ထိုင်းနိုင်ငံတောင်ပိုင်း ဆူရတ်ဌာနီခရိုင် ချိုက်ပူရီမြို့နယ်မှာ ရာဘာခြံ အလုပ်သမား ၃ ဦး အသတ်ခံ ခဲ့ရတယ်လို့ ထိုင်းနိုင်ငံရောက် မြန်မာနိုင်ငံသားများ အဖွဲ့ချုပ် (အမ်အေတီ)က ပြောပါတယ်။
အသတ်ခံရတဲ့ အလုပ်သမား ၃ ဦးထဲမှာ အသက် ၁၃ နှစ်ရွယ် ကလေး ၁ ဦးပါ ပါဝင်ပြီး ပြီးခဲ့တဲ့ ဇန်န၀ါရီ ၂၃ ရက် ည ၈ နာရီခွဲလောက်မှာ သေနတ်နဲ့ ပစ်သတ်ခံရတာလို့ အမ်အေတီအဖွဲ့က ဥပဒေအကြံပေးရှေ့နေ ဦးအောင်မျိုးသန့်က ဒီဗွီဘီကို ပြောပါတယ်။
“အလုပ်သမားတွေ ပစ်သတ်ခံရတဲ့သတင်း ကြားကြားချင်း နောက်တနေ့ မနက် ကျနော်တို့ အဲဒီကို ရောက်သွားပါတယ်။ သေနတ်ဒဏ်ရာတွေနဲ့ သေဆုံးပါတယ်။ တယောက်က အိမ်ပြင်မှာ၊ နောက် ၂ ယောက်က အိမ်ထဲမှာ။ ကျည်ဆံက နားအောက်၊ လည်ပင်း၊ ခေါင်းနဲ့ ရင်အုံတွေကို ထိတယ်၊ ဘာကြောင့် အပစ်ခံရလဲဆိုတာတော့ ကျနော်တို့လည်း မသိသေးဘူး။ အခု အလောင်းတွေကို ဆူရတ်ဌာနီဆေးရုံကနေ ထုတ်ပြီး ချယာဘုန်းကြီးကျောင်းမှာ ထားထားပါတယ်၊ ဗုဒ္ဓဟူးနေ့ သင်္ဂြိုဟ်ဖို့ စီစဉ်နေပါတယ်။”
သေဆုံးသူ ၃ ဦးမှာ အသက် ၂၇ နှစ်ရှိ ဦးကျော်ထူး၊ အသက် ၂၁ နှစ်ရှိ ကိုဆန်းမင်းနဲ့ အသက် ၁၃ နှစ်ရှိ မောင်ချစ်ဖူးတို့ ဖြစ်ပြီး အားလုံးဟာ မွန်ပြည်နယ် စက်စဲရွာကနေ ထိုင်းမှာ ရာဘာစေးခြစ်တဲ့အလုပ်ကို လာလုပ်နေကြတာလို့ သူက ဆက်ပြောပါတယ်။
အနီးအနားက နေထိုင်သူတွေ ပြောပြချက်အရ ဦးကျော်ထူးနဲ့ မောင်ချစ်ဖူးဟာ ညီအစ်ကိုရင်းတွေ ဖြစ်ပြီး အဲဒီရွာမှာဘဲ နေထိုင်ကြောင်း၊ ကိုဆန်းမင်းကတော့ လမဲရွာဘက်မှာနေပြီး သူတို့ဆီကို ညနေ ၆ နာရီလောက်က ရောက်လာကာ ည ၈ နာရီခွဲလောက်မှာ အမည်မသိ သေနတ်သမားက ပစ်သွားတာလို့ ဆိုပါတယ်။
လူသတ်မှုကို ဆူရတ်ဌာနီခရိုင် ချိတ်ပူရီရဲစခန်းက လိုအပ်သလို အရေးယူဖို့ ဆက်လက် စုံစမ်းနေသလို အမ်အေတီအဖွဲ့ကလည်း ဓာတ်ပုံတွေနဲ့ အချက်အလက်တွေကို ထိုင်းနိုင်ငံဆိုင်ရာ မြန်မာသံရုံးက မြန်မာသံအမတ်ကြီး ဦးဝင်းမောင်ဆီ ပေးပို့ခဲ့ပြီး သံရုံးရဲ့ စီမံချက်အတိုင်း ဆက်လက်ဆောင်ရွက်သွားမယ်လို့ ဦးအောင်မျိုးသန့်က ပြောပါတယ်။
By ဒီဗွီဘီ
