ဒု-ဗိုလ်မှူးကြီးအောင်ကြီး ခြစားမှုများထပ်မံထွက်ပေါ်

Written By လွင့်မောင်မောင် on Wednesday, July 18, 2012 | 9:11 AM

မောင်တောမြို့နယ်အတွင်း မြန်မာဘင်္ဂလီများထံမှ လာဒ်အမြောက်အများစားမှုဖြင့် ဒု-ဗိုလ်မှူး ဦးအောင်ကြီးအား
ဇူလိုင်လ ၇ ရက်နေ့က နယ်ပြည်တော်သို့ ခေါ်ဆောင်သွားကြောင်းနှင့် ၎င်းအမှုများနှင့် တိုက်ရိုက်ဆက်နွယ်မှုရှိသူ ထောက်လှမ်းရေးအရာရှိ

ဦးအောင်ဆန်းနေနိုင်အောင်အား ယခုသတင်းပတ် သောကြာနေ့က ဖမ်းဆီးခေါ်ဆောင်သွားကြောင်း မောင်တောမြို့ ခရိုင်ရုံးမှ အတည်ပြုပြောသည်။ဒုဗိုလ်မှူးကြီး ဦးအောင်ကြီးက အကြမ်းဖက်သောင်းကျန်းမှုများတွင် ဦးဆောင်ပါဝင်ခဲ့သူ အကြမ်းဖက်ခေါင်းဆောင် ၃ ဦးထံမှ ကျပ် သိန်း၉၀၀ စီ ယူပြီးခြစားကာ လွှတ်ပေးလိုက်ကြောင်း မောင်တောမြို့ နစကအသိုင်းအ၀ိုင်းတွင် ကောလဟလသတင်းများ ထွက်ပေါ်နေသည်။

မောင်တောမြို့နယ်တွင် ဒု-ဗိုလ်မှူးကြီး ဦးအောင်ကြီး ကိုင်တွယ်ခဲ့သော ဘဏ်အကောင့်ထဲသို့ သောကြာနေ့က လာဒ်ငွေများဟု ယူဆရပြီး ၀င်လာသည့် ကျပ် သိန်း ၈၀၀ အား ဘူးသီးတောင်မြို့
ဗျူဟာက သိမ်းဆည်းလိုက်ကြောင်း နစကအောက်ခြေတပ်ဖွဲ့ သတင်းများအရ သိရှိရသည်။

ဘူးသီးတောင်မြို့နယ် အခြေစိုက် စစ်ဆင်ရေးကွပ်ကဲရေးမှူးဋ္ဌာနချုပ် (စကခ) ၁၅ ဗိုလ်မှူးချူပ်ကျော်သက် ဦးဆောင်သော တပ်မ လက်အောက်တွင် တပ်ရင်းပေါင်း ၁၀ ရင်းရှိပြီး၊ မောင်တောမြို့နယ် မြောက်ပိုင်းဒေသအတွင်း ခမရ ၅၅၁နှင့် ခမရ ၅၆၄ စစ်ကြောင်းများ လှုပ်ရှားနေကြောင်းနှင့်
တောင်ပိုင်းတွင် ခမရ ၅၃၆၊ ၅၆၅နှင့် ခမရ ၅၃၇ စစ်ကြောင်းများ လှုပ်ရှားနေကြောင်း စုံစမ်းသိရှိရသည်။

ကျန်စစ်ကြောင်းများပါ များမကြာမီလှုပ်ရှားနိုင်ရန် ပြင်ဆင်မှုများ ရှိနေသည်ဟု စစ်တပ်သတင်းရပ်ကွက်က ဆိုသည်။

ရခိုင်ပြည်နယ် နယ်စပ်ဒေသအခြေစိုက် စစ်ကြောင်းတပ်ဖွဲ့များမှာ ခြစားမှုနှင့် မုဒိန်းမှုများ မကြာခဏ သတင်းများ ပေါ်ပေါက်လျက်ရှိနေသောကြောင့် ယခုအခါ ပြည်နယ်တိုင်းမှူး ကိုကိုနိုင် ကိုယ်တိုင် မောင်တောမြို့တွင် အခြေစိုက်ပြီး ကွပ်ကဲကိုင်တွယ်လျက်ရှိနေကြောင်း သိရှိရသည်။

Share this article :