နိုင်ငံတော်သမ္မတ ဦးသိန်းစိန်ဟာ ၂ဝ၁၅ ရွေးကောက်ပွဲမှာ ဘယ်မဲဆန္ဒနယ်ကနေ ၀င်ရောက်ယှဉ်ပြိုင်မယ်ဆိုတာ မသိသေးကြောင်း ပြည်ထောင်စုကြံ့ခိုင်ရေးနဲ့ ဖံွ့ဖြိုးရေးပါတီ ပြောရေးဆိုခွင့်ရှိသူ ဦးစိုးနိုင်က ပြောပါတယ်။
ပြည်ခိုင်ဖြိုးပါတီက ကိုယ်စားလှယ်လောင်း အမည်စာရင်းစိစစ်နေပြီး၊ သမ္မတ ဦးသိန်းစိန်အနေနဲ့ ပါတီကိုယ်စားပြု ဝင်ရောက်ယှဉ်ပြိုင်ဖို့ အစီအစဉ်ရှိ၊ မရှိ သတင်းထောက်တွေက မေးမြန်းရာ ပါတီဗဟိုအလုပ်အမှုဆောင် အဖွဲ့ဝင် ဦးစိုးနိုင်က အခုလိုဖြေကြားခဲ့တာ ဖြစ်ပါတယ်။
"သမ္မတကြီးက သူဂျပန်မှာတွေ့တုန်းက ပြောထားတယ်လေ၊ ပြည်သူလူထုကဆန္ဒရှိရင် သူဒုတိယအကြိမ် ပြန်အရွေးခံမယ်လို့ အဲ့လိုပဲပြောထားတယ်၊ အဲ့ဒါပဲသိတယ် ဘယ်ကရွေးကောက်ပွဲဝင်မယ်ဆိုတာတော့ အဲ့ဒါတွေဘာမှမသိဘူး"
သမ္မတ ဦးသိန်းစိန်ဟာ ပြီးခဲ့တဲ့ ၂ဝ၁ဝ ရွေးကောက်ပွဲမှာ နေပြည်တော် ဇမ္ဗူသီရိမြို့နယ် ပြည်သူ့လွှတ်တော် ကိုယ်စားလှယ်အဖြစ် ရွေးကောက်ခံခဲ့ရတာဖြစ်ပါတယ်။ စင်္ကာပူနိုင်ငံမှာ ဆေးကုသမှုခံယူနေရတဲ့ ဦးအောင်သောင်းကတော့ သူ့မဲဆန္ဒနယ်တောင်သာက ဝင်ရောက်ယှဉ်ပြိုင်မှာ မဟုတ်တော့ပဲ ပါတီဗဟိုကော်မတီဝင် ဦးဝင်းမြင့်ကို တာဝန်ပေးထားတယ်လို့ သိရပါတယ်။
RFA Burmese
