 |
| ရွှေလုပ်သားများ နေပြည်တော်ကို ချီတက်လာစဉ် (ဓါတ်ပုံ-သစ်ထူးလွင် အွန်လိုင်း မီဒီယာ) |
ယခုအခါ ၎င်း တောင်းဆိုချက်များကို ကုမ္ပဏီမှ မျက်ကွယ်ပြုထားသည့်အတွက် ၎င်း မိုးထိမိုးမိတောင်ပေါ်မှ ရွှေလုပ်သား အင်အား ၂၅၀၀ ကျော်သည် မြန်မာပြည်၏ သမ္မတရုံးအခြေစိုက်ရာ နေရာဖြစ်သော နေပြည်တော်သို့ ယနေ့တွင် (၁၁.၆.၂၀၁၂) ချီတက်လှမ်းလျှောက် ကာ ၎င်း တို့ချိုးဖောက်ခံခဲ့ရသော ရပိုင်ခွင့်များကို ရရှိအောင် ငြိမ်းချမ်းစွာတောင်းဆို ဆန္ဒပြထုတ်ဖော်သွားနေပါသည်။
ဆန္ဒပြသူများသည် ထိုတောင်ပေါ်တွင် မိမိတို့ဘာသာ သရဏဂုံတည်ဆောက်ကာ အရိုးကျေကျေ အရေခန်းခန်း ဆက်လက်တိုက်ပွဲဝင်သွားမည်ဟုဆိုသည်။ ထိုချီတက်လမ်းလျှောက် ဆန္ဒပြသူများထဲတွင် သက်ရွယ်ကြီးရင့်သူဘိုးဘွားများ ကျောင်းနေအရွယ် ရွှေလုပ်သားများ၏ သားသမီးများ နှင့် အမျိုးသမီးများပါ ပါဝင်ကြောင်း ဦးဆောင် ဆန္ဒပြသူများက
(သစ်ထူးလွင် အွန်လိုင်း မီဒီယာ )ကို သတင်းပေးပို့ ထားပါသည်။
၎င်းတို့တောင်းဆိုသော အချက်များမှာ--
မိုးထိမိုးမိဒေသ အသေးစားရွှေလုပ်ငန်းရှင်များနှင့် မှီခိုလုပ်သားများ၏ တောင်းဆိုချက်များ
၁။ အင်း၊ အယ်တာများကို ယခင်အတိုင်းလုပ်ကိုင်ခွင့်ပေးရန်။
၂။ ဇုန်အသီးသီးရှိ ကျောက်ကြိတ်စက်များ ယခင်အတိုင်းကြိတ်ခွဲခွင့်ပြုရန်။
၃။ ထုံးကြီးတောင်ဒေသရှိ ရွှေလုပ်သားများအား အစုခွဲစားခွင့်ဖြင့် ယခင်အတိုင်းလုပ်ကိုင်ခွင့်ပြုရန်။
၎။ အင်း၊ အယ်တာများ နစ်နာကြေးတောင်းခံထားသူများကို နစ်နာကြေးပေးရန်။
၅။ လုပ်ငန်းများရပ်ဆိုင်းထားသည့်အချိန်ကာလအတွက် အသေးစားရွှေလုပ်ငန်းရှင်များနှင့် မှီခိုလုပ်သားများအား
နစ်နာကြေးပေးရန်။
၆။တောင်းဆိုချက်များအား နှစ်ဦးနှစ်ဖက်အပြန်အလှန်ညှိနှိုင်းပြီး သဘောတူလက်မှတ်ထိုး၍ စာချုပ်ချုပ်ဆိုထားရှိရန်။
စသည့် အချက်များရရှိရေး အတွက် တောင်းဆို ဆန္ဒပြနေခြင်းဖြစ်ပါသည်။
