နိုဝင်ဘာ ၁၄ ရက်ညနေ ၃ နာရီက မိုးကြိုးပြင်ရွာတောင်ထိပ်ရှိ ရဲကင်းတွင် လုံခြုံရေးတပ်ဖွဲ့ဝင်များနှင့် ဒေသခံများအကြား ပဋိပက္ခ ဖြစ်ပွားနေစဉ်
နိုဝင်ဘာ ၁၄ ရက် ညပိုင်းက ဖြစ်ပွားခဲ့သော ပဋိပက္ခကြောင့် ဒဏ်ရာရရှိခဲ့သော
ရဲတပ်ဖွဲ့ဝင်များ မုံရွာဆေးရုံတွင် ဆေးကုသမှု ခံယူနေစဉ်
Friday, 15 November 2013 05:50
မုံရွာခရိုင် ဆားလင်းကြီးမြို့နယ် မိုးကြိုးပြင်တောင်ရွာတွင် နိုဝင်ဘာ ၁၄ရက် ညပိုင်းက ဒေသခံများနှင့် လုံခြုံရေးတပ်ဖွဲ့ဝင်များအကြား ပဋိပက္ခ ဖြစ်ပွားခဲ့ပြီး လုံခြုံရေး တပ်ဖွဲ့ဝင်များမှ ပစ်ခတ်သဖြင့် ရွာသားခုနစ်ဦး ဒဏ်ရာများ ရရှိခဲ့ကာ ဒေသခံများ၏ ပြန်လည်တုံ့ပြန်မှုကြောင့် ရဲတပ်ဖွဲ့ဝင် ကိုးဦးလည်း ဒဏ်ရရရှိခဲ့ကြောင်း သိရသည်။
ပဋိပက္ခ ဖြစ်စဉ်မှာ နိုဝင်ဘာ ၁၄ ရက် ည ၈ နာရီကျော်က ဖြစ်ပွားခဲ့ခြင်းဖြစ်ပြီး မိုးကြိုပြင်တောင် ရွာထိပ်မှ သံဆူးကြိုးများနှင့် လုံခြုံရေးတပ်ဖွဲ့များ စခန်းချထားသည့် နေရာမှရွာထဲသို့ ပစ်ခတ်ခဲ့ခြင်း ဖြစ်ကြောင်း သိရသည်။
''စုစုပေါင်း ၂၇ ချက်လောက် ရှိမယ်ထင်တယ်။ ရွာအစပ်က အိမ်တစ်အိမ်မှာ ၀ါးလုံးတားပြီး တောင်းဆိုနေကြတဲ့ လူခုနစ်ယောက် ဒဏ်ရာရတယ်။ ဒဏ်ရာရတဲ့သူတွေက မိုးကြိုးပြင်တောင်ရွာ အုပ်စုအောက်က ကန်လေးကုန်းရွာက စိုးပြည့်အောင်ရယ် မိုးကြိုးပြင်ရွာက မအေးဆန်း၊ ကိုဘိုနီ၊ ကိုထွန်းအေး၊ ကိုဖိုးဆီ၊ ကိုသက်မောင်နဲ့ ဦးမှိုင်းတို့ပါ'' ဟု ဒေသခံတစ်ဦးက ပြောကြားသည်။
ပဋိပက္ခ ဖြစ်ပွားရာ နေရာသို့ ရဲကား ၁၇ စီး၊ လုံထိန်းအင်အား ၄၀၀ ၀န်းကျင် ခန့် လာရောက်ခဲ့ကြောင်း သိရသည်။ '' ဒဏ်ရာတွေက အရမ်းမနက်ဘူး။ သေလောက်တဲ့ အထိတော့ မဟုတ်ဘူး။ ဘာကျည်ဆန်တွေနဲ့ ပစ်တယ်ဆိုတာတော့ မသိပါဘူး။ မအေးဆန်းဆိုတဲ့ အမျိုးသမီးကတော့ လက်ဖျံကိုမှန်တာ။ ဒဏ်ရာကတော့ တော်တော်နက်တယ်။ ဒဏ်ရာရတဲ့ သူတွေကို မုံရွာဆေးရုံကို မပို့ဘဲ ရွာထဲမှာပဲ ကုနေတာ တွေ့ရတယ်'' ဟု မိုးကြိုးပြင်တောင်ရွာမှ ဒေသခံတစ်ဦးက ပြောကြားခဲ့သည်။
ဒဏ်ရာတွေက အရမ်းမနက်ဘူး။ သေလောက်တဲ့ အထိတော့ မဟုတ်ဘူး။ ဘာကျည်ဆန်တွေနဲ့ ပစ်တယ်ဆိုတာတော့ မသိပါဘူး။ မအေးဆန်းဆိုတဲ့ အမျိုးသမီးကတော့ လက်ဖျံကိုမှန်တာ။ ဒဏ်ရာကတော့ တော်တော်နက်တယ်။ ဒဏ်ရာရတဲ့ သူတွေကို မုံရွာဆေးရုံကို မပို့ဘဲ ရွာထဲမှာပဲ ကုနေတာ တွေ့ရတယ်...
