“ပိုက်ဆံများလို့ ပိုင်တယ်ဆိုရင်လည်း လှူတယ်ဆိုတာ ဘာလဲ”
ဦးဥတ္တရကို သာသနာညှိုးနွမ်းစေတယ်လို့ပြောတယ်။ သူတို့လုပ်တဲ့ဟာကျတော့ ဗုဒ္ဓဘာသာတွေရဲ့ရင်ထဲမှာ ကြိမ် မီးအုံးသလိုဖြစ်ပြီးတော့ မခံမရပ်နိုင် ဖြစ်နေတာကျတော့ရော ဘယ်လိုလုပ်ပေးမှာလဲ။ သူတို့ဥပဒေနဲ့ ပြောမယ် ဆိုရင်တော့ ဘုန်းကြီးလေးတွေကသာ အာဂန္တုနဲ့နေပြီးတော့ ဖမ်းသွားတယ်။ အဲဒါ အကြည်ညို ပျက်စေ တယ်ဆိုတော့ လူထုတ်ပစ်လိုက်ရင် သူတို့လုပ်တဲ့အလုပ် ဆိုရင်တော့ . . .
မဟာသန်္တိသုခကျောင်းတော်ကြီးအား
ဝင်ရောက်သိမ်းဆည်း ချိပ်ပိတ်ခံရပြီး နောက် အဆိုပါကျောင်းတော်အား ပီနန်
ဆရာတော်နှင့် တပည့်ဒါယကာ၊ ဒါယိကာများ ၏ လှူဒါန်းငွေမှာ ကျပ်သိန်း ၁၀၀၀
သာရှိပြီး ကျန်သည့် ကုန်ကျစရိတ်များမှာ အခြား သူများ
လှူဒါန်းထားခြင်းဖြစ်ကြောင်း၊ ကျောင်းတော်ကြီးအား လှူဒါန်းရာတွင် လည်း
တစ်ဦးတစ်ယောက် ကလှူဒါန်းခြင်းမဟုတ်သလို တစ်ဦးတစ်ယောက်အား လှူဒါန်းခြင်း
မဟုတ်ကြောင်း၊ သို့အတွက် တစ်ဦးတည်း ပိုင်ဟု ပြောနေခြင်း မှာ
မေးခွန်းပြန်ထုတ်ရ မည်ဖြစ်ကြောင်း သာသနာရေးဝန်ကြီးဌာန အကြီးတန်းအရာရှိ
တစ်ဦးက ပြော ဆိုရေး သားမှုများ ရှိလာသည်။
ထို့ပြင် ပီနန်ဆရာတော်ကြီးမှာလည်း ၂၀၀၇
သံဃာ့အရေးအခင်းကာလက နိုင်ငံတော် သံဃမဟာနာယကအဖွဲ့ (မဟန)နှင့်
စင်ပြိုင်သဖွယ်ဖြစ်နေသည့် သံဃာ့ ဦးသျှောင်အဖွဲ့အား ပြည်ပ၌ခေါင်းဆောင်
ထူထောင်ခဲ့ သည့် အပြင် အစိုးရအား ဝေဖန် တိုက်ခိုက်ခဲ့မှုအပေါ် အာဏာပိုင်များက
အငြိုးထားကာ မဟာသန်္တိသုခကျောင်းတော် ကြီးအား ဆရာတော်ကြီး ဂျပန်နိုင်ငံသို့
ကြွရောက်နေခိုက် သိမ်းဆည်းခြင်း ဖြစ် ကြောင်းလည်း သုံးသပ်မှုများ
ဖြစ်ပေါ်လျက် ရှိသည်။ ထို့ကြောင့် သာသနာရေးဘက်မှပြောဆိုရေးသားမှုများ၊
