နေပြည်တော်၊ နိုဝင်ဘာ ၁၃
တောင်တရုတ်ပင်လယ်အရေး အခြေခံမူ COC (Code of Conduct) ကို မြန်မာ အာဆီယံဥက္ကဋ္ဌ သက်တမ်းမှာ အပြီးသတ် လုပ်သွားမယ်လို့ ဒီနှစ်ဆန်းပိုင်းမှာ ကျင်းပတဲ့ အာဆီယံ နိုင်ငံခြားရေးဝန်ကြီး အစည်းအဝေးမှာ ပြောထားပေမယ့် အခု နောက်ဆုံး ထိပ်သီးအစည်းအဝေးမှာ ကြေညာခြင်း မရှိခဲ့ပါဘူး။
တောင်တရုတ်ပင်လယ် ကိစ္စကိုတော့ နိုင်ငံတော်သမ္မတရဲ့ ဒီနေ့ညနေ သတင်းစာရှင်းလင်းပွဲမှာ ပြောမယ်လို့ နိုင်ငံခြားရေးဝန်ကြီးဌာန ဒုတိယဝန်ကြီး ဦးသန့်ကျော်က ပြောပါတယ်။
အာဆီယံ-တရုတ် ထိပ်သီးအစည်းအဝေးကို ဒီနေ့ မွန်းလွဲ သုံးနာရီကျော်မှာ ပြုလုပ်ခဲ့ပြီး တောင်တရုတ်ပင်ဘယ် အရေးကိစ္စကို ဆွေးနွေးခဲ့ကြပါတယ်လို့ အစည်းအဝေး သတင်းထုတ်ပြန်ချက်မှာ ဖော်ပြပါတယ်။
အစည်းအဝေးကို မြန်မာ အပြည်ပြည်ဆိုင်ရာ ကွန်ဗင်းရှင်းစင်တာမှာ ကျင်းပခဲ့ရာ အာဆီယံ အဖွဲ့ဝင် နိုင်ငံတွေက နိုင်ငံခေါင်းဆောင်တွေ၊ အစိုးရအဖွဲ့ အကြီးအကဲတွေ၊ တရုတ်နိုင်ငံ ဝန်ကြီးချုပ် မစ္စတာ လီခချန်နဲ့ အာဆီယံ အတွင်းရေးမှူးချုပ်တို့ တက်ရောက်ခဲ့ပါတယ်။
အဲဒီအစည်းအဝေးမှာ နိုင်ငံတော် သမ္မတက အာဆီယံ-တရုတ် မဟာဗျူဟာ ဆက်ဆံရေး တိုးတက်ဖို့ ကဏ္ဍပေါင်းစုံ ပူးပေါင်းဆောင်ရွက်ရေး၊ တရုတ်က အဆိုပြုထားတဲ့ ၂+၇ ပူးပေါင်းဆောင်ရွက်ရေး မူဘောင်မှ တစ်ဆင့် ပူးပေါင်းဆောင်ရွက်နိုင်မယ့် နယ်ပယ်အသစ်တွေ ရှာဖွေရေးနဲ့ တောင်တရုတ် ပင်လယ်ကိစ္စကို ငြိမ်းချမ်းစွာ ဖြေရှင်းဖို့ ဆက်လက် ပူးပေါင်းဆောင်ရွက်ရမယ့် ကိစ္စတွေကို ဆွေးနွေးခဲ့ပါတယ်။
အစည်းအဝေးမှာ အာဆီယံနဲ့ တရုတ်နိုင်ငံအကြား နိုင်ငံရေး၊ စီးပွားရေး၊ လူမှုရေး နယ်ပယ်တွေအပြင် အာဆီယံ ဦးဆောင်တဲ့ ဒေသဆိုင်ရာ ယန္တရားတွေမှာ ပူးပေါင်း ဆောင်ရွက်မှုတွေ ဆက်လက် တိုးမြှင့်သွားရေးကိုလည်း ဆွေးနွေးခဲ့ကြပါတယ်။
အာဆီယံ-တရုတ် လွတ်လပ်တဲ့ ကုန်သွယ်မှု နယ်မြေ အဆင့်မြှင့်တင်ရေး ကိစ္စရပ်တွေ ညှိနှိုင်း ဆောင်ရွက်သွားရေးနဲ့ တောင်တရုတ် ပင်လယ်တွင်း နိုင်ငံတွေ လိုက်နာရမယ့် လုပ်ထုံး လုပ်နည်းတွေ ဆိုင်ရာ ကြေညာစာတမ်း အပြည့်အဝ အကောင်အထည်ဖော်ရေးနဲ့ ပတ်သက်လို့ ဒေသဆိုင်ရာ လိုက်နာရမယ့် လုပ်ထုံးလုပ်နည်း တူညီဆန္ဒကို အခြေခံပြီး ဆောလျင်စွာ အဆုံးသတ်နိုင်ဖို့ ဆွေးနွေးခဲ့ကြတယ်လို့ အစည်းအဝေး သတင်းထုတ်ပြန်ချက်မှာ ဖော်ပြပါတယ်။