မုရွာဆေးရုံတွင် လာရောက်ကုသသော ရဲတပ်ဖွဲ့ဝင်များမှာ ဒုရဲအုပ်မြင့်ဆွေ၊ ဒုရဲအုပ်ဝေလင်း၊ ဒုတပ်ကြပ်ဂျိုးဆက်၊ ဒုတပ်ကြပ်ထွန်းလှိုင်ဦး၊ ဒုတပ်ကြပ်ကျော်မင်းဦး၊ တပ်သားညီမျိုးထွန်း၊ တပ်သားကျော်ဇာနည်၊ တပ်သားကြံအောင်၊ တပ်သားစောမောင်နိုင် တို့ဖြစ်ပြီး စိုးရိမ်ရသော ဒဏ်ရာမရှိကြောင်း သိရသည်။ ယင်းဖြစ်စဉ်နှင့် ပတ်သက်၍ မုံရွာခရိုင် ရဲတပ်ဖွဲ့မှူး ဒုတိယရဲမှူးကြီး တင်ထွန်းကို ည ၁၁ နာရီဝန်းကျင်က ဖုန်းဖြင့် ဆက်သွယ်မေးမြန်းရာ ဖုန်းပိတ်ထားခြင်းကြောင့် ဆက်သွယ်၍ မရခဲ့ပေ။
''ဒဏ်ရာရတဲ့ ရဲကိုးဦး မုံရွာဆေးရုံကို ည ၁၀ နာရီကျော်လောက်က ရောက်လာပါတယ်။ တစ်ယောက်ကိုတော့ အတွင်းလူနာအဖြစ် ထားရတယ်လို့ သိရပါတယ်။ အခုဖြစ်စဉ်က ချင်းတွင်းမြစ် အနောက်ဘက်ခြမ်းမှာ ဖြစ်သွားတဲ့အတွက် အရှေ့ဘက်ခြမ်းမှာရှိတဲ့ ကျွန်တော့်အနေနဲ့ ဖြစ်စဉ်အသေးစိတ် ကိုတော့ မသိရပါဘူး'' ဟု မုံရွာမြို့နယ် ရဲတပ်ဖွဲ့မှူး ရဲမှူးကြူအင်းက နိုဝင်ဘာ ၁၅ ရက် နံနက် ၁၂ နာရီ ၁၅ မိနစ်က ပြောကြားခဲ့သည်။
နိုဝင်ဘာ ၁၃ရက် နံနက် ၉ နာရီခန့်က ပုသိမ်-မုံရွာ ကားလမ်းမဘေး မိုးကြိုးပြင်တောင် ရွာထိပ်တွင် လုံခြုံရေးအ ဖွဲ့အစည်းများမှ သံစူးကြိုး အတားအဆီးများဖြင့် ကျေးရွာသုံးလမ်းအား ပိတ်ဆို့ထားမှုကြောင့် မိုး ကိုးပြင်တောင်ရွာနှင့် အလယ်ရွာမှ ဒေသခံ မှ ဖယ်ရှားပေးရန် တောင်းဆိုခဲ့ကြသည်။ ယင်းကဲ့သို့ အာဏာပိုင်များမှ လမ်းပိတ်ဆို့ ထားခြင်းနှင့် ပတ်သက်ပြီး အခြေအတင် စကားများခဲ့ရာ လုံခြုံရေးအင်အား များစွာဖြင့် တားဆီးပိတ်ပင် ခဲ့ကြောင်း၊ ယာခင်းပိုင်ရှင် စာရင်းပေးရန်နှင့် ထိုသူများသာ ယာခင်းထဲသို့ ၀င်ခွင့်ပြုမည် ဆိုသောကြောင့် ဒေသခံများမှ လက်မခံဘဲ အတားအဆီးများအား ဖယ်ရှားပေးရန် ဆက်လက်တောင်းဆို ခဲ့ကြသည်။