မဟာသန်္တိသုခ ကျောင်း တော်ကြီး ၀င်ရောက်သိမ်း ဆည်းသိမ်းပိုက်ခံ ရမှုများ၊
ကျောင်းရှိ သံဃာတော်ငါးပါးအား လူဝတ်လဲ ထောင် ချခြင်းများအပေါ် ပီနန် ဆရာတော်
ဦးပညာဝံသ၏ အမြင်သဘော ထားများကိုသိရှိနိုင်ရန် မြန်မာသံတော်ဆင့်မှ
ယခုကဲ့သို့ မေးမြန်းလျှောက်ထား ခဲ့သည်များအား ဖော်ပြ လိုက်ပါသည်။ …
မြန်မာသံတော်ဆင့်သတင်းအဖွဲ့
သာသနာရေးဝန်ကြီးဌာနက
အကြီးတန်းအရာရှိ တစ်ဦးက ““မဟာသနိ်္တသုခ ကျောင်းတိုက်ပိုင်ဆိုင်မှုအတွက်
သာသနာ့ အသက်ဝိနည်း တရားတော် ကို ဖျက်ကြမည် လော””ဆိုတဲ့
ဆောင်းပါးတစ်ပုဒ်ရေးသား ထားပါတယ် ဘုရား။ အဲဒီအထဲမှာ လက်ရှိ
မဟာသနိ်္တသုခကျောင်းတော် ပိုင်ဆိုင်မှုနဲ့ ပတ်သက်လို့ အခုကျောင်းတော်ကြီးကို
တည်ဆောက်ရာမှာ ကျပ်သိန်းပေါင်း ၁၀၀၀၀ ကုန်ကျပြီး ဆရာတော်ကြီးရဲ့
တပည့်သံဃာတွေက လှူဒါန်းထား တာ ကျပ်သိန်း ၁၀၀၀ ပဲရှိကာ ကျန်တာက
အစိုးရဌာနတွေ၊ တခြားအလှူရှင်တွေက လှူဒါန်းထားတာ ဖြစ် ကြောင်း၊ ဒါဟာ
တစ်ဦးတစ်ဖွဲ့တည်းက လှူဒါန်းထားတာ မဟုတ်သလို တစ်ဦးတစ်ယောက်အတွက် ရည်ရွယ်
တာမဟုတ်၊ သာသနာအတွက် လှူတာ ဖြစ်လို့ ဘာကြောင့်တစ်ဦးတည်းပိုင်
ပြောဆိုနေခြင်းအပေါ် မေးခွန်း ထုတ်စရာ လို့ပြောဆိုပါတယ်။ ဒီအပေါ်မှာ
ဆရာတော်ဘုရား ဘယ်လိုမိန့်ကြား ချင်ပါသလဲ ဘုရား။
မြေဂရန်ပေးတဲ့အခါမှာ ဘုန်းကြီး
နာမည်နဲ့ပေးထားတာ။ စာချုပ်ကလည်း မဟာသနိ်္တသုခ ပီနန်ကျောင်း ဆရာတော်လို့
ပေးထားတာလေ။ သာသနာရေးဌာန ကလည်း စိတ်များ ကောင်းတောင်ကောင်း သေးရဲ့လားလို့
မေးကြည့်ပါဦး။ အလှူ လှူတာရယ်၊ လှူတဲ့လူရယ်၊ အလှူခံတဲ့ သူရယ်မှာ
ပိုက်ဆံများလို့ သူပိုင်တယ်ဆို ရင် ကျောင်းဒကာတွေက အဲဒီကျောင်းကို
သူတို့ပိုင်သွားမှာပေ့ါ။ တို့ဗုဒ်္ဓဘာသာထုံးစံ အရ ပြောတာပါ။ သာသနာ ရေးဌာနက
