တောင်ကြီး တန်ဆောင်တိုင် မီးပုံးပြိုင်ပွဲသတင်းစုံ

Thursday, 06 November
 ရန်ကုန်၊ နိုဝင်ဘာ ၆ မိုးတွေ ရက်ဆက်ရွာသွန်းပြီး မြူတွေ ထူထပ်နေတာကြောင့် တောင်ကြီး တန်ဆောင်တိုင် မီးပုံးပျံ ပြိုင်ပွဲကို နိုဝင်ဘာလ ၆ ရက်နေ့ ညနေ ၆ နာရီမှာ ရပ်ဆိုင်းဖို့ ဆုံးဖြတ်လိုက်ပြီလို့ ပြိုင်ပွဲကျင်းပရေး ကော်မတီထံကနေ စုံစမ်းသိရှိရပါတယ်။ ပြိုင်ပွဲမဝင်ရသေးတဲ့ မီးပုံးပျံ ၄၀ ကျော်ကျန်နေသေးပေမယ့် ရာသီဥတုက အရမ်းဆိုးနေတာကြောင့် ပွဲရပ်ဆိုင်းဖို့ ဆုံးဖြတ်လိုက်ရတာလို့ အဲဒီကော်မတီရဲ့ အဖွဲ့ဝင် တစ်ဦးက ရှင်းပြပါတယ်။ နိုဝင်ဘာလ ၅ ရက်နေ့ကလည်း တစ်ညလုံး မိုးတွေ ရွာနေတဲ့ကြားက စိန်နပန်နဲ့ မီးကျည် အမျိုးအစား မီးပုံးပျံနှစ်လုံးကိုပဲ လွှတ်တင်နိုင်ခဲ့တယ်၊ ဒီနေ့ညမှာလည်း လွှတ်တင်ချင်ပေမယ့် မိုးက မရပ်တော့ ပွဲရပ်ရတာလို့ သူက ဆိုပါတယ်။ တောင်ကြီးမြို့နယ်၊ အဝေရာ မီးပုံးပျံကွင်း အတွင်း အောက်တိုဘာလ ၃၀ ရက်နေ့ကနေ နိုဝင်ဘာလ ၆ ရက်နေ့ အထိ ညမီးကျည်၊ စိန်နပန်၊ နေ့အရုပ်တွေ ပါဝင်တဲ့ မီးပုံးပျံ ၁၉၇ လုံး ပြိုင်ပွဲဝင်ခဲ့ပါတယ်။ ပြိုင်ပွဲဝင် နောက်ဆုံးရက် ဖြစ်တဲ့ နိုဝင်ဘာလ ၆ ရက်နေ့မှာ မလွှတ်ရသေးတဲ့ မီးပုံးပျံ ၄၆ လုံး ကျန်ရှိနေသေးပါတယ်။ “ပြိုင်ပွဲဝင်ဖို့ မီးပုံးပျံ တစ်လုံးကို သိန်းလေးဆယ်လောက် ရင်းခဲ့ရတာ။ မိုးက ဆက်တိုက်ရွာနေတော့ မီးပုံးပျံ လွှတ်လို့မရဘူး” လို့ ရှမ်းပြည်နယ်အစိုးရအဖွဲ့ရဲ့ တာဝန်ရှိသူတစ်ဦးက ဆိုပါတယ်။ ဖြစ်နိုင်ရင် မိုးလေစောင့်ကြည့်ပြီး အခြေအနေကောင်းတယ် ဆိုရင်တော့ ပြိုင်ပွဲဝင်သူတွေကို မီးပုံးပျံ လွှတ်ခွင့်ပြုဖို့ လတ်တလော ဒိုင်အဖွဲ့နဲ့ ညှိုနှိုင်းနေပါတယ်လို့လည်း သူက ဆက်ပြောပါတယ်။ ရာသီဥတု ဆိုးရွားမှုကြောင့် လတ်တလောမှာ မလွှတ်တင်ရသေးတဲ့ ညမီးကျည် အမျိုးအစား မီးပုံးပျံ ၃၆ လုံးနဲ့ စိန်နပန် ၁၀ လုံး ကျန်ရှိနေသေးတယ်။ တောင်ကြီးမြို့နယ်ရှိ ရပ်ကွက် ၂၂ ခုမှာ မီးပဒေသာ အလှဆင် ပြိုင်ပွဲတွေပါ ဆင်နွဲဖို့ ကျန်နေသေးတယ်လို့ ဒေသခံတွေက ပြောပါတယ်။ မလွှတ်တင်ခဲ့ရသေးတဲ့ မီးပုံးပျံတွေကို လာမယ့် နိုဝင်ဘာ ၁၈ ရက်နေ့မှာ အဝေရာကွင်းအတွင်း