 |
| တနင်္သရီတိုင်းဒေသကြီးဝန်ကြီးချုပ် ဦးမြတ်ကို မှ အမှာစကားပြောကြားစဉ်။ ဓာတ်ပုံ-ထားဝယ်မြို့တော် |
ထိုဂိတ်သည် ဗန်ကောက်မှ ကီလိုမီတာ ၇၀ ကျော် ကွာဝေးကာ ထားဝယ်မြို့နှင့် ကီလို မီတာ ၁၆၀ ကျော် ကွာဝေးသည်။
ထိုလမ်းကြောင်း တရားဝင် ဖွင့်လှစ်လိုက်ခြင်းဖြင့် တနင်္သာရီတိုင်းထွက် ရေလုပ်ငန်း ပို့ကုန်များ ထိုင်းသို့ လွယ်ကူစွာ တင်ပို့နိုင်တော့မည် ဖြစ်သလို ထိုင်းနိုင်ငံ ဘက်မှလည်း ဆောက်လုပ်ရေး ပစ္စည်းများ တင်ပို့နိုင်ကြရန် ပြင်ဆက်လျက် ရှိကြောင်းလည်း ဦးအောင်ခိုင် က ပြောသည်။
ထီးခီး ဂိတ်သည် ထိုင်း-မြန်မာ ပူးပေါင်းဆောင်ရွက်နေသည့် ထားဝယ် ရေနက် ဆိပ်ကမ်းသို့ သွားရောက်နိုင် သည့် အလွယ်ကူဆုံး လမ်းကြောင်း တခုလည်း ဖြစ်သည့် အပြင် ဘန်ကောက် မဟာချိုင် ဒေသရှိ မြန်မာ့
ရွှေ့ပြောင်း အလုပ်သမားများ မြန်မာနိုင်ငံသို့ ပြန်ရန်အတွက် သွားလာရန် လွယ်ကူသော လမ်းကြောင်းတခု
ဖြစ်လာနိုင်ဖွယ်ရှိကြောင်း “ထိုင်းနိုင်ငံရောက် မြန်မာ လုပ်သားများ ကူညီစောင့်ရှောက်ရေးအဖွဲ့” ၏ အဖွဲ့ဝင် တဦးလည်း ဖြစ်သည့် ဦးအောင်ခိုင် က ပြောသည်။
ယာယီ နယ်စပ် ဖြတ်ကျော်ခွင့် လက်မှတ်များလည်း ထုတ်ပေးမည်ဖြစ်ကာ ဒေသခံများလည်း အပြန်အလှန် ကူးလူး သွားလာနိုင်ကြတော့မည် ဖြစ်ပြီး ရက်ပေါင်း မည်မျှကြာ နေထိုင်ခွင့် ရမည်ကိုမူ ထပ်မံ၍ အသိပေးသွားမည်ဟု ဦးအောင်ခိုင် က ဆိုသည်။
လက်ရှိတွင် ထိုင်း-မြန်မာ နယ်စပ်ဂိတ် ၆ ခုရှိပြီး ၎င်းတို့မှာ တာချီလိတ်၊ မြဝတီ၊ ဘုရားသုံးဆူ၊ မောတောင်၊ ထီးခီး၊ ကော့သောင်း နယ်စပ် ဂိတ်တို့ ဖြစ်ကြသည်။
၂၀၁၁-၂၀၁၂ ခုနှစ်၌ ထိုင်း-မြန်မာ နယ်စပ် ကုန်သွယ်မှုမှာ အမေရိကန် ဒေါ်လာ ၃.၀၄၆ ဘီလီယံ ရှိကာ ၂၀၁၀-၂၀၁၁ ကမူ ၁.၉ ဘီလီယံ ရှိခဲ့၍ ၆၀ ရာခိုင်နှုန်း တိုးတက်လာကြောင်း တရားဝင် စာရင်းဇယား ထုတ်ပြန်ချက်များ၌ ဖော်ပြထားသည်။
သတင်း- ဟင်္သာနီ (မွန်မြေ) (မဇ္ဈိမ)http://www.mizzimaburmese.com