ဗုဒ္ဓဘာသာမဟုတ်လို့ ဗုဒ်္ဓဘာသာထုံးစံ မသိတာလား၊ နည်းတာများတာက အဓိ ကလားလို့
မေးခွန်း ထုတ်စရာတွေ ဖြစ်နေတာပေ့ါ။ ဗိုလ်ချုပ်မှူးကြီး
သန်းရွှေကျောင်းဆိုရင် သူတို့က ပိုက်ဆံတစ်ပြားမှာလည်း မပါဘူး။
သူတို့ဘာမှပြောသံလည်း မကြားဘူး။ အဲဒါတွေကျတော့ ဘာမှလုပ်သံ မကြားဘူး။
သူတို့ဘာသာသူတို့ ဇာတ် ထုပ်လုပ်ပြီးပြောနေတာပါ။ သဘောပေါက် ဖို့လိုတာက
သာသနာရေး ဌာနက လူတွေက ဆရာတော်ကြီး က ပြောတယ်လို့ မင်းတို့တွေ
စိတ်မှကောင်းသေးရဲ့လားလို့။ အလှူခံတဲ့လူနဲ့ အလှူပြုတဲ့သူက ပိုင် တယ်ဆို
လည်း ယူကြပေါ့လို့။ ဘာမှပြော စရာမရှိပါဘူး။ ပိုက်ဆံများလို့ပိုင်တယ် ဆို
ရင်လည်း လှူတယ်ဆိုတာ ဘာလဲ လို့လည်း မေးကြည့်ချင်ပါတယ်။ လှူတာနဲ့ ပေးတာ
နဲ့တောင် မကွဲသေးဘူးလားလို့၊ သာသနာ ရေးဌာနလုပ်ပြီး ဒီလောက်လေးတောင်
မသိရဘူးလားလို့ ဆရာတော်ကြီးက ပြော တယ်လို့လည်း ပြောလိုက်ပါဦး။
နောက်ပြီး ဒီကျောင်းတော်ကို အရင်
ဗိုလ်ချုပ်ကြီးခင်ညွန့်က မဟနအဖွဲ့ကိုအပ် နှံလှူဒါန်းပါသည်ဆိုတဲ့ သတင်းစာ
ဖြတ်ပိုင်းနဲ့ စာတွေကိုလည်း အကျယ်တ၀င့်ရေး သားထားပါတယ်။ ပြီးတော့
ဒါဟာဝိနည်း တော်အရ မှန်ကန်တဲ့ အလှူခံမှုလို့ ဆိုထားပါတယ်။ ဒါပေမဲ့
တပည့်တော်တို့သိထား တာက ဒီကျောင်းရဲ့မြေကအစ စင်ကာပူ ပီနန်
ကျောင်းတော်ဆိုပြီး ကျထားတာပါ။ ဒီအပေါ်မှာ ဆရာတော် ဘယ်လိုများမိန့်
ကြားချင်ပါသလဲ။
သူ ကျောင်းရေစက်ချ လှူထားတယ် ဆိုတာက ၁၉၉၉
ခု၊ ဒီဇင်ဘာ ၁၈ရက်က ရေစက်ချတယ်လေ။ နောက် တစ်ခါ ၂၀၀၂ ခုနှစ်မှာ
ဗိုလ်ချုပ်ခင်ညွန့်က ရေ စက်ချလှူတယ်ဆိုတာက ဘုန်းကြီး မရှိပါ ဘူး။ သူ့ဘာသာ
သူလှူလား၊ မလှူလား လည်း ဘုန်းကြီးမသိပါဘူး။ သူတို့ပြော တာပဲလေ။ ၂၀၀၂
ခုနှစ်မှာ သူတို့ကိုလှူ တယ်လို့ ပြောတယ်။ အဲဒီအတွင်း သူတို့ ပိုင်တယ်လို့
