အမေရိကန်ပြည်ထောင်စုကို အလည်အပတ် ရောက်ရှိနေတဲ့ ဦးရွှေမန်းဟာ ဝါရှင်တန် ဒီစီမြို့တော် ဝုဒရိုး ဝီလဆင် စင်တာ(Woodrow Wilson Center)မှာ ဇွန်လ ၁၃ ရက်နေ့က ကျင်းပတဲ့ “ မြန်မာ့ နိုင်ငံရေး လက်ရှိအခြေအနေအပေါ် ပြည်ထောင်စု လွှတ်တော်ရဲ့ အမြင်” ခေါင်းစဉ်နဲ့ ဆွေးနွေးပွဲ အပြီးမှာ ခုလို ပြောဆိုလိုက်တာ ဖြစ်တယ်လို့ ဆိုပါတယ်။
ပြည်သူ့ လွှတ်တော် ဥက္ကဌကို ဘူးသီးတောင်၊ မောင်တောဒေသကို ကိုယ်စားပြုတဲ့ လွှတ်တော် ကိုယ်စားလှယ်တွေဟာ ဘင်္ဂလီလား၊ ရိုဟင်ဂျာလား ဆိုတဲ့မေးခွန်းကို ပြည်သူ့လွှတ်တော် ဥက္ကဌ သူရဦးရွှေမန်းကို မေးမြန်းခဲ့တယ်လို့ ဆိုပါတယ်။
ပြည်သူ့ လွှတ်တော် ဥက္ကဌက “ဥပဒေထဲမှာနဲ့ သမိုင်း အစဉ်အလာမှာ ရိုဟင်ဂျာဆိုတာမရှိခဲ့ပါဘူး၊ လွှတ်တော်ထဲမှာရှိတဲ့ ကိုယ်၌က ဒီမှာလွှတ်တော် ကိုယ်စားလှယ်တွေကလည်း ရိုဟင်ဂျာလို့ မသုံးပါဘူး၊ သူတို့ကို မြန်မာတစ်ယောက် အနေနဲ့ပဲ ဒီလိုပဲသုံးနှုန်းပါတယ်″ လို့ ပြောဆိုသွားခဲ့တယ်လို့ ဆိုပါတယ်။
ဒါ့ပြင် မြန်မာနိုင်ငံမှာ လက်ရှိပြဌာန်းထားတဲ့ ဖွဲ့စည်းအုပ်ချုပ်ပုံ အခြေခံဥပဒေဟာ လူမျိုးရေး၊ ဘာသာရေး ခွဲခြားဆက်ဆံမှုတွေကို ပိတ်ပင်တားမြစ်ထားတယ်လို့ ပြည်သူ့လွှတ်တော်အကြီးအကဲ သူရ ဦးရွှေမန်းက ပြောကြားခဲ့တယ်လို့ RFA (မြန်မာပိုင်း အစီအစဉ်) သတင်းမှာ ဖေါ်ပြထားပါတယ်။
