ယနေ့ (၂-၆ ၂၀၁၅ )တွင်ကျရောက်သော ဗိုလ်မှူးကြီးဗထူးကျဆုံးခြင်း နှစ်(၇၀)ပြည့် နေ့တွင် ထားဝယ်တိုင်းရင်းသားများပါတီမှဦးဆောင်ပြီး ထားဝယ်ဒေသခံများနှင့်လူမှုအဖွဲ့စည်းများကပူးပေါင်း၍
ဗမာ့လွတ်လပ်ရေးသူရဲကောင်း ဗိုလ်မှူးကြီးဗထူးကျဆုံးခြင်း နှစ်(၇၀)ပြည့် ဆွမ်းကျွေးအလှူမင်္ဂလာနှင့် အောက်မေ့ဖွယ်အခမ်းအနား ကို လောင်းလုံးမြို့နယ် ကမြောကင်းရေဆိပ်ကျောင်းတွင်နံနက်၈နာရီမှ နေ့လည်၁၁နာရီအထိ
ကျင်းပခဲ့ကြောင်းသတင်းရရှိသည်။
အခမ်းအနားအစီအစဉ်ကို
ပထမပိုင်းအစီအစဉ် - အောက်မေ့ဖွယ်အခမ်းအနား
ဒုတိယပိုင်းအစီအစဉ် - ဗိုလ်မှူးကြီးဗထူးအားရည်စူး၍ပြုလုပ်သောဆွမ်းကျွေးအလှူမင်္ဂလာ
တတိယပိုင်းအစီအစဉ် - ကမြောကင်းတံတားထိပ်ရှိ ဗိုလ်မှူးကြီးဗထူးအထိမ်းမှတ်ရုပ်ထု၌ လွမ်းသူပန်းခွေ၊ပန်းခြင်းချ၍အလေးပြုခြင်း ဟူ၍အပိုင်း၃ပိုင်းခွဲ၍ကျင်းပခဲ့သည်။
ပထမပိုင်းအစီအစဉ် တွင် ဦးစွာ နိုင်ငံတော်အလံကိုအလေးပြုခြင်း၊ ဗိုလ်မှူးကြီးဗထူးနှင့် လွတ်လပ်ရေးအတွက်အသက်ပေးသွားသောသူရဲကောင်းများကိုအလေးပြုခြင်း။
ထားဝယ်တိုင်းရင်းသားများပါတီဥက္ကဋ္ဌဦးအေးမင်းမှအဖွင့် အမှာစကားပြောကြားခြင်း၊၈၈မျိုးဆက်ငြိမ်းချမ်းရေးနှင့်ပွင့်လင်းလူ့အဖွဲ့စည်းထားဝယ်မြို့နယ် တာဝန်ခံ ဦးကျော်ကျော်သက်က ဗိုလ်မှူးကြီးဗထူး၏ ဘ၀ဖြစ်စဉ်ကိုပြော
ကြားခြင်း။
ကဗျာဆရာ တင့်စိုးဝေ ၊နေမင်းရာဇာ ၊တက္ကသိုလ်ကျောင်းသားများ က ဂုဏ်ပြုကဗျာများရွတ်ဆိုကြခြင်း။
လောင်းလုံးဒေသခံပြည်သူများ၏ကိုယ်စား ထားဝယ်တိုင်းရင်းသားများပါတီဒုဥက္ကဋ္ဌ ဦးမောင်အေးမှ ကျေးဇူးတင်စကားပြောကြား၍ ပထမပိုင်းအခမ်းအနားကိုရုပ်သိမ်းလိုက်ပါသည်။
ထားဝယ်တိုင်းရင်းသားများပါတီဥက္ကဋ္ဌဦးအေးမင်းမှအဖွင့် အမှာစကားပြောကြားရာတွင် ဤအခမ်းအနားကို (၁) ဗိုလ်မှူးကြီးဗထူးကောင်းရာသုဂတိလားရောက်နိုင်စေရန်အတွက်လည်းကောင်း၊
(၂) ထားဝယ်ဒေသပြည်သူလူထုများအထူးသဖြင့်လူငယ်များ ဗိုလ်မှူးကြီးဗထူးကဲ့သို့တိုင်းပြည်ချစ်စိတ်မွေးမြူပြီး ၊ရဲစွမ်းသတ္တိပြည့်ဝကာ တိုင်းပြည်အတွက်စွန့်လွှတ် အနစ်နာခံမှုတို့ကို ဂုဏ်ယူ၊အားကျ၊ အတုယူနိုင်ကြစေရန်
ရည်ရွယ်၍ ကျင်းပရခြင်းဖြစ်ပါကြောင်းထည့်သွင်းပြောကြားသွားပါသည်။
ဒုတိယပိုင်းအစီအစဉ် အနေဖြင့် ဗိုလ်မှူးကြီးဗထူးအားရည်စူး၍ပြုလုပ်သောဆွမ်းကျွေးအလှူမင်္ဂလာဆက်လက်ပြုလုပ်ရာ ဆရာတော်သံဃာတော် တို့ထံမှ ငါးပါးသီလခံယူ၍ ပရိတ်တရားတော်များနာကြားကာ ဗိုလ်မှူးကြီးဗထူး နှင့်
ဝေနေယျတို့အားရေစက်ချ အမျှပေးဝေ ခဲ့ပါသည်။ ဗိုလ်မှူးကြီးဗထူးအားရည်စူး၍ သံဃာတော်၂၁ပါးတို့ ကို ၀တ္ထုအလှူငွေများဆက်ကပ်လှူဒါန်းပြီး ဆွမ်း၊ခဲဖွယ်တို့ကိုဆက်ကပ်လှူဒါန်းခြင်းခဲ့ကြောင်းသတင်းရရှိပါသည်။
ဆက်လက်၍ တတိယပိုင်းအစီအစဉ် အနေဖြင့် ကမြောကင်းတံတားထိပ်ရှိ ဗိုလ်မှူးကြီးဗထူးအထိမ်းမှတ်ရုပ်ထု၌ လွမ်းသူပန်းခွေ၊ပန်းခြင်းချ၍အလေးပြုခြင်း တို့ကိုပြုလုပ်ခဲ့ကြပါသည်။
 |
| ၁၁၄ ကြိမ်မြောက်သွေးလှူရှင်- ဦးညွန့်ရွှေ |
တချိန်တည်းတွင် ထားဝယ်တိုင်းရင်းသားများပါတီ ဗဟိုအလုပ်မှုဆောင် ကော်မတီဝင် ဘဏ္ဍာရေးမှူးဦးညွန့်ရွှေ က ဗိုလ်မှူးကြီးဗထူးကိုဂုဏ်ပြုသောအားဖြင့် ထားဝယ်ပြည်သူ့ဆေးရုံကြီးသွေးလှူဘဏ်တွင်
၁၁၄ကြိမ်မြောက် သွေးလှူဒါန်းခဲ့ကြောင်း သတင်းရရှိပါသည်။
ဤအခမ်းအနားတွင် ရှေးထားဝယ်မြို့ ဟောင်းများ၊ထားဝယ်ရှေးဟောင်းယဉ်ကျေးမှု ဘုရားများ၊အသုံးဆောင်ပစ္စည်းတို့ကိုပြသထားသည်။ကြွရောက်လာကြသောဧည့်ပရိသတ်များကို
ထားဝယ်ရိုးရာမုန့် များဖြင့်ကျွေးမွေးဧည့်ခံသည်။
Lwintmgmg Daily News
