 |
| အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်း စုကြည် မေလ ၁၁ ရက်က ပြည်ထောင်စု လွှတ်တော် တက်ရောက်စဉ်။ Photo: NLD Chairperson |
ဒီတစ်ကြိမ် လွှတ်တော် အစည်းအဝေးတွေမှာ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးနဲ့ ပြည်လုံးကျွတ် ဆန္ဒခံယူပွဲ ဥပဒေကြမ်းတွေကို အဓိကထားဆွေးနွေး သွားဖို့ရှိတယ်လို့ ပြည်ထောင်စု လွှတ်တော် ဥပဒေ ကြမ်းကော်မတီဝင် ဦးစောလှထွန်းက ပြောပါတယ်။
"အများပြောနေတဲ့ ဖွဲ့စည်းပုံအခြေခံဥပဒေ ပြင် ဆင်ရေးကိစ္စ ဆိုတဲ့ဟာကလည်း ဥပဒေကြမ်း ပူးပေါင်းကော်မတီကို တရားဝင် ရောက်ရှိလာတဲ့ အချိန်ရယ် အချိန်မီဆောင်ရွက်ပေးနိုင်ဖို့အတွက် ဒါပြင်ဆင်ထားသလို ဒီလိုပြည်သူတွေရဲ့ ပြည်လုံး ကျွတ်ဆန္ဒခံယူပွဲ ရယူဆောင်ရွက်ရမယ့် ဥပဒေတွေကို ပြင်ဆင်ဖို့အတွက်လည်း ဒီဥပဒေကြမ်းတွေကို ဥပဒေကြမ်း ပူးပေါင်းကော်မတီအနေနဲ့ကတော့ မကျန်အောင် ကြိုတင်ပြင်ဆင်ဆောင်ရွက်ထားပါတယ်"
၂၀၀၈ ဖွဲ့စည်းပုံပြင်ဆင်ရေးအတွက် ပြည်လုံးကျွတ်ဆန္ဒခံယူပွဲ ကျင်းပဖြစ်တယ်ဆိုရင် အဲဒီအချိန်မှာ ယာယီသက်သေခံလက်မှတ် ကိုင်ဆောင်ထားသူတွေ မဲပေးခွင့်ရှိ၊ မရှိ ကိစ္စကိုလည်း ဆွေးနွေးသွားဖို့ ရှိတယ်လို့ သိရပါတယ်။ ဒီတစ်ကြိမ်လွှတ်တော်ဟာ ၂ လလောက် ကြာမြင့်နိုင်တယ်လို့ ကိုယ်စားလှယ်တွေက ခန့်မှန်းထားကြပါတယ်။
RFA Burmese
