နေပြည်တော် သြဂုတ် ၂၆
ညောင်ဦးမြို့နယ် အတွင်း ရောက်ရှိ နေသော တောဆင်ရိုင်း ခြောက်ကောင် သည် ယနေ့ညနေ ၅ နာရီခန့်တွင် ကျောက်ပန်းတောင်း မြို့၏ အနောက်မြောက် ယွန်းယွန်းရှိ ကြပ်ထောင် ကျေးရွာ အနီး ရောက်ရှိ
နေကြောင်း၊ ဒေသခံပြည်သူ များကို ရန်မူခြင်း မရှိကြောင်း သိရသည်။
''သြဂုတ် ၂၅ ရက် ညနေ ၆ နာရီနဲ့ ည ၇ နာရီကြားမှာ တောဆင်ရိုင်း ခြောက်ကောင်က ရွှေလိုက်ကျေးရွာ၊ ချောင်းရှည်ကျေးရွာနဲ့ နတ်ပလ္လင် ကျေးရွာတို့ရဲ့ အလယ်ဗဟိုဧရိယာထဲ ရောက်ရှိလာပါတယ်။ အဲဒီကနေဆက် ပြီး ထွက်လာတာ ည ၁ဝ နာရီလောက်မှာ မြကန်ကို ဆက်သွားပါတယ်။ နမင်းမှေးကျေးရွာကိုတော့ နံနက် ၂ နာရီလောက်မှာ ဖြတ်ပါတယ်။ အဲဒီကနေ ဆင်တွေကို မျက်ခြည်ပြတ်သွားခဲ့တယ်။ ဒီနေ့ မနက် ၈ နာရီ လောက်မှာ တော့ ရွာဘို၊ ရွာသစ်ရွာတွေကိုဖြတ်သွားတယ်လို့ ဒေသခံထန်းတက်သမား တစ်ဦးက ပြောပြလို့ခြေရာခံပြီး တောဖြန့်ရှာတဲ့အခါ ကျောက်ပန်းတောင်း မြို့ရဲ့ အနောက်မြောက်ဘက် ကြပ်ထောင်ကျေးရွာအနီးမှာ ခြေရာခံမိခဲ့ပါ တယ်။
''တောဆင်ရိုင်းတွေက တစ်နေ့ကို ရွေ့နှုန်း မိုင် ၂ဝ ကျော် လျှောက်နေ ပါတယ်။ ဆင်တွေက နေ့ခင်းဘက်မှာခဏနားပြီး ဆက်လက်အစာရှာထွက်တယ်။ လမ်းကြောင်းတစ်လျှောက်လုံးမှာ
တောဆင်ရိုင်းတွေက ဒေသခံတွေ ကို ရန်မူတာ မရှိခဲ့ပါဘူး။
အရင်ဖြစ်ခဲ့တဲ့ ဖြစ်ရပ်တွေကလည်း ဒေသခံတွေက ဆင်ရိုင်းတွေအနားကို တိုးပြီး ဓာတ်ပုံရိုက်တာ၊ ဝိုင်းပြီး ခြောက်လှန့်တာတွေ လုပ်လို့ ဆင်ရိုင်းတွေက သူတို့ကိုယ်သူတို့ ကာကွယ်ရင်းနဲ့ ဒေသခံတွေ ထိခိုက် ဒဏ်ရာရတာတွေဖြစ်ခဲ့တာပါ။ တော ဆင်ရိုင်းတွေက လူများများနဲ့ မနေဖူး တဲ့အတွက် လူမြင်ရင် မငြိမ်ဘူး'' ဟု တောဆင်ရိုင်း ထိန်းသိမ်းရာတွင် လိုက်ပါဆောင်ရွက်သည့် တာဝန်ရှိသူ တစ်ဦးက ပြောသည်။
အဆိုပါ တောဆင်ရိုင်များကို မူရင်းဒေသဖြစ်သည့် ပဲခူးရိုးမသို့ ပြန်လည်ပို့ဆောင်ရာတွင် တောဆင် ရိုင်းထိန်းသိမ်းရာ၌ ဝါရင့်အတွေ့ အကြုံရှိသော ဆင်ဆရာဝန် ဒေါက်တာ စည်သူဝမ်ထွန်း ဦးစီး အင်အား ၃၅ ဦး၊ တောဆင်ရိုင်းများ ကျေးရွာများသို့ ဝင်ရောက်မှုမရှိစေ ရေး၊ လမ်းကြောင်းပိတ်ဆို့ရေး ဆောင်ရွက်ရန် ညွှန်ကြားရေးမှူး နှစ်ဦး ဦးစီးအင်အား ၂၈ ဦးတို့ လိုက် ပါဆောင်ရွက်လျက်ရှိကြောင်း၊ တော ဆင်ရိုင်းများအား နေရပ်သို့ပြန်လည် ပုိ့ ဆောင်ရာတွင် မြန်မာ့သစ်လုပ်ငန်း အထွေထွေ အုပ်ချုပ်ရေးဦးစီးဌာနနှင့် မြန်မာနိုင်ငံရဲတပ်ဖွဲ့တို့က ဦးစီး၍ ဆောင်ရွက်နေကြောင်း သိရသည်။
