ဒီတော့ ဒီချုပ်အနေနဲ့ ရွေးကောက်ခံလွှတ်တော်ကိုယ်စားလှယ် ၄၉၈ ဦးထဲက ကိုယ်စားလှယ် ၃၃၃ ဦးအနိုင်ရအောင်လုပ်ရမှာဖြစ်တဲ့အတွက် ရွေးကောက်ခံကိုယ်စားလှယ်စုစုပေါင်းရဲ့ ၆၇ ရာခိုင်နှုန်းလောက် နိုင်ဖို့လိုနေတာကို တွေ့ရတယ်။ ဒီချုပ်နဲ့မဟာမိတ်ပါတီတွေဟာလာမယ့်ရွေးကောက်ပွဲမှာ ၆၀ ရာခိုင်နှုန်းနိုင်ပေမယ့် သူတို့ရွေးတဲ့သူသမ္မတမဖြစ်နိုင်ဘူးဆိုတာသိသာမြင်သာတယ်။ နိုင်ငံတကာသတင်းမီဒီယာတွေမှာဒီချုပ်ကကိုယ်စားလှယ်အများစုနိုင်တယ်ဆိုတဲ့သတင်းဟာ သတင်းကောင်းဖြစ်ပေမယ့် ၆၇ ရာခိုင်နှုန်းမပြည့်ရင် သမ္မတဟာ ပြည်ခိုင်ဖြိုးနဲ့စစ်တပ်က တင်တဲ့သူဖြစ်လာနိုင်တယ်။
အဲဒီမှာ ပြည်ခိုင်ဖြိုးနဲ့မဟာမိတ်တွေဟာ အနိမ့်ဆုံး ကိုယ်စားလှယ် ၁၆၇ ဦးအနိုင်ရရှိရုံနဲ့၊ တပ်ကိုယ်စားလှယ် ၁၆၆ ဦးနဲ့ပေါင်းရင် ၃၃၃ ဦးပြည့်တာမို့၊ ဒီချုပ်နဲ့သူ့မဟာမိတ်တွေက ရွေးတဲ့သူ သမ္မတဖြစ်လာမှာကို တားပြီးဖြစ်နေတယ်။အဲဒါကြောင့် ၂၀၁၅ ရွေးကောက်ပွဲမှာ ဒီချုပ်နဲ့မဟာမိတ်တွေက လွှတ်တော်ကိုယ်စား
လှယ် ၃၃၃ ဦးနိုင်ဖို့ လိုအပ်တဲ့အချိန်မှာ ပြည်ခိုင်ဖြိုးက ၁၆၇ ဦးပဲအနိုင်ရဖို့လိုတာကိုတွေ့ရတယ်။ ဘာတွေဘယ်လိုပဲဖြစ်ဖြစ်၊ ပြည်ခိုင်ဖြိုးနဲ့တပ်ကိုယ်စားလှယ်တွေကတော့ဒီချုပ်နဲ့မဟာမိတ်ပါတီတွေက တင်တဲ့သူ သမ္မတမဖြစ်ဖို့ လက်ချင်းချိတ်ထားမှာပဲ။
လွှတ်တော်နိုင်ငံရေးကိုသင်္ချာနည်းဖြင့်တွက်ချက်ခြင်း (၂)
၂၀၀၈ဖွဲ့စည်းပုံအခြေခံဥပဒေအရ၊ ရွေးကောက်ခံပြည်သူ့လွှတ်တော်ကိုယ်စားလှယ်တွေ၊ ရွေးကောက်ခံအမျိုးသားလွှတ်တော်ကိုယ်စားလှယ်တွေ နဲ့ တပ်မတော်သားလွှတ်တော်ကိုယ်စားလှယ်တွေ အနေနဲ့၊ ဒုတိယသမ္မတတစ်ဦးစီကို ရွေးချယ်ရမှာဖြစ်ပါတယ်။
ပြည်သူ့လွှတ်တော်ရွေးကောက်ခံလွှတ်တော်ကိုယ်စားလှယ် ၃၃၀ ဦးရှိတော့၊ ၁၆၆ ဦးအနိုင်ရထားရင်၊ အဲဒီပါတီက ရွေးတင်တဲ့သူ ဒုတိယသမ္မတ ဖြစ်ဖို့သေချာတယ်။ အမျိုးသားလွှတ်တော်ရွေးကောက်ခံလွှတ်တော်ကိုယ်စားလှယ် ၁၆၈ ဦးရှိတော့၊ ၈၅ ဦးအနိုင်ရရင်၊ အဲဒီပါတီက ရွေးတင်တဲ့သူ ဒုတိယသမ္မတဖြစ်ဖို့ သေချာပြန်ပြီ။ ဥပမာအနေနဲ့
ဒီချုပ်နဲ့မဟာမိတ်ပါတီတွေပဲဆိုပါစို့။ ပြည်သူ့လွှတ်တော်မှာ ၁၆၆ ဦး၊ အမျိုးသားလွှတ်တော်မှာ ၈၅ ဦးအနိုင်ရရင်၊ ဒီချုပ်နဲ့မဟာမိတ်ပါတီတွေက ဒုတိယသမ္မတနှစ်ဦးက ရရှိလိုက်နိုင်ပါတယ်။