ထပ်မံကျင်းပမယ့် ရှမ်းပွဲတော်မှာ လွှတ်တင်ခွင့် ပြုမယ်လို့ မီးပုံးပျံ ပြိုင်ပွဲ ကျင်းပရေး ကော်မတီ ဆီကနေ သိရပါတယ်။ ပြိုင်ပွဲဝင်သူတွေကို နစ်နာကြေးအဖြစ် ငွေကျပ် ငါးသိန်း ထောက်ပံ့မှာဖြစ်ပြီး လွှတ်တင်ခဲ့တဲ့ ညမီးကျည် ၈၄ လုံးနဲ့ စိန်နပန် ၃၅ လုံးတို့က ပြိုင်ပွဲဝင်တွေကို နိုဝင်ဘာလ ၇ ရက်နေ့မှာ ဆုပေးပွဲ ကျင်းပပေးသွားမယ်လို့ အဲဒီကော်မတီ ဆီကနေ သိရပါတယ်။ တောင်ကြီးမှာ မီးပုံးပျံ ပျက်ကျတာ၊ ပြုတ်ကျတာ နှစ်ခုဖြစ်ပွားခဲ့တဲ့အတွက် လူသုံးဦး သေဆုံးခဲ့ပြီး လူ ၁၄ ဦး မီးလောင်ဒဏ်ရာ ရရှိခဲ့ပါတယ်
The Voice Weekely
============================================
တောင်ကြီး တန်ဆောင်တိုင်ပွဲတော် ခြောက်ရက်မြောက်နေ့၊ နိုဝင်ဘာ ၄ ရက် ည ၁၀ နာရီ ဝန်းကျင်မှာ ယမ်းပိဿာချိန် ၃၀ ကျော်ပါတဲ့ မီးပုံးပျံတစ်လုံး ပြုတ်ကျလို့ လေးနှစ်အရွယ် ကလေးတစ်ဦး သေဆုံးခဲ့ပြီး လူနှစ်ဦး ဒဏ်ရာရရှိခဲ့တယ်လို့ တောင်ကြီးမြို့ ရဲတပ်ဖွဲ့စခန်းကနေ သိရပါတယ်။
မီးပုံးပျံပြိုင်ပွဲ ကျင်းပတဲ့ အဝေရာကွင်းအတွင်းမှာ အေးသာယာ ရပ်ကွက်သားတွေက ရောင်စုံ အမည်နဲ့ လွှတ်တင်ခဲ့တဲ့ အဆိုပါ မီးပုံးပျံဟာ အမြင့်ပေ ၂၀၀ ဝန်းကျင်ကနေ အဝေရာကုန်းပေါ်ရှိ ယာယီတဲတွေ ဘက်ကို ပြုတ်ကျခဲ့ပြီး တဲအိမ်တစ်လုံး မီးလောင်ကျွမ်းခဲ့တယ်၊ ဒဏ်ရာရရှိသူ နှစ်ဦးကတော့ သေဆုံးသူရဲ့ အမေဖြစ်သူနဲ့ ညီဖြစ်သူ (၄၅ ရက်သား) ကလေးငယ်တို့ ဖြစ်တယ်လို့ အဲဒီရဲစခန်းက ရဲအရာရှိတစ်ဦးက ပြောပါတယ်။
တဲအိမ်အတွင်း အိပ်ပျော်နေတဲ့ မိသားစု ငါးဦးအနက် နှစ်ဦးမှာ ထွက်ပြေး လွတ်မြောက်ခဲ့ပေမယ့် အသက် ၄ နှစ်အရွယ် ကလေးငယ် သေဆုံးခဲ့တယ်လို့ တောင်ကြီးမြို့ ရဲတပ်ဖွဲ့စခန်းကနေ သိရပါတယ်။
မိခင်ဖြစ်သူနဲ့ ၄၅ ရက်သား ကလေးငယ်တို့မှာ မီးလောင်ဒဏ်ရာတွေ ရရှိခဲ့တဲ့အတွက် တောင်ကြီးမြို့နယ်ရှိ စဝ်စံထွန်းဆေးရုံမှာ ဆေးကုသမှု ခံယူနေရတယ်လို့ တောင်ကြီးမြို့ ရဲတပ်ဖွဲ့စခန်းက ရဲအရာရှိတစ်ဦးက ပြောပါတယ်။
နိုဝင်ဘာလ ၁ ရက် နံနက် ၁ နာရီခန့်ကလည်း မီးပုံးပျံတစ်လုံး ပျက်ကျခဲ့လို့ လူနှစ်ဦး သေဆုံးခဲ့ပြီး လူ ၁၂ ဦး မီးလောင်ဒဏ်ရာ ရရှိခဲ့ပါတယ်။