နိုဝင်ဘာ ၁၄ ရက် နံနက် ၉ နာရီ ကျော်က အဆိုပါပဋိပက္ခ ဖြစ်ပွားရာ မိုးကြိုးပြင်တောင်ရွာထိပ်သို့ စစ်ကိုင်းတိုင်းဒေသကြီး နယ်စပ်ရေးရာဝန်ကြီး လာရောက်၍ ဒေသခံများနှင့် တွေ့ဆုံကာ ဖြေရှင်းပေးသော်လည်း ပြေလည်မှု မရခဲ့ကြောင်း သိရသည်။ ဒေသခံများမှ ရွာထိပ်ရှိ လုံခြုံရေးတပ်ဖွဲ့ ၀င်များအား ဖယ်ရှားရှင်းလင်းပေးရန်၊ နိုဝင်ဘာ ၁၂ ရက်က မိုးကြိုးပြင်တောင်ရွာမှ ဦးသန်းမြင့်အား ဖမ်းဆီးထားမှုကို ပြန်လွှတ်ပေးရန် စသည့်အချက်များကို ဖြေရှင်းပေးရေး ၀န်ကြီးထံ တောင်းဆိုခဲ့ကြသည်။
ထိုကဲ့သို့ နယ်စပ်ရေးရာ ၀န်ကြီးနှင့် ဒေသခံများ အပြန်အလှန် ပြောဆိုမှုမှာ မွန်းလွဲပိုင်းအချိန်ထိ ကြာမြင့်ခဲ့ပြီး ဒေသခံများ၏ တောင်းဆိုမှုများအား မည်သို့မျှ ပြေလည်အောင် ဖြေရှင်းနိုင်ခြင်း မရှိဘဲ မွန်းလွဲ ၁ နာရီခန့်တွင် မိုးကြိုးပြင်တောင်ရွာထိပ်မှ ပြန်လည်ထွက်ခွာ သွားခဲ့ကြောင်း၊ ဒေသခံများမှာ အဆိုပါနေရာတွင် ဆက်လက်၍ တောင်းဆိုမှုများ ပြုလုပ်ခဲ့ကြောင်း သိရသည်။
ယင်းဖြစ်စဉ်နှင့် ပတ်သက်၍ ပြန်ကြားရေးဝန်ကြီး၏ MOI Webportal Myanmar Facebook တွင် လုံခြုံရေးရဲကင်းအား ရွာသား ၈၀ ခန့်က လာရောက်ပြီး လေးဂွများ၊ ခဲများဖြင့် ၀ိုင်းဝန်ပစ်ပေါက် ခဲ့ကြသဖြင့် အကြမ်းဖက်မှု ထပ်မံမဖြစ်ပွား စေရေးအတွက် ရဲစခန်းမှ အသံမြည်ဗျောက်အိုးများ ဖောက်၍ ကာကွယ်ပစ်ခတ် ခဲ့ကြောင်း၊ ရွာသားများက လေးဂွများဖြင့် ၀ိုင်းဝန်းပစ်ပေါက် ကြသဖြင့် ရဲအရာရှိနှစ်ဦးနှင့် အခြားအဆင့် ခုနစ်ဦး ပေါင်းကိုးဦး ဒဏ်ရာများ ရရှိခဲ့ကြောင်း၊ ခြောက်လှန့်သည့်အနေဖြင့် အဓိကရုဏ်း လက်နက်ဖြင့် ပစ်ခတ်ခဲ့ကြောင်း ဖော်ပြထားသည်။
Sa Maung (Facebook)