ပြောပြန်တယ်။ ၂၀၀၄ခုနှစ် ကျတော့ ဗိုလ်ချုပ်ခင်ညွန့်က ၀န်ကြီး ချုပ်
ဖြစ်သွားပြီ။ အဲဒီအခါ ဘုန်းကြီးဆီစာရေးတယ်။ အရှင်ဘုရား မကြွတာကြာတော့
တပည့်တော် သတိရနေ ပါတယ်တဲ့။ ဒီကျောင်းက အစိုးရဘက်က သိမ်းတာ မဟုတ်ပါဘူးတဲ့။
ဒါပေမဲ့ ဆရာတော် မရှိ တော့ အုပ်ချုပ် ရေးတွေ အဆင်မပြေလို့ သံဃနာယကကို
ခဏအပ်ထားရပါတယ် တဲ့။ အရှင်ဘုရား ပြန်ကြွလာရင် အရင် အတိုင်းပါပဲတဲ့။ အဲဒါ
ခင်ညွန့်ရေးတာပဲ။ ၂၀၀၄ ခုနှစ်က စာပို့ခဲ့တာပါ။
နောက်တစ်ခုက ဆရာတော်ဟာ ၂၀၀၇
ရွှေဝါရောင်တုန်းက ပြည်ပမှာ သံဃာ့ဦးသျှောင်အဖွဲ့ကို တည်ထောင်ပြီး မဟနကို
တိုက်ခိုက်ခဲ့လုိ့ အခုလိုမျိုးကျောင်း တော်ကို သိမ်းတာလို့ ပြောဆိုနေကြပါ
တယ်။ ဒီတော့ သံဃာ့ ဦးသျှောင် အဖွဲ့ကို ဘယ်လိုရည်ရွယ်ချက်နဲ့
ဖွဲ့စည်းခဲ့တယ် ဆိုတာနဲ့ အခုလိုကျောင်းတော်အသိမ်းခံရ မှုအပေါ်
ဆရာတော်ရဲ့သဘောထားကို မိန့်ကြားပေးပါ ဘုရား။
ဦးသျှောင်အဖွဲ့က ဘာလို့လုပ်လဲဆို ရင်
ဘုန်းကြီးလည်း တစ်ခါမှ နိုင်ငံရေးလုပ် တဲ့ ဘုန်းကြီးမဟုတ်ဘူး။ ဘုန်းကြီးသာ
သနာပြုဖို့ပဲ နိုင်ငံခြားမှာနေတာ။ နိုင်ငံ တကာမှာ ကျောင်းပေါင်း ၂၀ကျော်ရှိ
တယ်။ တစ်ခါမှ ကြွားဝါလုပ်တဲ့ဘုန်းကြီး လည်းမဟုတ်ပါဘူး။ ရွှေဝါရောင်မှာ
ဘုန်းကြီးတွေကို သတ်ပြုနှိပ်စက်နေတော့ မြန်မာ ပြည်ကနေ ဘုန်းကြီးဆီကို
တောင်းဆိုကြတယ်။ မြန်မာပြည်မှာတော့ ဘာမှ တောင်းဆိုခွင့်လည်း မရှိဘူး။
အမြဲတမ်းလန့် နေရပါတယ်တဲ့။ အရှင်ဘုရားတို့က နိုင်ငံ ခြားမှာ သာသနာပြုနေတော့
ကြည့်လုပ် ပေးပါ ဘုရားလုိ့ တောင်းဆိုတော့ ဘုန်းကြီးလည်း အမှန်တကယ်
စိတ်မကောင်းဖြစ်ရ တယ်။ အဲဒါကြောင့် သံဃာ့  ဦးသျှောင်ဆို ပြီး လုပ်တာပါ။
အဲဒီတော့ သံဃနာယကက အဲဒီလိုလုပ်တဲ့အချိန်အခါမှာ အစိုးရနဲ့ပြည် သူတွေ ကြားမှာ
