အခုလို ကုလသမဂ္ဂကျောင်းကို အမြောက်နဲ့ ပစ်ခတ်ခဲ့မှုကို အမေရိကန်နဲ့ ကုလသမဂ္ဂတို့က အပြင်းအထန်ရှုတ်ချခဲ့ကြပါတယ်။ ကျောင်းအနားကနေ အစ္စရေးစစ်တပ်ကို မော်တာတွေနဲ့ ပစ်ခတ်တဲ့အတွက် ပြန်လည်ပစ်ခတ်ခဲ့တာလို့ အစ္စရေးစစ်တပ်က ပြောဆိုပါတယ်။
ဇူလိုင်လ ၃၀ ရက် တနေ့တည်း ဂါဇာမှာ ပါလက်စတိုင်း အရပ်သား ၁၀၀ ကျော် သေဆုံးခဲ့တယ်လို့ ဂါဇာအာဏာပိုင်တွေက ပြောဆိုခဲ့ပါတယ်။
ဇူလိုင်လ ၈ ရက်နေ့ စတင်ခဲ့တဲ့ အစ္စရေးထိုးစစ်အတွင်း ပါလက်စတိုင်းအနည်းဆုံး ၁၃၆၀ သေဆုံးခဲ့ပြီး အများစုက အရပ်သားတွေဖြစ်ကြပါတယ်။ အစ္စရေးဘက်ကတော့ အားလုံး ၅၈ ယောက်သေဆုံးခဲ့ပြီး အစ္စရေးရောက် ထိုင်းအလုပ်သမားတဦးလည်း ဟားမတ်စ်ဒုံးကျည်ထိမှန်ပြီး သေဆုံးခဲ့ပါတယ်။
လက်ရှိဂါဇာထိုးစစ်ဟာ ၂၄ ရက် ကြာမြင့်လာပြီဖြစ်တာကြောင့် အစ္စရေးရဲ့ အရှည်ဆုံး ဂါဇာထိုးစစ်ဖြစ်လာသလို အစ္စရေးစစ်သား အထိအခိုက်အများဆုံး ထိုးစစ်လည်းဖြစ်လာပါတယ်။
၂၀၁၂ ထိုးစစ်တုန်းက ၈ ရက်ကြာမြင့်ပြီး ၂၀၀၈ ထိုးစစ်ကတော့ ၂၂ ရက်ကြာမြင့်ခဲ့တာဖြစ်ပါတယ်။ အစ္စရေးစစ်သားကျဆုံးမှုများပေမယ့် လက်ရှိထိုးစစ်အပေါ် အစ္စရေးပြည်သူအများစုက အင်ပြည့်အားပြည် ထောက်ခံနေတာကို နောက်ဆုံးလူထုစစ်တမ်းတွေ သိရှိရပါတယ်။
ဟားမတ်စ်ကတော့ ဂါဇာကမ်းမြောင်ကို ပြန်မဖွင့်ပေးမချင်း တိုက်ခိုက်နေမယ်လို့ ပြောဆိုပါတယ်။ ၁၉၆၇ ခြောက်ရက်ကြာစစ်ပွဲအတွင်း ဂါဇာကမ်းမြောင်ဒေသကို အစ္စရေးက သိမ်းပိုက်ခဲ့ပြီး ၂၀၀၅ အထိ တပ်စွဲထားခဲ့ပါတယ်။
၂၀၀၅ မှာ အစ္စရေးတပ်တွေကို ပြန်ရုပ်သိမ်းခဲ့ပေမယ့် ဂါဇာကမ်းမြောင်ကို ကုန်းကြောင်း၊ ရေကြောင်း၊ လေကြောင်းအားလုံးကို လက်ရှိအချိန်အထိ အစ္စရေးနိုင်ငံက ထိန်းချုပ်ထားပါတယ်။ အီဂျစ်နဲ့နယ်စပ် တောင်ဘက်ဂိတ်ကိုလည်း အီဂျစ်နိုင်ငံက ပိတ်ဆို့ထားတာလည်း ဖြစ်ပါတယ်။
DVB
