အိန္ဒိယလွှတ်တော်အမတ်များ ၈၈ မျိုးဆက် ခေါင်းဆောင်များနှင့် တွေ့ဆုံဆွေးနွေး

Written By လွင့်မောင်မောင် on Wednesday, September 12, 2012 | 2:20 AM

Photo: ၈၈မျိုးဆက်ကျောင်းသားများဖြစ်ကြသော မင်းကိုနိုင်၊ကိုပြုံးချို၊ကိုဂျင်မီတို့နှင့် ရန်ကုန်မြို့၌ရောက်ရှိနေသော အိန္ဒိယနိုင်ငံ အရှေ့မြောက်ပိုင်း ပြည်နယ်များမှ ပါလီမန်အမတ်(၆)ဦးအဖွဲ့တို့ စက်တင်ဘာလ၊(၁၁)ရက် မွန်းလွဲပိုင်းက ရန်ကုန်မြို့၊ဝေဇယန္တာလမ်းရှိ ၈၈မျိုးဆက်ကျောင်းသားများရုံးတွင် တွေ့ဆုံဆွေးနွေးအပြီး အမှတ်တရဓာတ်ပုံရိုက်ကြစဉ်.....၊

Photo-88 Generation Students

Photo: ၈၈မျိုးဆက်ကျောင်းသားများဖြစ်ကြသော မင်းကိုနိုင်၊ကိုပြုံးချို၊ကိုဂျင်မီတို့သည် ရန်ကုန်မြို့၌ရောက်ရှိနေသော အိန္ဒိယနိုင်ငံ အရှေ့မြောက်ပိုင်း ပြည်နယ်များမှ ပါလီမန်အမတ်(၆)ဦးအဖွဲ့အား စက်တင်ဘာလ၊(၁၁)ရက် မွန်းလွဲ ၁၂နာရီ ၂၀မိနစ်က ရန်ကုန်မြို့၊ဝေဇယန္တာလမ်းရှိ ၈၈မျိုးဆက်ကျောင်းသားများရုံးတွင် လက်ခံတွေ့ဆုံခဲ့သည်။ ထိုသို့တွေ့ဆုံရာတွင် ဒီမိုကရေစီကျင့်သုံးမှု အတွေ့အကြုံများနှင့် ၈၈မျိုးဆက်ကျောင်းသားများ၏ ဖြတ်သန်းမှုအတွေ့အကြုံများ၊ ရှေ့ဆက်လုပ်ဆောင်သွားမည့် အနာဂါတ်ရည်မှန်းချက်များနှင့်ပတ်သက်၍ ရင်းနှီးပွင့်လင်းစွာဆွေးနွေးခဲ့ကြသည်။

Photo-88 Generation Students

2012-09-11

အိန္ဒိယ လွှတ်တော်အမတ် Dr.Thokchom Meinya ဦးဆောင်တဲ့ အဖွဲ့ဝင် (၆) ဦးတို့ဟာ ၈၈ မျိုးဆက် ကျောင်းသား ခေါင်းဆောင်တွေ ဖြစ်ကြတဲ့ ကိုမင်းကိုနိုင်၊ ကိုဂျင်မီ၊ ကိုပြုံးချိုတို့နဲ့ ရန်ကုန်မြို့ သင်္ဃန်းကျွန်းမြို့နယ်ရှိ ၈၈ မျိုးဆက် ကျာင်းသားများ ရုံးခန်းမှာ ဒီကနေ့ နေ့လည်ပိုင်းက ပထမဦးဆုံးအကြိမ် တွေ့ဆုံဆွေးနွေးခဲ့ကြပါတယ်။

စီပွားရေးအရ အကျိုးအမြတ် မကြည့်ဘဲ ဒီမိုကရေစီနည်းကျ နှစ်နိုင်ငံ ပြည်သူတွေ အကျိုးကို အဓိကထား ဆက်ဆံသင့်ကြောင်း ဆွေးနွေးခဲ့ကြတယ်လို့ ကိုမင်းကိုနိုင်က RFA ကို ပြောပါတယ်။

"သူတို့ရဲ့ လှုပ်ရှားမှုမှန်သမျှကို ကျွန်တော်ကို့ အမြဲတမ်း စောင့်ကြည့်နေတယ် ဆိုတာကို သတင်းစကား ပါးပါတယ်။ အဲဒီမှာ အတွေးအခေါ်တွေနဲ့ ပတ်သက်လို့ ကျွန်တော်တို့က ပွင့်ပွင့် လင်းလင်းပဲ ပြောပါတယ်။ စီးပွားရေး အကျိုးအမြတ် တစ်ခုတည်းကိုပဲ ဘယ်တော့မှ မကြည့်ပါနဲ့။ ဒါဟာ ကာလတို အကျိုးစီးပွားပဲ ဖြစ်ပါလိမ့်မယ်။ တိုင်းပြည် တစ်ပြည်နဲ့ တစ်ပြည် ဆက်ဆံရေးဟာ ပြည်သူတွေရဲ့ ဆက်ဆံရေးပဲ ဖြစ်သင့်တယ်"

အိန္ဒိယ လွှတ်တော်အမတ်တွေဘက်ကလည်း သမ္မတ ဦးသိန်းစိန်ရဲ့ ပြုပြင်ပြောင်းလဲရေးအပေါ် သဘောထား အမြင်တွေနဲ့ လာမယ့် ၂၀၁၅ ခုနှစ် ရွေးကောက်ပွဲအလွန်ကာလမှာ ပေါ်ပေါက် လာနိုင်တဲ့ မြန်မာ့ နိုင်ငံရေးအလားအလာတွေကို မေးမြန်း ဆွေးနွေးခဲ့တယ်လို့ ၈၈ မျိုးဆက် ကျောင်းသားခေါင်းဆောင် တစ်ဦးဖြစ်သူ ကိုဂျင်မီကလည်း ပြောပါတယ်။

"သူတို့ဆီကတော့ လက်ရှိ နိုင်ငံတော် သမ္မတကြီး ဦးသိန်းစိန်ရဲ့ ပြုပြင်ပြောင်းလဲမှုနဲ့ ပတ်သက်ပြီးတော့ အဲတာကို ဘယ်လိုမြင်သလဲ။ တကယ်လို့ သမ္မတရဲ့ သက်တမ်းဟာ ဘယ်လောက်အထိ ရှိနိုင်မလဲ။ သူမရှိတော့ရင် ဘာဖြစ်နိုင်မလဲဆိုတဲ့ မေးခွန်း တွေ။ နောက်ပြီးတော့ ကျွန်တော်တို့က ၂၀၁၅ မှာ ဘယ်လိုရပ်တည်မှာလဲ။ ဒီမေးခွန်း နှစ်ခုကို ကျွန်တော်တို့ကို မေးပါတယ်"

မိမိတို့ အဖွဲ့အနေနဲ့ အိန္ဒိယနိုင်ငံက တခြားအဖွဲ့အစည်းတွေနဲ့လည်း ဆက်လက် တွေ့ဆုံဆွေးနွေးဖို့ ရှိတယ်လို့ (၈၈) မျိုးဆက်ကျောင်းသား ခေါင်းဆောင်တွေက ပြောပါတယ်။

Share this article :