၂၀၁၂ ခုနှစ် မကုန်မီ ကျပ်၂ သိန်းအောက် တန်ဖိုးနည်းဖုန်းများ ချထားရန် ဆောင်ရွက်

၂၀၁၂ ခုနှစ်မကုန်မီ ကျပ် (၂) သိန်းထက် တန်ဖိုးနည်းသည့်ဖုန်းများ ချထားပေးနိုင်ရန် စီစဉ်ဆောင်ရွက်နေကြောင်း နေပြည်တော်ရှိ မြန်မာ့ဆက်သွယ်ရေး ညွှန်ကြားမှုဦးစီးဌာန၏ တာဝန်ရှိသူတစ်ဦးက ဇွန် ၁၅ ရက်တွင် ပြောကြားခဲ့သည်။ ယင်းတာဝန်ရှိသူမှ ‘တန်ဖိုးဘယ်လောက်နည်းမယ် ဆိုတာတော့ အတိအကျ မပြောနိုင်သေးဘူး။ ကိုးလပိုင်းလောက်မှာ ပေါ်နိုင်အောင်တော့ ကြိုးစားနေတယ်” ဟု ပြောကြားခဲ့သည်။ ယင်းကဲ့သို့ ၉ လပိုင်းတွင် စချထားပေးနိုင်ရန် စီစဉ်နေသည့် တန်ဖိုးနည်းဖုန်း ဆောင်ရွက်နေမှုကြောင့် လက်ရှိ ချထားပေးနေသော ကျပ် ၂ သိန်းတန် ဆင်းကတ်ရောင်းချနေမှုအား ဈေးကွက်အတွင်း လိုသလောက် ချထားပေးနိုင်ခြင်းမရှိဘဲ လျှော့၍ ချထားပေးနေကြောင်း ပြောပြခဲ့သည်။ ယင်းကဲ့သို့ ကျပ် ၂ သိန်းတန် ဆင်းကတ်များ ဈေးကွက်အတွင်း လျှော့၍ ချထားမှုကြောင့် ဆင်းကတ်အရောင်းဆိုင်များ အနေဖြင့် ပစ္စည်းများ ပြတ်လပ်နေပြီး Elitch ကဲ့သို့သော ဆိုင်များပင်လျှင် ဆင်းကတ်ပြတ်လပ်မှု ကြုံတွေ့နေခဲ့ရသည်။
ဆင်းကတ် ပြတ်လပ်မှုကြောင့် နယ်ဈေးကွက်မှ ဆင်းကတ်များကို ရောင်းချနေရပြီး အများဆုံး ကျပ် ၂ သိန်းသုံးသောင်းထိ ရောင်းချသည့် ဆိုင်များပင်ရှိပြီး အနည်းဆုံး ကျပ်၂ သိန်းရှစ်ထောင်ြဖင့် ရောင်းချကြောင်း ဈေးကွက်အတွင်းမှ စုံစမ်းသိရသည်။ ၉ လပိုင်းအတွင်း ချထားပေးမည့် တန်ဖိုးနည်းဖုန်း အနေဖြင့် GSM ဖုန်းအမျိုးအစား အများဆုံး ချထားပေးမည်ဖြစ်ပြီး တန်ဖိုးနည်းကိုမူ မပြောပြနိုင်သေးကြောင်း သိရသည်။ “တန်ဖိုးက ပြောဖို့ခက်တယ်။ တာဝန်ရှိသူတွေကပြောမှ သိရမှာပါ။ အရင်က ချထားပေးတဲ့ ဖုန်းတွေတုန်းကလည်း ကြိုမသိရဘူး။ မနက်ဖြန် ချမယ်ဆိုရင် ဒီလိုညကျမှ သိရတာပါ။ ဒါပေမယ့် ၉ လပိုင်းမှာ ချထားပေးမယ်လို့ သိရတယ်” ဟု ပြောကြားခဲ့ကြောင်း ၂၀၁၂ ခုနှစ် ဇွန်လ ၂၆ ရက်နေ့ထုတ် News Watch Weekly ဂျာနယ်တွင် ဖော်ပြထားပါသည်။