ဘာလုပ်ဆောင်ပေးသလဲ။ သာသနာအတွက် ဘာတွေလုပ်ခဲ့သလဲဆို တာတော့ ခင်ဗျားတို့ဘာသာ
ခင်ဗျားတို့ ဆုံးဖြတ်ကြပေ့ါ။
ကျောင်းတော် သိမ်းဆည်းမှုမှာ
သံဃာတော်တွေဘက်က မလုပ်သင့်ကြောင်း တစ်သံတည်းထွက်လာပေမယ့် မဟနဘက်က
တရားဝင်ထုတ်ပြန်ကြေညာတာ တစ်စုံတစ်ရာ မရှိသေးတဲ့အပေါ်မှာကော ဘယ်လိုများ
မိန့်ကြား ချင်ပါသလဲ ဘုရား။
ဒီကျောင်းကို သူတို့ပိုင်တယ်ဆိုတာက
ဘာစာချုပ်စာတမ်းရှိလဲဆိုတာလည်း မေး ကြည့်ပါဦး။ စာချုပ်စာတမ်းနဲ့ ပြောမှ
ကောင်းမှာပေ့ါ။ ရေစက်ချတာနဲ့ ပိုင်တယ် ဆိုရင်တော့ ဘုန်းကြီးလည်း ရေစက်ချတာ
နဲ့ပိုင်မှာပဲ။ မီဒီယာ တွေလည်း ရေစက်ချ တာနဲ့ပိုင်မှာပဲ။ ထားပါတော့။
ဒီကိစ်္စနဲ့ ပတ်သက်ပြီး မဟနဘက်က ဘာမှမပြော ဘူးဆို တော့ သူတို့မှာ ဘာပြောစရာ
ရှိလို့လဲ။ လုပ်တဲ့ဟာတွေကလည်း ဦးဥတ်္တရကို သာသနာညှိုးနွမ်းစေတယ်လို့
ပြောတယ်။ သူတို့လုပ်တဲ့ဟာကျတော့ ဗုဒ်္ဓဘာသာတွေ ရဲ့ရင်ထဲမှာ
ကြိမ်မီးအုံးသလိုဖြစ်ပြီးတော့ မခံမရပ်နိုင်ဖြစ် နေတာကျတော့ရော ဘယ်
လိုလုပ်ပေးမှာလဲ။ သူတို့ဥပဒေနဲ့ပြောမယ် ဆိုရင်တော့ ဘုန်းကြီးလေးတွေကသာ
အာဂန္တုနဲ့ နေပြီးတော့ ဖမ်းသွားတယ်။ အဲဒါ အကြည်ညိုပျက်စေတယ်ဆိုတော့ လူထုတ်
ပစ်လိုက်ရင် သူတို့ လုပ်တဲ့ အလုပ်ဆိုရင် တော့ သူတို့သံဃနာယကဥပဒေနဲ့ ပြောရ
မယ်ဆိုရင်တော့ သေဒဏ်တောင် ပေးဖို့ ကောင်းတာပေ့ါ။
အခုလက်ရှိ သံဃမဟာနာယကအဖွဲ့ ကလည်း
ကျောင်းတော်ကြီးနဲ့ ပတ်သက် လို့ စိတ်မကောင်းဖြစ်နေရတယ် ဆိုတာ
တွေကြားရပါတယ်။ ဒီတော့ အခုကျောင်း တော်ကိုသိမ်းပြီး သံဃာတော်တွေကို ဖမ်း
ဆီးတဲ့အပေါ် မဟနအနေနဲ့ ဘယ်လိုမျိုး ရပ်တည်သင့်တယ်လို့ ဆရာတော် မိန့်ချင်
ပါသလဲ။
မဟာနာယကလည်း ဒီဘုန်းကြီး၃ပါး ပဲ
ဦးစီးပြီးလုပ်တာပါ။ ကျန်တဲ့ဘုန်းကြီး တွေကမသိရပါဘူး။ သူတို့ ၂ပါး၊ ၃ပါးနဲ့