ဒုတိယသမ္မတနှစ်ဦးရဖို့လိုတဲ့ကိုယ်စားလှယ်ဦးရေကိုကြည့်ရင်ပြည်ထောင်စုလွှတ်တော်မှာ ၂၅၁ ဦးပဲ ဖြစ်တာကိုတွေ့ရတယ်။ အဲဒီ ပြည်ထောင်စုလွှတ်တော်ကိုယ်စားလှယ် ၂၅၁ ဦးဆိုတာ ကိုယ်စားလှယ်စုစုပေါင်း ၆၆၄ ဦးရဲ့ ၃၈ ရာခိုင်နှုန်းသာ ရှိတာကို တွေ့ရတယ်။ အဲဒီတော့ ဒီချုပ်နဲ့မဟာမိတ်ပါတီတွေဟာ ဒုတိယသမ္မတနှစ်ဦးလုံးကိုရပြီး၊ ၃၃၃ ဦးမပြည့်လို့ သမ္မတနေရာကို လက်လွတ်လိုက်ရတာမျိုးရှိလာနိုင်တာကိုလည်း ထည့်စဉ်းစားကြည့်ဖို့ကောင်းမယ်။ ၃၃၃ ဦးမနိုင်ရင်တော့
ဒီချုပ်နဲ့မဟာမိတ်ပါတီတွေက ရွေးတဲ့သူသမ္မတ ဖြစ်လာဖို့လုံးလုံးမသေချာတဲ့သဘောကတော့
မြင်တွေ့နေရတယ်။
ဖွဲ့စည်းပုံအခြေခံဥပဒေအရ ပြည်ထောင်စုအစိုးရအဖွဲ့ကို သမ္မတက ဖွဲ့မှာဖြစ်တဲ့အတွက်၊ ဒုတိယသမ္မတနှစ်နေရာရတာဟာ နောက်လာမယ့်အစိုးရဖွဲ့တဲ့အပေါ် ကြီးကြီးမားမားသက်ရောက်နိုင်ခြေမရှိဘူးဆိုတာ ထည့်တွက်
ဖို့လိုမယ်ထင်ပါတယ်။
လွှတ်တော်နိုင်ငံရေးကို သင်္ချာနည်းဖြင့်တွက်ချက်ခြင်း (၃)
ရွေးကောက်ခံ ပြည်ထောင်စုလွှတ်တော်ကိုယ်စားလှယ် ၄၉၈ ဦးထဲက ၃၃၃ ဦး အနိုင်ရရှိမှသာဒီချုပ်နဲ့မဟာမိတ်ပါတီတွေအနေနဲ့ရွေးတဲ့ ဒုတိယသမ္မတဟာ သမ္မတဖြစ်လာမယ်လို့ ဆွေးနွေးခဲ့ပါတယ်။
တကယ်တော့၃၃၃ဦးအနိုင်ရရှိဖို့ဟာလွယ်မယောင်နဲ့ခက်၊တိမ်မယောင်နဲ့နက်တာကို တွေ့ရပါတယ်။
ရွေးကောက်ခံ၄၉၈ဦးကို ပြည်နယ်နဲ့တိုင်းဒေသကြီးတွေအလိုက်ထပ်မံပိုင်းခြားကြည့်လိုက်မယ်ဆိုရင်၊ ကိုယ်စားလှယ် ၂၀၇ ဦးဟာ ပြည်နယ်ခုနှစ်ခုကို ကိုယ်စားပြုနေပြီး၊ ကိုယ်စားလှယ် ၂၉၁ ဦးဟာ တိုင်းဒေသကြီးခုနှစ်ခုက ကိုယ်စားလှယ်တွေပါ။ အဲဒီမှာတိုင်းဒေသကြီးတွေသက်သက်အနိုင်ရရုံနဲ့၊ ဒီချုပ်နဲ့မဟာမိတ်ပါတီတွေအနေနဲ့၊ သမ္မတနေရာအနိုင်ရဖို့မလွယ်တာကို ထပ်တွေ့ရပါတယ်။
တိုင်းဒေသကြီးခုနှစ်လုံးမှာ ဒီချုပ်နဲ့မဟာမိတ်ပါတီတွေက တင်းပြည့်ကျပ်ပြည့်နိုင်တယ်ဆိုရင်တောင် ၂၉၁ ဦးပဲရသေးတာပါ။ ၃၃၃ ဦးရောက်ဖို့ ၄၂ဦးလိုနေသေးတာတွေ့ရပါတယ်။ အဲဒီမှာ ပြည်နယ်မဲဆန္ဒနယ်တွေရဲ့ သမ္မတရွေးတဲ့နေရာမှာအရေးပါအရာရောက်မှုကို အထင်အရှားတွေ့ရမှာပါ။ အဲဒီတော့ ပြည်နယ်မဲဆန္ဒနယ်တွေမှာဒီချုပ်နဲ့မဟာမိတ်ပါတီတွေရဲ့ ကိုယ်စားလှယ်တွေ အနိုင်ရရှိတာမရှိရင် သမ္မတနေရာအနိုင်ရဖို့ပိုခက်ခဲသွားနိုင်ပါတယ်။ အဲဒါကြောင့် ဒီချုပ်ပါတီအနေနဲ့၊၂၀၁၅ခုနှစ် ရွေးကောက်ပွဲမှာတိုင်းရင်းသားမဟာမိတ်ပါတီတွေနဲ့
ပွင့်ပွင့်လင်းလင်း ဆွေးနွေးကာ၊သူနိုင်ကိုယ်နိုင်အနေအထားကိုဖော်ဆောင်နိုင်မယ့်
ရွေးကောက်ပွဲစီမံချက်နဲ့ ဗျူဟာတွေကို ဖော်ဆောင်ဖို့လိုအပ်နေတာပါ။
လေးစားလျက်-
ေ ဒေါက်တာရန်မျိုးသိမ်း
ရန်ကုန်၊ မြန်မာ။
