မြန်မာ့အပြောင်းအလဲများကြောင့် ထိုင်းတွင် မြန်မာစကားသင်ယူရန် စိတ်ဝင်စားမှု ပိုများလာ

ဘန်ကောက်၊ ဇူလိုင်-၂၁
မြန်မာနိုင်ငံအတွင်း နိုင်ငံရေးပြုပြင်ပြောင်းလဲလာမှုများကြောင့် ရင်းနှီးမြှုပ်နှံခြင်းနှင့်ခရီးသွားလုပ်ငန်းဆိုင်ရာအခွင့်အလမ်းများ ပေါ်ပေါက်လာသဖြင့်ထိုင်းနိုင်ငံတွင်း၌လည်းစီးပွားရေးလုပ်ကိုင်ရန်အတွက် မြန်မာဘာ သာစကား သင်ယူရန် စိတ်ဝင်စားမှုများ ပိုများလာသည်ဟု သိရသည်။ ထိုင်းနိုင်ငံချုလာလောင်ကွန်တက္ကသိုလ်၌ နှစ် ၂၀ ကျော်ကြာ သင်ကြားလျက်ရှိသော ဆရာမဒေါ်သန်းသန်းမြင့်က ယခင်ကဆိုလျှင် သူမ၏ မြန်မာဘာသာစကားသင်တန်း၌ ကျောင်းသားဦးရေ ပြည့်မီခြင်း မရှိလှဘဲ နည်းပါးခဲ့ကြောင်း ဆိုသည်။
သူမက ''သိပ်မကြာခင်ကတော့ အတန်းသစ်ဖွင့်ပြီလားဆိုပြီး ကျွန်မကို လာစောင့်နေကြတဲ့သူတွေ တော်တော်တွေ့လာရပါ တယ်။ ဒါပေမဲ့ သင်တန်းက လုပ်ဆောင်နေဆဲမို့ (အသစ်)မဖွင့်နိုင်ပါဘူး။ ဒီလအတွင်းတော့ ဖွင့်ရင် ဖွင့်ဖြစ်မှာပါ''ဟု ရှင်းပြသည်။
ဒေါ်သန်းသန်းမြင့်၏ မြန်မာဘာသာစကားသင်တန်းသည် စုစုပေါင်း စာသင်ချိန် နာရီ ၃၀ ကြာ သင်တန်းဖြစ်ပြီး ကလေးများနှင့် လူကြီးများအတွက် တန်းခွဲများ ခွဲခြားသင်ကြားပေးသည်။
မော်တော်ယာဉ် အစိတ်အပိုင်းနှင့် ကားဟောင်းရောင်းချသူ မစ္စတာပရီချာလတ်ပရီချာပက်ဒီကလည်း''ထိုင်းဟာချမ်းသာတဲ့ မြန်မာတွေအတွက် လာလည်ဖို့ ပထမဦးစားပေးနေရာဖြစ်တယ်ဆိုတာ စီးပွားရေးသမားတစ်ဦးအနေနဲ့ကျွန်တော်သိပါတယ်''ဟု ပြောသည်။ယခုအခါချူလာလောင်ကွန်တက္ကသိုလ်တွင် သင်ကြားနေသော မြန်မာစကားသင် တန်းအောင်မြင်မှုကို အခြေခံ၍ ထိုင်းနိုင်ငံ အနှံ့တွင် သင်တန်းများ ဖွင့်လှစ်ရန် မျှော်လင့်ထားကြောင်း သတင်းက ဖော်ပြသည်။
Ref: CNA