အကြမ်းဖက်သမားနဲ့ နာမည်တူတစ်ဦးကို ခေါ်ယူစစ်ဆေး

မန္တလေး၊ နိုဝင်ဘာ ၁၄

မြန်မာနိုင်ငံထဲမှာ ရောက်နေတယ်ဆိုတဲ့ အကြမ်းဖက်သမား လေးဦးထဲက နာမည် တူတဲ့သူတစ်ဦး မန္တလေးမြို့ Pacific Hotel မှာ တည်းနေတယ်ဆိုတဲ့ သတင်းရလို့ သူ့ကို ခေါ်ယူစစ်ဆေးခဲ့တယ်လို့ မန္တလေးတိုင်းဒေသကြီး ရဲတပ်ဖွဲ့မှူးရုံး တာဝန်ရှိသူ တစ်ဦးက ဆိုပါတယ်။

ခုလို ခေါ်ယူစစ်ဆေးခဲ့ပေမယ့်လည်း သံသယဖြစ်စရာ မတွေ့ရလို့ ပြန်လွှတ်ပေး ခဲ့တယ်လို့ ရဲတပ်ဖွဲ့မှူးရုံး တာဝန်ရှိသူက ရှင်းပြပါတယ်။

“ဟိုတယ်၊ တည်းခိုခန်းတွေကို လုံခြုံရေးအရ တည်းခိုတဲ့ လူစာရင်းမှာ အီစမိုင်(ခ) ဝင်းသိန်း ဖြစ်နေတယ်။ နာမည် ဆင်တူနေတဲ့အတွက် လုံခြုံရေးအရ ခေါ်ယူ စစ်ဆေးတာ ဖြစ်ပါတယ်” လို့လည်း သူက ဆိုပါတယ်။

အီစမိုင်(ခ) ဝင်းသိန်းကို စစ်ဆေးချက်အရ သိရတာက သူဟာ နိုဝင်ဘာလ ၁၂ ရက်နေ့တုန်းက Golden Myanmar လေကြောင်းလိုင်းနဲ့ ရန်ကုန်ကနေ ရောက်လာတာ ဖြစ်ပြီး ပြည်ကြီးတံခွန်မြို့နယ် စက်မှုဇုန် ၁ မှာ ၁၂ ဘီးယာဉ်တွေနဲ့ အဝေးပြေးယာဉ်လိုင်း ပြေးဆွဲနေသူ ဖြစ်ကာ ကားပစ္စည်း အရောင်းဆိုင် ဖွင့်ထားသူဖြစ်ပါတယ်။ ဖောက်ခွဲရေးနဲ့ ပတ်သက်လို့တော့ စစ်ဆေးတွေ့ရှိခြင်း မရှိပါဘူးလို့ ရဲတပ်ဖွဲ့မှူးရုံး မှတ်တမ်းတွေအရ သိရပါတယ်။

ပြည်တွင်းကို အကြမ်းဖက်သမားလေးဦး ဝင်လာတယ်ဆိုတဲ့ သတင်းအရ တစ်နိုင်ငံလုံး ဓာတ်ပုံမှတ်တမ်းနဲ့တကွ ဖြန့်ဝေထားပြီး လုံခြုံရေးကိုလည်း အရင်ထက် ပိုတင်းကျပ်ထားကာ ၂၄ နာရီ ချထား ဆောင်ရွက်နေတယ်လို့ မန္တလေး တိုင်းဒေသကြီး ရဲတပ်ဖွဲ့မှူးရုံးက သတင်း ထုတ်ပြန်ထားပါတယ်။

နိုဝင်ဘာလ ၇ ရက်နေ့ကလည်း မန္တလေး ပုသိမ်ကြီးမြို့နယ်မှာ ဖောက်ခွဲရေးပစ္စည်းနဲ့ ဆက်စပ်ပြီး ပေါက်ကွဲစေတတ်တဲ့ ယမ်းတွေ သိုလှောင်ထားတယ်ဆိုတဲ့ သတင်းအရ ဝင်ရောက်စစ်ဆေးခဲ့ရာ ကနေ သိမ်းဆည်းရမိခဲ့ပြီး အမျိုးသားနှစ်ဦးကို ခေါ်ယူစစ်ဆေး နေတယ်လို့ မန္တလေး တိုင်းဒေသကြီး ရဲတပ်ဖွဲ့မှူးရုံး မှတ်တမ်းတွေကနေ သိရပါတယ်။
The Voice