PR မကျင့်သုံးဖို့ ပြည်သူ့ လွှတ်တော်မှာ ဆုံးဖြတ်လိုက်ပြီ

Written By လွင့်မောင်မောင် on Friday, November 14, 2014 | 11:01 PM

နေပြည်တော်၊ နိုဝင်ဘာ ၁၄

အချိုးကျ ကိုယ်စား ပြုစနစ် PR ကို မကျင့်သုံးတော့ဘူးဆိုပြီး ပြည်သူ့လွှတ်တော် အစည်းအဝေးမှာ ဒီနေ့ ဆုံးဖြတ်လိုက်ပါတယ်။

မြန်မာနိုင်ငံနဲ့ ကိုက်ညီတဲ့ ရွေးကောက်ပွဲစနစ် တစ်ခု ကျင့်သုံးရေးအတွက် လေ့လာသုံးသပ်ရေး ကော်မရှင်က တင်ပြထားတဲ့ ရွေးကောက်ပွဲစနစ် ၈ မျိုးထဲမှာ လက်ရှိ ကျင့်သုံးနေတဲ့ နိုင်သူအကုန်ယူ FPTP စနစ်က လွဲပြီး ကျန်စနစ် ၇ မျိုးလုံး အခြေခံ ဥပဒေနဲ့ မညီဘူးဆိုပြီး အခြေခံ ဥပဒေဆိုင်ရာ ခုံရုံးက ပြောဆိုတဲ့အတွက် PR ကို မကျင့်သုံးဘဲ FPTP သာ ကျင့်သုံးမယ်လို့ သူရဦးရွှေမန်းက ဆုံးဖြတ်ခဲ့တာပါ။

နိုဝင်ဘာလ ၁၃ ရက်နေ့က အမေရိကန်သမ္မတ ဘားရက်အိုဘားမားနဲ့ သူရဦးရွှေမန်း တွေ့ဆုံပြီး နောက်တစ်နေ့မှာ အခုလို ဆုံးဖြတ်ချက် ထွက်လာတာ ဖြစ်ပါတယ်။
The Voice

Share this article :