အံ့မောင် လူလေး ၂ယောက်၊ ၃ယောက် တို့ သာသနာရေးဌာနကလူတွေ ပေါင်းပြီး
အခုလိုလုပ်တာ။ ဘုန်းကြီး ပြောချင်တာက မပါတဲ့ ဆရာတော်တွေကကောင်းပါတယ်။
သို့သော်လည်းပဲ မပါဘဲနဲ့ အမိန့်ထုတ်တဲ့ အခါကျတော့ ၄၇ပါးအမိန့်ဆိုတော့
သူတို့ မပြောပေမယ့်လည်း ဘုန်းကြီးသဘော ပေါက်တယ်။ ဒါပေမဲ့ စာထွက် လာတာက ၄၇
ပါးအမိန့်ဆိုတော့ ကေအသာအေငခ ကိုမှားနေ တာပေါ့။ အဲဒီဆရာတော်တွေကို ဘုန်းကြီး
က သတိပေး တယ်။ ကိုယ့်နာမည်တော့ အလွဲသုံးစားမလုပ်ပါနဲ့။ တကယ်လိုချင်ရင်
ပြော။ ဟိုနာမည်တော့ အလွဲသုံးစား မလုပ်နဲ့ ဆိုတော့လည်း သူလိုလို
သိပ်ပြောမနေနဲ့ လို့လည်း ဘုန်းကြီးက လျှောက်ချင်ပါတယ်။
ကျောင်းတော်သိမ်းဆည်းမှုမှာ သမ္မတ
အကြံပေးဆိုသူ ဦးအံ့မောင်ကြောင့် စီစဉ်မှုတွေလည်း ပါတယ်ဆိုပြီး
ဝေဖန်သံတွေရှိပါ တယ်။ နောက်ပြီး ဦးအံ့မောင်ဟာ ၂၀၀၇
သံဃာ့အရေးအခင်းတုန်းကလည်း သံဃာ တော်တွေ ကို ဖြိုခွင်းဖို့ အစီအစဉ်ချပေးခဲ့
သူလို့လည်း ပြောဆိုမှုတွေရှိပါတယ်။ ဒီလို ပြောဆိုမှုတွေ ရှိတဲ့အပေါ်မှာ
မဟာသနိ်္တ သုခကျောင်းတော်ကြီး သိမ်းခံရတာနဲ့ပတ် သက်လို့ ဆရာတော်ကြီး
ဘယ်လိုများ မိန့်ကြားချင်ပါသလဲဘုရား။
အံ့မောင်ဆိုတာက တစ်ကမ္ဘာလုံးသိတဲ့
သာသနာဖျက်တဲ့ကောင်။ အဲဒီသာသနာ ဖျက်တဲ့ကောင်က ဆရာတော် တွေနဲ့
သွားပေါင်းတဲ့အခါကျတော့ ဘုန်းကြီးတွေပါ နာမည်ပျက်နေတာပေ့ါ။ ဒါကြောင့်
ဘုန်းကြီးကလည်း စိတ်မကောင်းပါဘူး။ တို့ ဆရာတော်တွေက အလကားသက်သက်
နာမည်ပျက်နေတာပေ့ါ။ မုဆိုးနားနီးမုဆိုး၊ တံငါနားနီး တံငါဆိုတော့
မကောင်းတဲ့သူ နဲ့သွားပေါင်းတော့ မကောင်းတဲ့စိတ်ဝင်လာ တာပေ့ါ။ အံ့မောင်က
လည်း အဲဒီကျောင်းတွေက စားသောက်နေရတော့ အဲဒီကျောင်းကို အသေရရ အရှင်ရရ လက်
မလွှတ်နိုင် ဘဲဖြစ်နေတာ။ အဲဒါ လက်မလွှတ် နိုင်တာကို သူ့အနေနဲ့လုပ်လို့မရတော့
