 |
| သတင်းထောက်များ၏ မေးမြန်းမှုကို ဖြေကြားနေသော ဗိုလ်ချုပ်မောင်မောင်အုန်း (ဓာတ်ပုံ- နစ်ကီ) |
ရခိုင်ပြည်နယ် ၀န်ကြီးချုပ်အဖြစ် ခန့်အပ်မည်ဟု သတင်းများထွက်ပေါ်နေသော ဗိုလ်ချုပ်မောင်မောင်အုန်းကို တပ်မတော်သား ပြည်နယ်လွှတ်တော် ကိုယ်စားလှယ်အဖြစ် ပြည်ထောင်စုရွေးကောက်ပွဲ ကော်မရှင်က ခန့်အပ်လိုက်သည်။
ရခိုင်ပြည်နယ်၊ ရန်ကုန်တိုင်းဒေသကြီးနှင့် မကွေးတိုင်းဒေသကြီး လွှတ်တော်တို့မှ တပ်မတော်သားကိုယ်စားလှယ် ခြောက်ဦးကို ဇွန်လ ၂၀ ရက်စွဲဖြင့် ပြည်ထောင်စုရွေးကောက်ပွဲကော်မရှင်က အစားထိုးခန့်အပ်ခဲ့ခြင်း ဖြစ်သည်။
နယ်စပ်ရေးရာ ဒုဝန်ကြီးအဖြစ် တာဝန်ထမ်းဆောင်ခဲ့သော ဗိုလ်ချုပ်မောင်မောင်အုန်းသည် အစားထိုးခန့်အပ်ခြင်းခံသူ ကိုယ်စားလှယ်ခြောက်ဦးတွင် ရာထူးအမြင့်မားဆုံး တပ်မတော်အရာရှိအဖြစ် ပါဝင်လာခြင်းလည်းဖြစ်ပြီး ကျန် ငါးဦးမှာ ဗိုလ်ကြီးအဆင့်ရှိသူများသာ ဖြစ်ကြသည်။
ရခိုင်ပြည်နယ် ၀န်ကြီးချုပ်ဦးလှမောင်တင်ကို ရာထူးမှ နုတ်ထွက်ခွင့်ပြုကြောင်း နိုင်ငံတော်သမ္မတရုံးက ဇွန်လ ၁၉ ရက်စွဲဖြင့် ထုတ်ပြန်ခဲ့သည်။
ဗိုလ်ချုပ်မောင်မောင်အုန်းကို ရခိုင်ပြည်နယ်ဝန်ကြီးချုပ်အဖြစ် ခန့်အပ်လိမ့်မည်ဟု အစိုးရအဖွဲ့မှ တာဝန်ရှိသူ အချို့နှင့် အစိုးရနှင့် နီးစပ်သူများက 7Day Daily သို့ ဇွန်လ ၁၉ ရက်တွင် ပြောကြားထားသည်။
ဗိုလ်ချုပ်မောင်မောင်အုန်းကို ရခိုင်ပြည်နယ်ဝန်ကြီးချုပ်အဖြစ် ခန့်အပ်မည်ဆိုပါက ဦးစွာပြည်နယ်လွှတ်တော်တွင် တပ်မတော်သားကိုယ်စားလှယ်အ ဖြစ် တာဝန်ပေးရမည် ဖြစ်သည်။
တပ်မတော်သား ပြည်နယ်လွှတ်တော်ကိုယ်စားလှယ်အား ပြည်နယ်ဝန်ကြီးချုပ်အဖြစ် ခန့်အပ်ခြင်းမှာ ဗိုလ်ချုပ်မောင်မောင်အုန်းသည် ဒုတိယမြောက်ဖြစ်ပြီး လက်ရှိကရင်ပြည်နယ် ၀န်ကြီးချုပ်ဦးဇော်မင်းသည် တပ်မတော်သား ပြည်နယ်လွှတ်တော်ကိုယ်စားလှယ်မှ ပြည်နယ်ဝန်ကြီးချုပ်ဖြစ်လာသူ ဖြစ်သည်။
လက်ရှိ ကာကွယ်ရေးဝန်ကြီး ဒုတိယဗိုလ်ချုပ်ကြီးဝေလွင်သည်လည်း ရန်ကုန်တိုင်းဝန်ကြီးချုပ်အဖြစ် ခန့်အပ်ရန်အတွက် တိုင်းဒေသကြီး တပ်မတော်သားကိုယ်စားလှယ်အဖြစ် ခန့်အပ်ခဲ့ဖူးသည်။
7Day Daily
http://7daydaily.com/story/13789#.U6V18Ci8RnE
