 |
| ဒဏ်ရာ ရ ဘင်္ဂလာ စစ်သားကို ဆေးရုံတင်ရန် ယူဆောင်လာစဉ် ( Photo- Bdnews24) |
မြန်မာနယ်စပ်အနီး တက်ကနက်မြို့နယ် နတ်မြစ်အတွင်း မြန်မာဘက်က ပစ်ခတ်မှုကြောင့် ဘင်္ဂလာဒေ့ရှ် နယ်ခြားစောင့်တပ်ဖွဲ့ဝင် တစ်ဦး ဒဏ်ရာ ရရှိခဲ့သည်ဟု ဘင်္ဂလာဒေ့ရ်ှက သတင်း ရရှိသည်။
ဒဏ်ရာ ရရှိသူမှာ ဘီပေါ့ ( Bilpob) (၂၁) နှစ်ဖြစ်ကြောင်း သိရပြီး ကေ့ာစ်ဘဇား (ဖလောင်းချိတ်) ဆေးရုံကို တင်ထားရသည်ဟု BDnews24.com တွင်ဖော်ပြထားသည်။
မြန်မာဘက်ကဟု သတင်းတွင် ဖော်ပြထားသော်လည်း အဖွဲ့အစည်းအမည်ကို အသေးစိတ် ဖော်ပြထားခြင်း မရှိပါ။
ကော့စ်ဘဇား ခရိုင်ဆေးရုံကြီး အရေးပေါ် ဌာနမှ ဒေါက်တာ နိုဘယ် ဘရ၀ါ မှ ၎င်းစစ်သားကို ယနေ့ နံနက် ၉ နာရီက ဆေးရုံတင်လာခဲ့သည်ဟု အတည်ပြု ပြောကြားသည်ဟု ယင်းသတင်းတွင် ဖော်ပြသည်။
ဘင်္ဂလာဒေ့ရှ် နယ်ခြားစောင့်တပ်ဖွဲ့ အရာရှိများမှ ယင်းသတင်း ဖြစ်ပွားကို ကြားသိရကြောင်း ပြောဆိုသော်လည်း အသေးစိတ်ကိုမူ ထုတ်ပြန်ခြင်း မရှိသေးကြောင်း သိရသည်။
ဒေသခံများ အပြောအရ ဘင်္ဂလာနယ်ခြားစောင့်တပ်ဖွဲ့ ၏ ကင်းလှည့်နေသော ရေယာဉ်မှာ ယနေ့ နံနက် အစောကြီးက တိုက်ခိုက်ခံခဲ့ရပြီး အတည်ပြုချက် မရနိုင်သေးသော သတင်းအရ ဘင်္ဂလာနယ်ခြားစောင့်တပ်ဖွဲ့ တစ်ဦး ဖမ်းဆီး ခေါ်ဆောင်ခံရသည်ဟု သတင်း ဖြစ်ပေါ်နေကြောင်း ယင်းသတင်းတွင် ဖော်ပြသည်။
နိရဉ္စရာ