သံဃနာယကဆိုပြီး နာမည်သုံးပြီး တော့ အံ့မောင်က လုပ်နေတဲ့အလုပ်တွေပေ့ါ။
အခုကျောင်းတော် သိမ်းတဲ့ကိစ္စမှာ
ဓမ္မစက်နဲ့လုပ်မရလို့ အာဏာစက်နဲ့ လုပ်တာလို့ သာသနာရေးဘက်က
ပြောဆိုတာတွေရှိပါတယ်။ ဆရာတော့်အနေနဲ့ကော ဒီအပေါ်မှာ ဘယ်လိုများမိန့်ကြား
ချင်ပါသလဲဘုရား။
ဓမ္မစက်က ဘာဓမ္မစက်လဲလို့၊ သူခိုး
ဓမ္မစက်လားလို့၊ ဓမ္မစက်ဆိုတာက တရားသဖြင့် လုပ်တာကိုပြောတာလေ။ မဟာ
သနိ်္တသုခကို သံဃနာယကကလည်း သူပိုင်တယ်ပြောတယ်။ ဘုန်းကြီးကလည်း
ပိုင်တယ်ပြောတယ်။ ဒီကျောင်းကိုတက် သိမ်းဖို့လည်း မလိုပါဘူး။ စိစစ်ပေ့ါ။ ဘယ်
သူကမှန်လဲ။ ဘယ်သူ့မှာ စာချုပ်စာတမ်း ရှိလဲ။ ဘယ်သူ့မှာ မရှိလဲ။ အခုတော့
အဲဒီလိုလုပ်တဲ့အတွက် အာဏာစက်ရော၊ ဓမ္မစက်ရော ဆိုတာသိရဲ့လား။ အာဏာရှင်
ဓမ္မစက်၊ အာဏာရှင် အာဏာရှင်စက်ပဲ ဖြစ်မှာပဲ။ ဒီမိုကရေစီ ဓမ်္မစက်၊ ဒီမိုကရေစီ
အာဏာစက် တော့ဖြစ်မှာ မဟုတ်ဘူး။ သူတို့မဟုတ်တာ လုပ်တာကို ခံနေရမှာ လား။
မြန်မာပြည်ကတော့ ခံပေ့ါကွာ။ သူတို့ပြောမှပဲ ကြားဖူးတော့တယ်။
လက်ရှိ သိမ်းဆည်းခံထားရတဲ့ ကျောင်းတော်နဲ့ ပတ်သက်လို့ ဘယ်လိုပုံ စံမျိုး ဖြေရှင်းသင့်တယ်ဆိုတာ မိန့်ကြား ပေးပါဦးဘုရား။
အငြင်းပွားနေကြတယ်ဆိုတော့
ဝိနိစ္ဆယရုံးမှာပဲဖြစ်ဖြစ်၊ တရားရုံးမှာပဲဖြစ်ဖြစ် ဖြေ ရှင်းဖို့လိုတာပေါ့။
ဘယ်သူက အမှန်လဲ၊ ဘယ်သူကမှားလဲ၊ မှားတဲ့လူက ပေးလိုက် ပေ့ါ။
သံဃနာယကမှာလုပ်မယ်ဆိုတော့ သံဃနာယက က မဟုတ်တဲ့ ၀ိနည်းတွေနဲ့
လျှောက်ပြောနေတော့ ဘယ်သူကလက်ခံ မလဲ။ စာချုပ်စာတမ်းနဲ့ပတ်သက်တာ ဆို တော့
တစ်ဖက်သတ်ဆုံးဖြတ်လို့တော့ မရ ဘူးပေ့ါ။ မှန်ကန်တဲ့လူကို အနိုင်ပေးလိုက်
ပေ့ါ။ ဒါက လွယ်လွယ် လေးပါ။ အလယ်က တရားသူကြီး လုပ်တဲ့သူကတော့ မှန်ကန်ဖို့
