂၀၁၄ ခုနှစ် ပထမသုံးလပတ် အတွင်းက တီပီဂျီကုမ္ပဏီသည် Apolllo Tower တယ်လီဖုန်းဆက်သွယ်ရေးလုပ်ငန်းတွင် ဒေါ်လာ သန်း ၄၀ ရင်းနှီးမြှုပ်နှံခဲ့သည်။ ဤကဲ့သို့ ရင်းနှီးမြှုပ်နှံမှုသည် စစ်အုပ်ချုပ်ရေးအဆုံးသတ်ခဲ့ပြီးနောက် မြန်မာနိုင်ငံစီးပွားရေးလုပ်ငန်းတွင် ပထမဦးဆုံး ချဉ်းနင်းဝင်ရောက်မှုပင် ဖြစ်သည်။
မြန်မာနိုင်ငံတွင် အဓိက အရက် ချက်လုပ်ငန်းတခုဖြစ်သည့် MDC ကုမ္ပဏီသည် ၀င်ငွေမြင့်မားလာသော မြန်မာနိုင်ငံ၏ လူလတ်တန်းစားများ လိုအပ်ချက်ကို ဖြည့်ဆည်းပေးနိုင်မည့် ကုန်ပစ္စည်းများ ထုတ်လုပ်ပေးလျက်ရှိသည်။ မြန်မာနိုင်ငံတွင် လူလတ်တန်းစားများ၏ ၀င်ငွေမှာ တနှစ်လျှင် ဒေါ်လာ ၁၀၄၆ မှ ဒေါ်လာ ၄၁၂၅ အထိ တိုးတက်လာမှုကြောင့် ကမ္ဘာ ဘက်က မြန်မာနိုင်ငံကို ပြီးခဲ့သော အောက်တိုဘာလတွင် ၀င်ငွေနည်းပါးသော နိုင်ငံအဖြစ်မှ ၀င်ငွေအလယ် အလတ်အောက်နိုင်ငံအဖြစ်သို့ အဆင့်တိုး မြှင့်ခဲ့သည်။
ဗုဒ္ဓဘာသာဝင် အများစုနေထိုင်သော မြန်မာနိုင်ငံတွင် အရက်သောက်သုံးမှုမှာ အရေအတွက်နည်းပါးစေကာမူ အရက်ချက်လုပ်ငန်းကြီးမှာ ကြီးထွားကျယ် ပြန့်လျက်ရှိသည်။ ယခုနှစ် စောစောပိုင်းတွင် Kirin Holdings ကုမ္ပဏီက မြန်မာ ဗျစ်ချက်စက်ရုံလုပ်ငန်းအတွက် Fraser နှင့် Neave ထံမှ ဒေါ်လာသန်း ၅၆၀ တန်ဖိုးရှိ အစုရှယ်ယာ ၅၅ ရာခိုင်နှုန်းကို ၀ယ်ယူခဲ့သည်။ မြန်မာ့ဘီယာထုတ်လုပ်မှုသည် နိုင်ငံတွင်း ဘီယာသုံးစွဲမှုဈေးကွက်၌ ၈၀ ရာခိုင်နှုန်းကို ရယူထားသည်။ ဘဏ္ဍာ ရေးဝန်ကြီးဌာနက အရက်နှင့် ဘီယာလုပ်ငန်းအခွန်ကို ၅၀ ရာခိုင်နှုန်း ၆၀ ရာခိုင် နှုန်းတိုးမြှင့်ခဲ့သည်။ သို့သော်လည်း အရက်ထုတ်လုပ်မှု လုပ်ငန်းမှာမူ ယခုနှစ်အတွင်း စံချိန်တင်မြင့်မားလာနိုင်ကြောင်း ဒေသတွင်း မီဒီယာများက ဖော်ပြခဲ့သည်။
(News Watch)