''ဆင်တွေက ဒေသခံတွေကို အန္တရာယ်မပြုပါဘူး။ သူတို့က သူတို့ ဘာသာ လျှောက်သွားနေတာပါ။ ဒေသခံတွေကိုလည်း ဆောင်ရန်၊ ရှောင်ရန်လေးတွေကို သက်ဆိုင်ရာ က ဟောပြောပွဲလေးတွေ ပြုလုပ် ပေးနေပါတယ်။ ဆင်တွေနဲ့ ဧရိယာ ငါးမိုင်ပတ်လည်က ဒေသခံတွေကို အရင်နေ့ကဖြစ်ခဲ့တဲ့ ဖြစ်ရပ်လေး တွေ၊ မှတ်တမ်းတွေနဲ့ ပညာပေး အစီအစဉ်တွေ လုပ်ပေးတယ်။ လုပ်ငန်းခွင်ထဲရောက်နေတဲ့ ဒေသခံ တောင်သူတွေကိုလည်း ပြန်ခေါ် တယ်။ မြန်မာနိုင်ငံ ရဲတပ်ဖွဲ့နဲ့ မြန်မာ့သစ်လုပ်ငန်းက တာဝန်ရှိသူ တွေကလည်း ဆင်နဲ့နီးတဲ့ ဧရိယာ အတွင်းကို ဒေသခံတွေ ဝင်မလာနိုင် အောင် ဝါးလုံးတားပြီး ဆောင်ရွက် ပေးနေပါတယ်။ အဲဒီနောက် ဒေသခံ တွေထိခိုက်မှုမရှိအောင်Hand Speaker တွေကိုင်ထားပြီး အခြေ အနေကို အဆက်မပြတ် သတင်းပို့ ပေးတယ်။ ဌာနပေါင်းစုံနဲ့ပူးပေါင်းပြီး ဆောင်ရွက်ပေးနေပါတယ်။
''ဒါပေမယ့် ဒေသခံတချို့က မလိုက်နာဘူး။ ဆင်တွေနောက်ကို အနီးကပ်လိုက်ကြည့်တယ်။ ဒေသခံ တွေ စည်းကမ်းချိုးဖောက်တာဟာ လုပ်ငန်းမှာ အများကြီးအနှောင့် အယှက်ဖြစ်ပါတယ်။ တောဆင်ရိုင်း တွေ မူရင်းဒေသကိုရောက်ရှိအောင် ဆောင်ရွက်တဲ့အခါမှာ ဒေသခံတွေ ကပါ ဝိုင်းဝန်းပြီး စည်းကမ်းရှိရှိ လိုက်နာကြမယ်၊ ကူညီကြမယ်ဆိုရင် လမ်းကြောင်း တစ်လျှောက်မှာရှိတဲ့ ကျေးရွာတွေကို ထိခိုက်မှုမရှိဘဲ ချောချောမွေ့မွေ့နဲ့ မူရင်းဒေသကို ပြန်လည်ပို့ဆောင် နိုင်မှာဖြစ်ပါတယ်။ တောဆင်ရိုင်းတွေသွားတဲ့ လမ်း ကြောင်း တစ်လျှောက်က ဒေသခံ တွေရဲ့ အသက်အိုးအိမ်စည်းစိမ်တွေ ကို မထိခိုက်စေဖို့ ဆင်ယဉ်ကွန်ဂျီဆင် ကြီး ခြောက်ကောင်ကို အသုံးပြုပြီး တောဆင်ရိုင်းတွေရဲ့ နေရပ်ကို ပြန် လည်ထိန်းကျောင်း ပို့ဆောင်သွား မှာပါ'' ဟု ၄င်းက ဆက်လက် ပြောကြားသည်။
တောဆင်ရိုင်းများကို မူရင်း ဒေသ ပဲခူးရိုးမသို့ ပြန်လည်ပို့ဆောင် ရာတွင် ဒေသခံတချို့က ဆောင်ရန်၊ ရှောင်ရန်များကို လိုက်နာမှုမရှိဘဲ စည်းကမ်းများချိုးဖောက်နေကြောင်း သိရသည်။ နတ်မောက်-မြို့သစ်-ကန်ပြားလမ်း ရိုးမတော ဧရိယာ အနီးရှိ ကျေးရွာများသို့ ဖြတ်သန်း သွားရမည်ဖြစ်၍ ဒေသခံများအပေါ် အန္တရာယ်မကျရောက်စေရန် ဆင် ထိန်းသိမ်းရေး ကျွမ်းကျင်သူများနှင့် ပိတ်ဆို့ရေးအဖွဲ့များက အထူး ကြိုးစား ဆောင်ရွက်လျက်ရှိသည်။ ဒေသခံများအနေဖြင့် တောဆင်ရိုင်း များအား ဝိုင်းဝန်းကြည့်ရှုခြင်း၊ ခြောက်လှန့်ခြင်း၊ ဓာတ်ပုံရိုက်ခြင်း များ မပြုလုပ်ရန် လိုအပ်ကြောင်း၊ သို့မှသာ တောဆင်ရိုင်းများကို မူရင်း ဒေသသို့ ပို့ဆောင်ရာတွင် ချောမွေ့ မြန်ဆန်မည်ဖြစ်ကြောင်း တာဝန်ရှိသူ တစ်ဦးက ပြောသည်။
သတင်း-ဇူလိုင်မိုး(မြန်မာ့အလင်း)
ဓာတ်ပုံ-ရဲသူရအောင်(ညောင်ဦး)
Myanmaalinn
https://www.facebook.com/MYANMAALINNNEWS