လိုတာပေါ့။ ဘယ်သူ့ဘက်မှ မလိုက်နဲ့ပေ့ါ။ သံဃနာယကကလို ငါအကြီးဆုံး။
ငါလုပ်ချင်တာလုပ်မယ်ဆိုတာတော့ ဘုန်းကြီးက လက်မခံဘူးလေ။
ကျောင်းတော်သိမ်းဆည်းခံရတာ ကြောင့်
သံဃာ့အရေးအခင်းဖြစ်မှာကိုလည်း စိတ်ပူပန်တာတွေရှိနေပါတယ် ဘုရား။
ဒီအပေါ်မှာကော ဘယ်လိုမျိုး မိန့်ကြားချင်ပါသလဲ ဘုရား။
အဲဒါကတော့ အုပ်ချုပ်ရေးကင်းမဲ့နေတာမှ
မဟုတ်ဘဲလေ။ အုပ်ချုပ်ရေးလုပ်တဲ့ အစိုးရက ဒီကိစ္စကို တရား သဖြင့် လုပ်ပေး
ပေ့ါ။ ဒါက အုပ်ချုပ်တဲ့လူတွေရဲ့ တာဝန်ပဲ။ တရားသဖြင့် မလုပ်ရင်တော့
အရေးအခင်း ကြီးဖြစ် သွားမှာပေါ့။ အုပ်ချုပ်တဲ့သူတွေက ဘက်လိုက်နေရင်တော့ ဒါ
အရေးအခင်း ဖြစ်သွားမှာ သေချာတာပေါ့။ အရင်တုန်းက ရခိုင်မှာဖြစ်တဲ့ကိစ္စတွေ၊
မိတီ်္ထလာမှာ ဖြစ်တဲ့ကိစ္စတွေလို ဗုဒ္ဓဘာသာနဲ့ရော၊ မွတ်ဆလင်နဲ့
ရောဘာမှမဆိုင်ဘူး။ သေချာ မရှင်းတဲ့အခါကျတော့ မြန်မာ-မွတ်ဆလင်
အဓိကရုဏ်းဖြစ်သွားတာပေါ့။ ဒါကိုအုပ် ချုပ်တဲ့သူတွေ သဘောပေါက်ပြီး မှန်မှန်
ကန်ကန်ဖြေရှင်းပေးဖို့တော့ လိုတာပေ့ါ။
မဟာသနိ်္တသုခကျောင်းတော်နဲ့ ပတ် သက်လို့ တပည့်တော် မမေးမိတာထဲက ဖြည့်စွက် မိန့်ကြားချင်တာများရှိရင် မ်ိန့် ကြားပါဦးဘုရား။
သမ္မတဆီကို ဘုန်းကြီးအနေနဲ့ မေတ္တာရပ်ခံဖို့
စီစဉ်ထားတယ်။ သမ်္မတနဲ့ တကွ ဒီမိုကရေစီပြောင်းလဲဖို့ ဆောင် ရွက်နေကြတဲ့
ဦးသျှောင်တွေကို အခုလိုဖြစ်ပျက်နေ တဲ့ဟာတွေကို
အမြန်ဆုံးဖြေရှင်းပေးဖို့ပေါ့။ မဖြေရှင်း ရင်တော့ ဒီမိုကရေစီက အန္တရာယ်
ဖြစ်နေတယ်ဆိုတာကို ဘုန်းကြီးကမေတ္တာ ရပ်ခံဖို့ စာရေးနေ ပါတယ်။ သမ္မတကို
အဓိကထားပြီးတော့ပေ့ါ။ နေပြည်တော်ကို စာပို့ဖို့ ဘုန်းကြီးရေးနေပါတယ်လို့
ပြော ချင်ပါတယ်။
မြန်မာသံတော်ဆင့်
ဒေါင်းမာန်ဟုန်မှ ကူးယူဖော်ပြသည်။
ဒေါင်းမာန်ဟုန်မှ ကူးယူဖော်ပြသည်။
